Isaiah 64:11 - Tedim Bible

¹¹ Kote’ biakinn a siangtho leh a hoihte, ka pate un nangmah hong phatna munte uh mei in kangtum khin a, kote’ neihsa na manpha khempeuh a sia suak khinta hi.

Tedim Bible Revision 2017

¹¹ Koteʼ inn a siangtho le a hoihte, ka pate un nangmah hong phatna munte mei in kaang khin a, koteʼ mun nuam khempeuh a sia suak khinta hi.

Isaiah 64:11 Referans Kwoze

2 KUMPI NIHNATE 25:9

Amah in Topa’ inn, kumpipa’ inn leh Jerusalem khua sung inn khempeuh hal hi; inn lian khempeuh amah in haltum hi.

Kah la 1:7

Tu in Jerusalem kisia zo ta a, nidanga a thupitnate a nung phawk kik uh hi. Galte in a sim lai takin a huh ding khat beek a om kei hi. Guallel ahih manun a galte in a nuihsan uh hi.

2 KHANG TANGTHU NIHNATE 36:19

Tua ciangin amaute in Pasian’ inn halin Jerusalem kulh nusia uh a, a kumpi inn khempeuh mei tawh halin a um-le-beel manpha khempeuh susia uh hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Kah la 2:7

Topa in a siangtho biakinnpi leh a biakna tau deih nawn lo a, biakinn kulhpi galte a susiasak hi. Lungdamna tawh Amah i biakna munah, amaute gal zoin a kiko uh hi.

Jeremiah 52:13

Amah in Topa’ biakinnpi akipan kumpipa’ inn leh Jerusalem khua-a inn lian khempeuh a hal hi.

Mattiu 24:2

Zeisu in, “Hihte khempeuh mu hilo na hi uh hiam? Ke’n aman takpi kong cih-inah, a kiphelkhia loin suang khat tungah suang kiciang khat beek a om kei ding hi,” a ci hi.

Ezekiel 24:25

Tua ciangin Topa in kei kiangah, “Ezekiel aw, amaute in a kisaktheihpih, a lungdampih, paipai-in a etet nop uh biakinnpi ka la khia ding a, a tanu a tapate uh zong ka laksak ding hi.

2 KHANG TANGTHU NIHNATE 7:6

Siampite amau’ panmun uhah ding uh hi; Levi mite zong, Kumpi David in Topa tungah lungdam koh nadingin a bawl Topa’ tungah la sak nading lasaknate tawh ding uh hi—bang hang hiam cih leh ama itna kip tawntung hi—David in amau’ nasepna tawh phatnate a bawl ciangin tua bangin hih uh hi; amaute tawh a kigalsai-ah siampite in peengkulte tum uh hi; tua ciangin Israel khempeuh ding uh hi.

2 KHANG TANGTHU NIHNATE 7:3

Israel mite khempeuh in meikuang hong pai sukin Topa’ minthan’na biakinn tungah a om a muh uh ciangin suangphah tungah lei lam maingatin kun uh a, bia-in Topa tungah lungdamna ko-in, “Topa tungah lungdam koh ding hoih hi; bang hang hiam cih leh ama itna kip tawntung hi,” a ci hi.

2 KHANG TANGTHU NIHNATE 6:4

Tua ciangin amah in, “‘Izipt gam panin ka mite ka paikhiatpih ni-a kipanin keima min a om nadingin Isreal minam khempeuh sungah inn khat lam nading khuapi khat zong ka teel kei a, keima mi Israel tungah kumpi dingin mi khat zong ka teel kei hi; ahih hangin tu-in ka min a om theih nadingin Jerusalem teelin ka mi Israel tungah a uk dingin David ka teel khin ta hi,’ ci-in gen in, ka pa David tungah a kam tawh a thuciamna a khut tawh a tungsak Israel Pasian, Topa in thupha ngah ta hen.

1 KUMPI MASATE 8:56

“Ama hong ciamsa khempeuh tawh kizui-in ama mi Israelte tawlngakna a pia Topa in thupha ngah ta hen; a nasempa Moses tung tawnin a gensa ama thuciamna hoihte khempeuh kam khat zong maimawk lo hi.

1 KUMPI MASATE 8:14

Tua ciangin Israel a kikhawmte a din’ lai takin kumpipa in en kawikawi-in Israel a kikhawmte khempeuh thupha pia hi.

Thu-hilhkikna 29:23

a gambup in kaat leh ci, leh nin a kangtum, khai kituh lo, bangmah po lo, lopa zong a po zawh lohna mun Sodom leh Gomorrah, Admah leh Zeboi-im bangin a kilawnthal gawp, a hehna leh a sinsona tawh Topa’ lotgawpte tawh kibang hi, ci ding uh hi—

Isaiah 63:18

Nangma misiangthote in na biakinn tawl khat sung bek nei uh hi; ko hong langpangte in tua pen tuancil gawp khin hi.

Kah la 2:1

Topa in a heh manin khuamial tawh Jerusalem a tuamcip hi. A vantung minthan’na teng uh kisiatna a suaksak hi. Amah in a heh ni-in a Biakinnpi nangawn a susia hi.

Zekhariah 1:12

Tua ciangin Topa’ vantungmi in, “Vanglianpen Topa aw, Jerusalem khuapi leh Judah gam khuapite tungah kum sawmsagih sung na heh khin ta hi. Amaute hehpih loin bang tan vei om lai ding na hi hiam?” ci hi.