Isaiah 6:13 - Tedim Bible

¹³ Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Tedim Bible Revision 2017

¹³ Mi sawm-ah-khat bang a om lai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasianʼ mite a kipat thakna ding lahna lim ahi hi.)

Isaiah 6:13 Referans Kwoze

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Ezra 9:2

Amaute leh a tapate un hih gam-a teeng mi namdangte’numeite ten’pih uh a, tua thu hangin a siangtho minam pen tu-in gamdang mite tawh a kihel suak ta hi. Tua hi a, hih thu-ah makaite leh thukhen uliante pen a khial masa ahi uh hi,” hong ci uh hi.

Marka 13:20

Topa in tua nite a tomsak kei leh, kuamah in suakta zo lo ding hi. Ahih hangin, a teelsate adingin a tomsak ding hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hilo ahi hiam? Hih banga hong bawlna in bang a deihna ahi hiam? Pasian’ mi taktak ahi ding tate i neih theih nading ahi hi. Tua ahih manin na khangno lai-un na ten’pih na zi uh tawh na thuciamna uh na palsat khak loh nadingun kidawm un.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

ROM (Romans) 9:5

amau ading a pute a pate tawh kizoma piang mi zong ahi uh hi. Khazih in zong ci leh sa lamsang ah tua mite pawl ahi hi. Tua Khazih in zong na khempeuh uk a, thupha a ngah tawntung Pasian ahi hi. Amen.

Isaiah 4:3

Topa in thukhenna leh meihalna tawh Zion numei’ nitna teng siangsakin, Jerusalem khua sung panin mithahna teng a beisak ciangin, Zion-ah a om lai mi, Jerusalem ah a om lai mi khang tawntunga Jerusalem ah om dingin a kiciamtehsa mite khempeuh pen a siangtho kici ding hi.

Mattiu 24:22

Tua nite a kitomsak kei leh kuamah suakta zo lo ding hi. Ahih hangin a teelsate adingin a kitomsak ding hi.

Thu-hilhkikna 7:6

“Bang hang hiam cih leh note in Topa note’ Pasian tungah a siangtho mi na hi uh hi; lei maitang-a om mite khempeuh sung panin a neih manpha ama mi ahi dingin Topa na Pasian un note hong teel zo hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Ezekiel 6:8

“Tua banga kihon thahna panin pawlkhat ka suakta sak ding a, minam dangte lakah thehthangin,

Amos 5:3

Tua ahih manin Topa in hih bangin ci hi: Israel khuapi khat in galkap tul khat kuankhiasak a, ahi zongin za khat bek hong ciahkik hi. Khuapi dang khat in galkap za khat kuankhia sak a, ahi zongin sawm khat bek hong ciahkik hi.

Zekhariah 13:8

Leitung khempeuh ah, seh thum suah seh nih si ding a, seh khat bek suakta lai ding hi.

Thu-hilhkikna 28:62

Note vantung aksite bangin a tam na hihna sung uhah tawmno bek na pha ding uh hi; bang hang hiam cih leh Topa na Pasian uh thu na mang kei uh hi.

Ezra 9:8

Ahi zongin tu-in Topa ka Pasian un tomkha sung kote hong hehpih a, a suakta pawlkhat hong omsakin ama mun siangtho ah siksan ding mun hong pia hi. Amah in ka mit uh hong vaak sak kikin ka salsuahna uhah ka nuntakna uh ka thak pat theih nading uh kalsuan cilna hong pia hi.

Micah 5:6

A namsau uh tawh Assiria gam zo-in Nimrod gam zo ding uh a, Assiria mite in i gamgi dong hong sim ciangin amaute’ kiang panin eite hong honkhia ding uh hi.

Zefaniah 3:12

Note lakah a kiniamkhiat, mi lungnemte bek, ka suakta sak lai ding a, keima min suangin thu hong ngen ding uh hi.