Isaiah 6:2 - Tedim Bible

² Ama tungah serafim vanmite ding uh hi; tuate in kha guk ciat nei uh hi; nih tawh ama mai liah-in nih tawh ama khe tuamin, nih tawh leeng uh hi.

Tedim Bible Revision 2017

² Ama kiimah serafim van mite a ding uh hi. Tuate in kha guk ciat nei uh hi; nih tawh a mai liahin, nih tawh a khe tuamin, nih tawh a leeng uh hi.

Isaiah 6:2 Referans Kwoze

Mangmuhna 4:8

Tua ganhing lite khat in kha guk ciat a nei uh a, a khate uh a sung a pua, mittang tawh dimin, sun tawh zan tawh khawl loin: “A om ngei, a om laitak, a hong om ding Vanglianpen Topa Pasian in, Siangtho hi, siangtho hi, siangtho hi,” ci-in kiko-in a om uh hi.

Ezekiel 1:11

Tua ganhingte in a kha nih ciat uh zal-in a zom-a omte’ kha mong dawn tawh kimatsak uh a, a om lai a kha nihte gel ciat uh khupin a pumpi uh tuam uh hi.

Late 104:4

Huihte nangma kamtai dingin na bawl a, mei leh meikuangte nangma nasemte na hisak hi.

Late 103:20

Ama thugen a ngai, ama thu bang-a a sem no a thahat, no ama vantung mite aw, Topa phat un!

Isaiah 6:6

Tua ciangin serafim vanmite khat, biakna tau panin taiteh tawh a teh mei-am khat a khutah tawi-in, keima kiangah hong leeng hi.

Late 18:10

Amah in Kherub khat tungah tuangin hong leeng a, huih khate tungah manlang takin hong leeng hi.

1 KUMPI MASATE 6:24

Kherub kha lang khat in tong nga sau-in kherub kha lang dang khat in tong nga mah sau hi; a kha lang khat mong panin a mong lang khat dong tong sawm ahi hi.

Mangmuhna 14:6

Leitungah a teeng mite-a kipan gam khempeuh, nam khempeuh, pau khempeuh, pawl khempeuhte kiangah tawntung Lungdamna Thu hilh dingin vantungmi adang khat in vankim lai-ah a leeng ka mu hi.

Mangmuhna 8:13

Tua lai takin ka et ciangin muvanlai khat in van kim lai-ah leengin, “A om lai vantungmi thumte tum ding peengkulte’ awte hangin leitungah a om mite tungah gimna, gimna, gimna a om ding hi!” ci-in nakpi-a kiko ka za hi.

Mangmuhna 7:11

Tua lai takin tokhom-a kipan upate leh ganhing lite kimkotah ding-in a om vantungmi khempeuh in tokhom mai-ah bokin Pasian bia-in:

Daniel 7:10

tua sung panin meikuang gunpi a hong luangkhia hi. Ama nasem ding mihing tulza om a, a mai-ah mihing tul zasawm a ding uh hi. Thukhen nading hun kipana laibute a kiphen hi.

Ezekiel 10:21

Amaute in maitang li, kha li, leh a kha nuai ciat uhah mihing khut tawh a kibang khut nei ciat uh hi.

Ezekiel 1:24

Tua ciangin amaute’ leen’na a khaging uh ka za hi. Tua a khaging in tuipi ging, galkap honpi huging, leh Vanglian Pasian’ awgingte tawh kibang hi. A leen’nawn loh uh ciangin a kha uh khup a,

Ezekiel 1:9

Tua ganhing lite in a kha nih ciat uh zalin, a mong leh a mong kimatsak uh a, ki-umcihin sikli nei-in kimu hi. Amaute a gamtat ciangin a li-in tat khatin tang uh ahih manin a pumpi uh kituam hei lo hi.

Ezekiel 1:6

maitang li leh kha li nei ciat uh hi.

