Isaiah 6:11 - Tedim Bible

¹¹ Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Tedim Bible Revision 2017

¹¹ Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi ah a teeng kuamah om loin hawm suakin, innte ah kuamah om loin, leitang pen gamkhing suak kiuhkeuhin,

Isaiah 6:11 Referans Kwoze

Isaiah 1:7

Na gam uh khing a, na khuapite uh mei tawh kihal hi; na muh tangpi mahun gamdang mite in na gam uh hong laksak a, theih ngei lohte’ lotthal bangin na khempeuh susia gawp uh hi.

Late 94:3

Topa aw, migilote bang tanvei, migilote bang tanvei lungdamin omom lai ding ahi uh hiam?

Isaiah 3:26

Khuapi kongpi pen tau-in thuum ding hi; khuapi pen gamkhing suakin, a tangguak-a om nupi bangin lei lakah tucip ding hi.

Late 90:13

Topa aw, hong kihei kik in! Bang tan sauvei ding ahi hiam? Na nasemte hong hehpih in!

Siampi Laibu 26:31

Keimah in na khuapite uh siasakin, na biakinnte uh gamkhing ka suaksak ding a, nomau’ gim namtuite ka diik kei ding hi.

Late 79:5

Topa aw, bang tanvei hi ding hiam? Heh paisuak ding na hi hiam? Nangma hazat hehna, mei bangin kuang paisuak ding ahi hiam?

Late 74:10

Pasian aw, galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Isaiah 3:8

Bang hang hiam cih leh, amau kampaute leh amau gamtatnate in Topa langpangin, a minthang ama omna dem uh ahih manin, Jerusalem khua kipukin, Judah gam kia hi.

Isaiah 5:9

Vanglianpen Topa in ka zakna-ah hih bangin kiciam hi: “Aman takin, inn tampi tak hawmsuak ding a, a lian a hoih innte ah a teeng om lo ding hi.

Isaiah 13:12

Mihingte pen kham hoihte sangin a tawmzaw, minam pen Ofir gam khamte sangin a tawmzaw-in ka bawl ding hi.

Isaiah 32:14

Munmuanhuaite kinusia-in, mi tampi a omna kumpi khuapi kilawi ding hi. Mual leh tausangte zong kisia gawp ding a, late leh tuuhonte in gamtatna munin nei ding uh hi.

Isaiah 35:1

Gamlak leh lei keuna gam lungdam ding a, sehnel gam lungdamin palhkhia ding hi; unok pak bangin

Isaiah 60:15

Hong kinusia, hong kimudah, kuama hong nawk loh nang pen, a tawntungin kisak theihna leh khang khat pan khang khat lungdamna ahi dingin kong bawl ding hi.

Isaiah 64:10

Nangma khuapi siangthote gamlak suak a, Zion zong gamlak suak a, Jerusalem khua gamkhing a suak hi.

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Jeremiah 22:6

Bang hang hiam cih leh Judah kumpi inn tawh kisai-in Topa in kong cih-inah: Nangmah in Gilead gam bangin ahi zongin Lebanon mualvum bangin ahi zongin na hoih hi. Ahih hangin nang sehnel gam kong suaksak ding a, kuamah teen’ lohna khua kong suaksak ding hi.

Jeremiah 44:2

“A vanglian Topa, Israel mite’ Pasian in kong gen-inah: Note in Jerusalem khua leh Judah gam khuapi khempeuh tungah ka tun’sak gimna na mu zo uh hi. En un, tu ni-in tua khuate a siasa mahin om lai-a kuamah teeng lo hi.

Jeremiah 52:27

Babilon kumpipa in zong Hamath gam Riblah khua-ah amaute sat-in a thatlum hi. Tu-a bangin Judah mite a gam panun sal dingin a kila khia hi.

Ezekiel 6:6

Israel khuapite khempeuh beimang ding a, milim a biakna uh mun khempeuh kisusia ding hi. Tua ahih manin a biakna taute uh leh a milimte uh vut-le-vai suakin, a paknamtui taute uh kisatvui gawp ding ahih manin milim biak nadinga a bawlsa khempeuh uh maimang ding hi.

Daniel 8:13

Vantungmi khat in a dang vantung mi khat kiangah thu a dot ka za a, “Hih mangmuhna a tangtun’ nading bang tan vei sawt ding a, a muhdah huai mawhna in nisim biakna piakna bang tan vei khak ding hiam? Vantung galkapte leh biakinnpi bang tan vei kituancil ding ahi hiam?” a ci hi.

Micah 2:4

Tua bang hun hong tun’ ciangin, mite in note’ gim ngahna thu gentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei hong mante tungah hong piaksak hi,” ci ding uh hi.

Micah 5:11

Na gam sung uh-a khuapite susia-in, na galpan’na munte uh ka phelkhia ding hi.

Micah 6:13

Tua ahih ciangin na mawhna hangun, note kong suksiat ding ka kipan ta hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Thu-hilhkikna 28:62

Note vantung aksite bangin a tam na hihna sung uhah tawmno bek na pha ding uh hi; bang hang hiam cih leh Topa na Pasian uh thu na mang kei uh hi.

Thu-hilhkikna 28:63

Topa in note tungah a hoih bawlna leh note tampi phasakna ah nuam a sak mah bangin, note tungah siatna tun’sakna leh note suksiatna ah zong Topa in nuamsa ding hi; a luah dingin na lutna uh leitang panin note hong kilakhia ding hi.

Micah 7:13

Ahi zongin a tunga teeng mite’ gitlohna hangin, leitung in sehnel gamkhing suak ding hi.