Isaiah 6:12 - Tedim Bible

¹² Topa in gamlapi-ah mite khinkhia-in, leitungah a kinusia mun tampi a om dong, tua tan hong sawt ding hi, hong ci hi.

Tedim Bible Revision 2017

¹² Topa in gamlapi ah mite khiin khia-in, leitungah a kinusia mun tampi a om dong, hi ding hi.

Isaiah 6:12 Referans Kwoze

Jeremiah 4:29

Sakol tunga tuangte leh thal tawite’ aw a kizak ciangin mi khempeuh galtai mang uh a, gamlak-ah tai-in, suang lakah a kahto uh hi; khuapi khempeuh kinusia khin a, kuamah teeng nawn lo hi.

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Kah la 5:20

Bang hanga sau veipi hong pampaih na hi hiam? Kote hong phawkkik nawn lo ding na hi hiam?

Jeremiah 15:4

Judah kumpipa Hezekiah’ tapa Manasseh in Jerusalem khua-a a bawl thu hangin leitung gam khempeuhte’ lau nadingin ka koih ding hi.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paaimang ta hi. Ka it mahmah ka mite, a galte’ khut sungah ka pia ta hi.

Isaiah 26:15

Ahih hangin nangmah in ko minam nong khangsak hi, Topa aw, nangmah in minam na khangsak a, gamgi khempeuh na keeksak khin hi. Hih thu hangin nangma min a thang hi.

2 KUMPI NIHNATE 25:21

Tua ciangin Babilon kumpipa in amaute vat a, Hamath gam sung Riblah ah amaute that hi. Tua ahih ciangin amau’ gam panin sal-in Judah mite kilakhia hi.

2 KUMPI NIHNATE 25:11

Tua ciangin a cingte a ukpa Nebuzaradan in khuapi sungah a kinusia a om lai mite leh Babilon kumpipa a taisan mite, mi honpi a om lai teng khempeuh sal-in paipih khawm hi.

ROM (Romans) 11:15

Tua mite kipaih khiatna un leitung mite’ kilem kikna a pian’sak leh, amau kikoihcin’na un sihna pan thawhkikna hilo ahi hiam?

Isaiah 5:9

Vanglianpen Topa in ka zakna-ah hih bangin kiciam hi: “Aman takin, inn tampi tak hawmsuak ding a, a lian a hoih innte ah a teeng om lo ding hi.

Isaiah 13:12

Mihingte pen kham hoihte sangin a tawmzaw, minam pen Ofir gam khamte sangin a tawmzaw-in ka bawl ding hi.

Jeremiah 52:27

Babilon kumpipa in zong Hamath gam Riblah khua-ah amaute sat-in a thatlum hi. Tu-a bangin Judah mite a gam panun sal dingin a kila khia hi.

Zefaniah 1:3

Mihing leh ganhing, van-a leeng vasa leh tui sunga ngasa, a vekpi-in ka susia ding hi. Mi gilote ka susia ding a, leitunga om mihing khempeuh ka susia ding hi. Topa ahi keimah in hih thu ka gen khin hi.