Isaiah 60:2 - Tedim Bible

² Khuamial in leitung tuam a, minam dangte khuamial in tuamcip ding a, ahi zongin nangma tungah Topa’ khuavak hong taang ding hi. Ama minthan’na in nang hong ompih ding hi.

Tedim Bible Revision 2017

² Minam dangte khuamial in tuamcip dinga, ahi zongin nangma tungah Topa’ khuavak hong taang ding hi. Ama minthanna in nang hong ompih ding hi.

Isaiah 60:2 Referans Kwoze

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

Sawltak 17:23

Bang hang hiam na cih uh leh, lampi-ah ka pai lai takin, na biaknate uh ka et ciangin, ‘Kithei-lo Pasian Ading,’ ci-a kigelh biakna tau khat ka mu hi. Note in na theih lohpi uh a, na biak uh Pasian’ thu kong hilh ding hi.

Sawltak 14:16

Tua Pasian in khang masa hun lai-in mipawl khempeuhte in, amau ut bangin a gamtat nading uh thu a pia hi.

Johan 8:55

Note in tua Pasian na thei kei uh hi. Ahih hangin ke’n ahih leh, ka thei hi. Ka thei kei hi ci leng, note bangin zuauthu gen ka hi ding hi. Ahih hangin tua Pasian thei-in ama thu ka ngai hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Ezekiel 10:4

Kherubte’ tung panin Topa’ minthan’na hong pai khia-in biakinn kongah va om hi. Tua ciangin biakinn sungah meiipi hong kai a, biakinntual ah Topa’ minthan’na taang zeizai hi.

Gamlak-vakna 16:19

Tua ciangin Korah in amaute’ lang khat, kikhopna buk kongah mihonte khempeuh khawm hi. Topa’ minthan’na mihon khempeuhte tungah kilang hi.

Siampi Laibu 9:23

Moses leh Aaron kikhopna buk sungah pai uh hi; amaute hong paikhiat ciangun amaute in mite thupha pia-in, mi khempeuh tungah Topa’ minthan’na kilang hi.

Johan 1:1

A kipatcil-in Thu a om hi. Thu in Pasian tawh a omkhawm hi. Thu in Pasian ahi hi.

Mattiu 23:19

Mittawte aw, koi pen lianzaw ahi hiam? Biakna tau lianzaw ahi hiam? Tua biakna tau a siangthosak piakna lianzaw ahi hiam?

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

1 KUMPI MASATE 8:11

meii hangin siampite in na sem dingin om thei lo uh hi; bang hang hiam cih leh Topa’ minthan’na in Topa’ inn tuam hi.

Mattiu 23:24

Thuhilh mittawte aw, note in thovai om loh nadingin tui na khaih uh hangin, saipi na valh uh hi.”

Late 102:16

Bang hang hiam cih leh Topa in Zion khua lam ding a, ama minthan’na hong kilang ding hi;

Isaiah 2:5

Jakob’ suan leh khakte aw, hong pai un, Topa’ khuavak sungah gamta ni.

Isaiah 4:5

Tua ciangin Zion Mual tung khempeuh leh ama kikhopnate tungah, sun-in meii sungah, zan-in meikuang khu tawh Topa in hong bawl ding a, Topa’ minthan’na tung khempeuh ah a kizal khat om ding hi.

Isaiah 58:10

gilkial mite an pia-in, a kinengniam mite tungah amau’ kisapnate na piak uh leh, na kimkot uh a, khuamial pen khuavak hong suak ding a, na lung ziin’na uh sun nitaang hong bang ding hi.

Isaiah 8:22

amaute in lei lak a et suk hangun, lungkhamna leh khumialna, lungzing-a gimna bek om hi; khuamial ngeungau sungah amaute kihawlkhia ding hi.

Isaiah 58:8

Tua ciangin ka maipha pen phalvak tung bangin note tungah hong taang khia ding a, manlang takin na liamnate uh hong dam ding hi. Note dikna na mai uh ah om ding a, note hong honin, na nung uh kong dal ding hi.

Isaiah 62:1

Zion a kihotkhiatna thu meilah kuang bangin a taan’ khiat mateng, ama dikna thu zing khuavak bangin a taan’ khiat matengin, Zion ka ngaihsutna-in gamdai-in ka om mawk kei ding a, Jerusalem ka ngaihsutna-in ka khawl mawk kei ding hi.