Isaiah 6:6 - Tedim Bible

⁶ Tua ciangin serafim vanmite khat, biakna tau panin taiteh tawh a teh mei-am khat a khutah tawi-in, keima kiangah hong leeng hi.

Tedim Bible Revision 2017

⁶ Tua ciangin serafim van mite khat, biakna tau panin taiteh tawh a teh mei-am khat a khut ah tawi-in keima kiangah hong leeng hi.

Isaiah 6:6 Referans Kwoze

Ezekiel 10:2

Tua ciangin Pasian in saihadial puan a silhpa kiangah, “Na khut dimin mei-am tawi in la, kherubte nuai-a om leengpeite kikal-ah va om in. Tua ciangin khuapi tungah a mei-amte theh in,” ci-in sawl hi. Kei zong ama pai ka en gige hi.

Hebru 13:10

Buk sungah biakna nasem mite in a nek theih ding ahi lo, biakna tau eite in i nei hi.

Hebru 1:7

Lam khat panin: “Ama vantungmite in huih nung bang ahi zongin, A nasemte meikuang bang ahi zongin a piangsak hi,” ci-in vantungmite ngaihsunin a gen hi.

Isaiah 6:2

Ama tungah serafim vanmite ding uh hi; tuate in kha guk ciat nei uh hi; nih tawh ama mai liah-in nih tawh ama khe tuamin, nih tawh leeng uh hi.

Siampi Laibu 16:12

Amah in Topa’ biakna tau panin mei-am a dim paknamtui beel khat leh a kisunen paknamtui khut nih dim khat la ding hi; amah in dalna puan sungah paipihin

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Sawltak 2:3

Tua lai takin meikuang tawh kibang leiite kikhenin, amaute kiangah kilang uh a, amau a vekpi tungah tung kim uh a,

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Gamlak-vakna 16:46

Moses in Aaron kiangah, “Na paknamtui beel la-in, biakna tau pan-a mei a sungah koih in la, a tungah paknamtui koihin, mihonte lakah paipih mengmeng in la, amaute’ adingin kilemna bawlsak in; bang hang hiam cih leh Topa kiang panin hehna hong paikhia khin a, gimna kipan khin hi,” a ci hi.

Paikhiatna 25:38

A taitehte leh a kuangte kham citak hi ding hi.

Jeremiah 1:9

Tua ciangin Topa in a khut tawh hong zam phei-in ka muk hong lawn sak-a hong hopih hi. “En in, ka thute na kam sungah kong koih khin zo hi.