Isaiah 61:1 - Tedim Bible

¹ A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Tedim Bible Revision 2017

¹ Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Isaiah 61:1 Referans Kwoze

Luka 7:22

Tua ciangin, “Note pai un la, na zaksa, na muhsa uh thute Johan kiangah va gen un. Mittawte in khua mukik thei uh hi. Khebaite in lam a pai thei uh hi. Phakte in damna a ngah kik uh hi. Bengngongte in khua a za thei uh hi. Misite in hin’na a ngah kik uh hi. Mizawngte kiangah Lungdamna Thu kihilh hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Late 147:3

Amah in lungsim kitamte damsak a, amau’ meimate tuamsak hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 49:9

Thongkia mite tungah, ‘Hong paikhia un,’ ci-in, khuamial sunga om mite tungah, ‘Hong pusuak un,’ ka ci ding hi. Amaute pen lam tawntung ah an a ne, mualpawn a sang munte khempeuh ah, nuam takin a gamta tuute tawh kibang ding uh hi.

Late 34:18

Lungsim kitamzante kiangah Topa om a, lungsim zan-gawpte hon hi.

Isaiah 48:16

Kei kiangah hong nai un la, hih thu za un: a kipat cil-a kipanin a simthamin thu ka gen kei a, tua thu hong pian’ akipanin kei ka om hi. (Tu-in Topa Pasian in a Kha tawh kei hong sawl hi.)

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Mattiu 3:16

Zeisu a kibaptaiz khit tui sung pan a thawhtoh lai takin van kihong a, Pasian’ Kha Siangtho vakhu bangin hong kum sukin, ama tungah a khawl a mu hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Late 45:7

thumanna deihin gitlohna na mudah hi. Tua ahih ciangin Pasian ahi, nangma Pasian in, na gualpihte tungah kikhaito-in lungdamna sathau tawh nang hong nilh zo a,

Late 22:26

Gimna thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung ta hen!

Late 51:17

Pasian’ san’ theih biakna in lungsim kitamzan hi; Pasian aw, a kitamzan, a kisik lungsim na simmawh kei ding hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Isaiah 59:21

Note tawh hih bangin thuciamna ka bawl hi: Nang tunga a om ka kha leh na kamsung a, ka koih keima thukhamte leh ka thuhilhnate note tungah kong pia khin a, tu-a kipanin a tawntungin note in tua thute zui-in na suan na khakte uh kam pan paikhia lo ding a, a khang khangin na maimangsak kei ding uh hi,” a ci hi.

Hebru 1:9

Nang in dikna thu na deih a, Gitlohna thu na mudah hi; Tua ahih ciangin nangma Pasian ahi Pasian in, Nangma lawmte khempeuh sangin Nang hong pahtawi zaw-in, Lungdamna sathau tawh hong nilh zo hi,” a ci hi.

2 KORIN NIHNA 7:6

Ahih hangin a kinuaisiah mite a hehnem thei Pasian in Titu hong tun’na hangin kote hong hehnem hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Late 69:32

Nen’niamna a thuakte hih musak un la lungdam hen; Pasian a zong note aw, na lungsim uh nosuak sak kik un.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Late 25:9

Amah in lungsim kiniamkhiat mite a man-ah paipih-in a zia a tong hilh hi.

Johan 1:41

Amah in a u Simon zong masa a, “Messiah ka mu zo uh hi,” ci-in Zeisu kiangah a paipih hi. Messiah a khiatna in ‘Khazih’ cihnopna ahi hi.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Sawltak 4:27

hih khua sungah Herod leh Pontias Pilat in Gentailte leh Israelte tawh nangmah na khut leh na ciamtehna in hong piang ding thu a piakkholh bangin,

Jeremiah 34:8

Zedekiah kumpipa in numei ahi zongin pasal ahi zongin Hebru mipih silate khah khia-in, kuamah in a mipih Judah mite sila-in khawi thei lo ding hi, ci-in suahtak nading thu zasak a, Jerusalem khua-a mi khempeuh tawh thuciamna a bawl khit ciangin Topa in Jeremiah a hopih hi.

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

2 KORIN NIHNA 3:17

‘Topa’ a cih ciangin Kha Siangtho a cihnopna hi. Topa’ Kha Siangtho’ omna-ah suahtak nopsakna a om hi.

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Isaiah 30:19

Hi hi, Jerusalem khua sunga a teeng Zion sunga a om mite aw, note na kap nawn kei ding uh hi. Note’ huh ngen a, kahna aw hangin amah in hong hehpih taktak ding a, amah in a zak ciangin note hong dawng ding hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Isaiah 32:7

Mi gina lote’ ginat lohna in sia hi; zuauna kam tawh mizawngte siasak leh mi cimawhte’ thu a thuman ciang nangawnin a siasak dingin amah in gitloh nasepna bawl hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Isaiah 52:7

Thu hoih hong puak, kilemna thu a genzaak, thu hoih thupha hong puak, hotkhiatna thu a genzaak, Zion tungah, ‘Na Pasian in uk hi,’ ci-in mualte kantanin thu hong gente’ khe bangzahin hoih ahi hiam?

Isaiah 57:18

Amau’ mawh gamtatnate ka mu khin a, ahih hangin amaute ka damsak ding hi; amaute makaih-in hehnepna ka pia ding a, a dah a kapte muk panin phatna ka piangsak ding hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Paikhiatna 28:41

Amaute in keima' tungah siampi na a sep theih nadingun na sanggampa Aaron leh amah tawh a om ama' tapate' tungah tuate na silhsak ding a, amaute sathau nilhin, nasem dingin kipsakin, na siangthosak ding hi.

Paikhiatna 29:7

Nangmah in nilh sathau la-in, ama'lu tungah sungin amah na nilh ding hi.

Siampi Laibu 7:35

Hih in, Topa’ siampi nasem dingin amaute a kipiak ni-in, Topa tungah meihal biakna sung panin amau tungah a kipia, Aaron leh a suante’ tanh ahi hi;

Late 68:7

Pasian aw, nangma mite’ mai-ah na kuankhiat ciang, gamlak nawkin na pai ciangin,

Jeremiah 52:33

Tua ahih manin Jehoiakhin in a thong puante a suahkhia hi. A nuntak hun sung teng khempeuh kumpipa’ sabuai-ah ni simin an a ne hi.