Isaiah 6:5 - Tedim Bible

⁵ Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Tedim Bible Revision 2017

⁵ Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

Isaiah 6:5 Referans Kwoze

Jeremiah 1:6

Tua ciangin keimah in, “Ah, Topa Pasian aw, en dih in! Thu gen ka siam kei hi; bang hang hiam cih leh naupang khat ka hi lel hi,” ka ci hi.

Paikhiatna 6:30

Ahih hangin Moses in Topa' kiangah, “En in, keimah in thugen a siam lo mi ka hi hi; tua ahih ciangin bangci-in Faro in ka thu hong ngai ding ahi hiam?” ci hi.

Isaiah 29:13

Tua ciangin Topa in: “Amaute’ lungsim kei tawh kigamla napi-in hih mite in a kam uh tawh kei kiangah hong nai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi;

Paikhiatna 4:10

Ahih hangin Moses in Topa' kiangah, “Oh, ka Topa aw, tu-ma-siah hita leh, na nasempa' tungah thu na gen-a kipan hita leh, keimah in thugen ka siam kei hi; ka kam pau ol-in, ka pau awk hi," ci hi.

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

Paikhiatna 6:12

Ahih hangin Moses in Topa kiangah, “En in, Israel mite in ka thu hong ngai lo uh hi; tua ahih ciangin bangci-in thugen a siam lo keima' thu Faro in hong ngai ding ahi hiam?” ci hi.

Thukhente 6:22

Tua ciangin Gideon in amah Topa’ vantungmi ahih lam thei hi; Gideon in, “Ala, Topa Pasian! Topa’ vantungmi mai kituahin ka mu khin kha hi,” a ci hi.

Paikhiatna 33:20

Ahih hangin, amah in, “Nang in ka maitang na mu thei kei ding hi; bang hang hiam cih leh mi in kei hong mu leh tua mi nungta lo ding hi,” a ci hi.

Thukhente 13:22

Manoah in a zi kiangah, “Pasian mu khin i hih manin i si taktak ding hi,” a ci hi.

Jeremiah 51:57

A kumpi uliante leh a mipilte uh akipan ukpite, uliante leh galkapte zu ka khamsak ding a, a tawntungin ihmu-in a khanglo nawn kei ding uh hi, ci-in a vanglian Topa a kici Kumpipa in kong gen hi.

Isaiah 33:17

Tua ciangin a hoih kumpipa na mu ding uh a, a zai mahmah a gam zong na en ding uh hi.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Paikhiatna 24:10

amaute in Israel Pasian mu uh hi; ama' khe nuai-ah a siangthona van meel tawh a kibang, suangmanpha tawh a kibawl suangphahpek bang pian om hi.

Gamlak-vakna 17:12

Israel mite in Moses kiangah, “En in, kote a si ka hi ta uh a, a mawkna ka hi ta uh hi; kote khempeuh a mawkna ka hi ta uh hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

Ezekiel 12:2

“Ezekiel aw, a lehdo thei mite lakah a teeng na hi hi. Amaute in mit nei napi-in khua mu lo uh a, bil nei napi-in bangmah za thei lo uh hi. Amaute pen a lehdo thei mite ahihna hang uh ahi hi.

Daniel 9:20

Keima mawhna leh ka mipih Israelte’ mawhna pulakin, ka Topa Pasian kiangah a mual siangtho a hong puahkik nadingin thuumin thu ka ngenngen hi.

Piancilna 32:31

A khelpi’ hangin amah bai kawm-in Peniel a kantan lai takin ni hong suak hi.

Paikhiatna 3:6

Tua ciangin amah in, “Keimah in na pa’ Pasian, Abraham’ Pasian, Isaak’ Pasian, leh Jakob’ Pasian ka hi hi,” ci hi. Moses in ama' maitang hum hi, bang hang hiam cih leh Pasian a et ding amah lau hi.

Late 24:10

Hih minthang Kumpipa kua ahi hiam? Vanglianpen Topa, minthang Kumpipa ahi hi.

Isaiah 24:16

Lei mong a gamla pen pek pan nangawnin “a thuman Pa in vanglian ta hen’ cih la i za ding hi. Ahih hangin keimah in, “Ka lungkham hi, ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu ciam lailai uh hi,” ka ci hi.