Isaiah 64:1 - Tedim Bible

^1-2 Nangma langte tungah na min na theihsak nading leh nangma omna-ah minamte lau-in a lin’ nadingin—mei in selkeu kuang sakin, mei in tui a sosak bangin—na mai-ah mualte a lin’ nadingin bang hangin na vangliatna tawh vantungte balkeekin hong paisuk lo na hi hiam?

Tedim Bible Revision 2017

^1-2 Nangma langte tungah na min na theihsakna ding le nangma omna ah minamte lau-in a liin nadingin mei in selkeu kuangsakin mei in tui a sosak bangin nangma mai ah mualte a liin nadingin bang hangin na vangliatna tawh vantung bal kekin hong pai suk lo na hi hiam?

Isaiah 64:1 Referans Kwoze

Marka 1:10

Thakhat a, tui sung pan a thawhtoh lai takin van kihong a, Kha Siangtho in vakhu bangin ama tungah hong kumsuk a mu hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Late 68:8

nangmah Pasian na om manin lei lingin, vantungte in guah zusak hi; Pasian ahi, Israelte’ Pasian’ omna-ah Sinai mual nangawn ling hi.

Amos 9:13

Topa in hih bangin ci hi: An a kihauh luat manin, anlak a kizawh ma-in lo khawhkik hun tungin, leenggahte, leenggahzu-a bawl a kizawh ma-in, a suankik hun hong tun’ ding hun nuam hong tung ta ding hi. Mual lian khempeuh panin leenggahzu khum hong taak khia-in, mual neu khempeuh tungah leenggahzu luang ding hi.

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.

Paikhiatna 3:8

Izipt mite’ khut sung panin amaute khahkhia-in, tua leitang panin amaute lakhia-in a hoih a tanzau leitang, bawngnawi leh khuaizu a luan’na leitang, Kanaan mite, Hit mite, Amor mite, Perez mite, Hiv mite leh Jebus mite’ omna-ah amaute paipih dingin kong paisuk hi.

Late 46:6

Minamte heh mahmah uh a, kumpi gam kiliing hi; ama aw ging khiasak a, leitung kicimgawp hi.

Paikhiatna 19:11

a ni thum ni-in a baihsa-in om in; bang hang hiam cih leh a ni thum ni-in Sinai Mual tungah mite khempeuh’ muhna-ah Topa hong paisuk ding hi.

Amos 9:5

Mihonpite’ Topa Pasian in, leitung lawngin leitung in tuisuak a, leitunga teeng mi khempeuh kap uh hi. Nail Gunpi bangin leitung buppi khang toin kiamsuk ding hi.

Isaiah 41:15

En un, note pen, a thak, a hiam, ha a nei buhcilna-in kong bawl ding hi; note in mual liante cilin na suvui ding uh a, mual neute pen ansi bangin na gawi zan ding uh hi;

Isaiah 63:19

Kote pen, nangmah in cik mah a, na uk ngei loh mite, nangma mi ahi ngei lo mite tawh a kibang ka suakkhin uh hi.

Zekhariah 14:4

Tua ni ciangin Jerusalem nisuahna lama om Oliv Mual tungah Topa’ ding ding hi. Tua ciangin nisuahna lam pan nitumna lamah Oliv Mual kitamin phel nih suak ding a, a kikalah kuampi om ding hi. A mual kimkhat leilu lamah kikhinin, kimkhat, leitaw lamah kikhin ding hi.

Late 79:10

“Amau’ Pasian koi-ah om hiam?” minamte in a cih ding bang hangin kilawm ding ahi hiam? Na nasemte’ sisan luangkhia phulakna pen, minamte’ lak, komau’ muhna-ah kitheisak in!