Isaiah 64:12 - Tedim Bible

¹² Topa aw, hih nate ah nangmah ki-ip cip ding na hi hiam? Nang dai takin om dide-in nakpi takin kote hong gimsak ding na hi hiam?

Tedim Bible Revision 2017

¹² Topa aw, hih thute ah nangmah ki-ipcip niloh ding na hi hiam? Nang daitakin om dide-in nakpi takin kote hong gimsak ding na hi hiam?

Isaiah 64:12 Referans Kwoze

Isaiah 42:14

Pasian in hih bangin ci hi: Sau veipi sung ka dai om a, keimah leh keimah kikhamcip-in ka hi hit-hiat hi; tu-in numei nau suak ding bangin ka kiko khia ding a, ka kam ka-in ka tung-nak ding hi.

Zekhariah 1:12

Tua ciangin Topa’ vantungmi in, “Vanglianpen Topa aw, Jerusalem khuapi leh Judah gam khuapite tungah kum sawmsagih sung na heh khin ta hi. Amaute hehpih loin bang tan vei om lai ding na hi hiam?” ci hi.

Late 83:1

Pasian aw, dai dide-in om kei in; lung nuamin, taang loin om kei in, Pasian aw!

Mangmuhna 6:10

Amaute in zong, “A siangtho, a dik Vanglianpen Topa aw, leitungah a om mite, kote’ sihna sisan hangin thu khenin daantat loin bang tan vei sawtpi na om ding hiam?” ci-in nakpi a kiko uh hi.

Late 79:5

Topa aw, bang tanvei hi ding hiam? Heh paisuak ding na hi hiam? Nangma hazat hehna, mei bangin kuang paisuak ding ahi hiam?

Late 10:1

Topa aw, bang hanga gamla din’ na hi hiam? Haksat hunin bang hanga nang bu khong na hi hiam?

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.

Isaiah 65:6

En un, amaute daan piak ding ka khentat khin a, amaute’ thuak dingte lai sungah kiciamteh khin hi. Amau’ mawhnate mawk koih in, ka dai om kei ding a, a bit-in ka thukkik ding hi. Amau’ mawhna leh a pu a pate’ mawhnate a phei tungah ka thukkik ding hi; amaute in mual liante tungah paknamtui hal-in mual neute tungah kei hong simmawh uh ahih ciangin amau’ gamtatna tawh kizui-in a bit-in ka thuk ding hi, ci hi.