JOB (Job) 15:15

Pasian in a siangtho vantungmite nangawn muang lo ahih leh, ei mawhnei mite bang hong ci muan’ mah ding ahi hiam?

JOB (Job) 1:6

Nikhat ni-in Topa’ omna-ah vantungmite hong pai uh a, tuate lakah Satan zong hong pai hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

1 KUMPI MASATE 8:7

Kherubte in thuciamna singkuang omna mun tungah a kha uh zak ahih manin thuciamna singkuang leh a zawlte tungah kherubte in khuhna piangsak uh hi.

1 KUMPI MASATE 6:27

Amah in inn sung tawngnung penah kherubte koih hi; kherubte’ khate kizal a, khat’ kha in kawm banin, adang kherub’ kha in a kawm lang khat ban hi; amau’ kha lang khatte gel inn laizangah kituah hi.

Paikhiatna 37:9

Kherubte in a khate uh a tungah zalin, amau’ khate tawh hehpihna tokhom liim sunin, amaute khat leh khat kimaingat uh hi; hehpihna tokhom lamah kherubte’ mai nga hi.

Paikhiatna 25:20

Kherubte in a khate uh a tungah zal ding uh a, amau’ khate tawh hehpihna tokhom liim sunin amaute khat leh khat kimai-ngat ding uh hi; hehpihna tokhom lamah kherubte’ mai nga ding uh hi.

JOB (Job) 4:18

Pasian in ama nasemte mahmah muang zo loin, a sawltakte a mawhna mu ahih leh,

1 KUMPI MASATE 19:13

Elijah in a zak ciangin a puan tawh a mai tuamin paikhia a, leihawm lutna ah ding hi. En in, ama kiangah aw khat hong ging a, “Elijah, hih lai-ah bang hih na hi hiam?” a ci hi.

Paikhiatna 3:6

Tua ciangin amah in, “Keimah in na pa’ Pasian, Abraham’ Pasian, Isaak’ Pasian, leh Jakob’ Pasian ka hi hi,” ci hi. Moses in ama' maitang hum hi, bang hang hiam cih leh Pasian a et ding amah lau hi.

Piancilna 17:3

Tua ciangin Abram mai kun suk hi; Pasian in ama' kiangah,

Hebru 1:7

Lam khat panin: “Ama vantungmite in huih nung bang ahi zongin, A nasemte meikuang bang ahi zongin a piangsak hi,” ci-in vantungmite ngaihsunin a gen hi.

Luka 1:10

Paknamtui mei tawh a hal hun lai takin mi khempeuh in inn pua lamah thu ngenin a om uh hi.

Zekhariah 3:4

Vantungmi in ama sawltak van mi dangte kiangah, “Hih mipa’ silh a puan ninte suah khiatsak un,” ci-in thu pia hi. Tua ciangin vantungmi in Joshua kiangah, “Na mawhna teng kong paih khiatsak khin a, tu-in na silh dingin puan thak ka hong pia ding hi,” ci hi.

Daniel 9:21

Tua ka nget lai takin, ka mangmuh masak sunga ka muh mipa Gabriel, ka omna munah a hong leengsuk hi. Tua hun in nitak lam biakna piakna hun laitak ahi hi.

Ezekiel 10:16

amau a kin uh ciangin a leengpeite in zong zui uh hi. A leeng dingin a kha a zal uh ciangin zong leengpeite in zui lai uh hi.

Ezekiel 1:4

Ka khuadak leh, leilu lam panin huihpi hong nung ka mu hi. Tua huihpi tawh a hong ton meiipi lak panin khua hong phia a, a kimkot teng taang pempam hi. Tua khua phiatna mun pen sumngo tawh kibangin taang hi.

Nehemiah 9:6

Nang bek in Topa na hi hi; nangmah in van sangpen vantung a, aksihonpite tawh, leitung leh a tunga om khempeuh, tuipi leh a sunga om khempeuh na bawl hi. Nangmah in tuate khempeuh na piangsak a, vantungmi honpi in Nang hong bia uh hi.