Isaiah 61:4 - Tedim Bible

⁴ Amaute in tang lai-a a siasate lampha ding uh a, a kisiamai-sate ding kiksak ding uh hi; amaute in khang tampi sung a kisia maisa khuapi siate puahkik ding uh hi.

Tedim Bible Revision 2017

⁴ Amaute in tanglai-a a sia sate, lamphakik ding uh a, a kisia-mai sate ding kiksak ding uh hi. Amaute in khang tampi sung a kisia-mai sa khuapite puahkik ding uh hi.

Isaiah 61:4 Referans Kwoze

Isaiah 58:12

Tang lai-a a kisia na munte uh na lamkik ding uh a, khang tampi sung a kisia bulpite na dingtosak kik ding uh hi; note pen, kulhsia a puahkik, teen’ nadingin mun siate a ngei a bangsak kikte hong kici ding hi.

Late 46:8

Hong pai un la, Topa’ sepna, leitung, gamkhing a suahsak khitna hong en un.

Late 74:3

A sia densa munah hong kalsuan in; biakinn sunga om nate khempeuh gal in susia khin ta!

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

Zekhariah 1:17

Tua ciangin vantungmi in ka taangko nading hong genkik leuleu a, “Ama khuapite nakpi takin cithei kikin, Jerusalem khuapi a hehnep kik nading, leh ama khuapi-in Zion a neihkik nading, Topa in gen hi, ci-in gen in,” hong ci hi.

Ezra 9:9

Kote in sal ka hi takpi uh hi; ahi zongin ka salsuahna uhah ka Pasian un hong nusia lo a, kote’ Pasian’ inn puahkikin ka din’sakkik theih nading uh leh Judah leh Jerusalem ah kidalna kulh ka neih theih nadingun kipat thakna a hong piak theih nadingin Persia kumpite ko tungah a thunuam dingin hong bawlsak hi.

Micah 7:11

Jerusalem khuamite aw, na khuapi kulh uh a kician’ kik ding hun hong tung ding a, tua hun ciangin na gamgi uh nakpi takin kikhan’ ding hi.