Isaiah 6:10 - Tedim Bible

¹⁰ amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah lohna dingun hih mite lungsim mawl sak in la, amau bil uh ngong sak in la, a mit uh va si sak in,” hong ci hi.

Tedim Bible Revision 2017

¹⁰ Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theih tel loh nading, amaute kihei-in damna a ngah loh nadingun hih miteʼ lungsim mawlsak inla, amauʼ bil uh ngongsak inla, a mit uh va sisak in,” hong ci hi.

Isaiah 6:10 Referans Kwoze

Mattiu 13:15

Bang hang hiam na cih uh leh, hih mipawlte in a mit un khua mu lo, A bil un khua za lo, A lungsim un thei lo, A gamtatna uh kikhel lo, Amau cinatna uh ka damsak loh nadingin, Amau lungsim uh khauh a, A bil uh ngong a, A mit uh a si uh hi,’ a ci hi.

Sawltak 28:27

Amaute in a mit uh tawh a muh loh nading, a bil uh tawh a zak loh nading, A lungsim uh tawh thu a theihtel loh nading, amaute kihei-in damna a ngah loh nadingun, amau lungsim uh mawl a, amau bil uh ngong a, a mit uh a si hi,’ a ci hi.

Jeremiah 5:21

“Ngai un, ngaihsutna nei lo mihaite aw, mit nei napi-a mu lote, bil nei napi-a za lote aw.

Jeremiah 6:10

Keimah in ka dawngkik a, “Amaute in a zaktheih dingun kua’ kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Isaiah 63:17

Topa aw, kote in nang kong kihtak loh nadingun bang hangin na lampite panin hong khialsakin ka lungsim uh khauhsak na hi hiam? Nangma nasemte, nangma luah minamte na ngaihsutna-in hong kihei kik in.

Isaiah 29:10

Bang hang hiam cih leh Topa in note tungah nakpi ihmut nopna lungsim hong guang a, nomau’ mit ahi kamsangte mitsi sak-in, nomau’ lutang ahi thu mutheite khuhcip hi.

Thu-hilhkikna 2:30

Ahih hangin Heshbon kumpipa Sihon in eite hong paisak lo hi; bang hang hiam cih leh tu huna mah bangin na khut sung uhah amah hong piak theih nadingin Topa a Pasian un a lungsim khauh sakin, amah paupeng sak hi.

Late 17:10

Amaute in hehpihna lungsim nei lo uh a, a kam uh tawh amaute kiphatsak pau uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Late 119:70

amaute’ lungsim in thu theithei loin kheengcip a, ahih hangin ke’n nangma thu sung nuam ka sa hi.

Paikhiatna 14:17

Amau’ nungah amaute hong pai-in, keimah in Faro leh a mi honpite khempeuh, a leengte, a sakol tuangte ka zawhna hangin minthan’na ka ngah nading hi. Keimah in Izipt mite’ lungsim ka khauhsak ding a, amaute in hong nungdelh ding uh hi.

Paikhiatna 11:10

Moses leh Aaron in hih nalamdangte khempeuh Faro’ mai-ah bawl uh hi; Topa in Faro’ lungsim khauhsak a, amah in Israel mite a leitang panin paikhiasak lo hi.

Paikhiatna 10:27

Ahih hangin Topa in Faro’ lungsim khauhsak a, amah in amaute paisak lo hi.

2 KORIN NIHNA 2:16

A kisia mite ading sih dongin sihna namtui i hi hi. Gupna a ngah mite adingin nuntakna a ngah dongun namtui i hi hi. Tua ahih ciangin hih nate tawh kua kilawm ahi hiam?

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Isaiah 19:22

Topa in Izipt mite pulnatna tawh vat ding a, ahi zongin damsak ding hi; Topa’ lamah amaute kihei kik ding uh a, amah in amaute’ thuumna donin amaute damsak ding hi.

Paikhiatna 7:3

Ahih hangin keimah in Faro’ lungsim ka khauhsak ding a, Izipt gamah ka limte leh nalamdangte ka tamsak hangin,

Johan 12:40

“A mit uh tawsakin, a lungsim uh a khauhsak hi. Tua bang hih kei leh, a mit uh tawh mu-in, A lungsim uh tawh thei ding uh a; Amau cinatna ka damsak ding hi,” a cihna thu hangin amaute in a um kei uh hi.

Thu-hilhkikna 29:4

ahih hangin tu ni dongin Topa in note tungah a thu na tel nading uh lungsim hita leh, na muh nading uh mit hita leh, na zak nading uh bil hita leh hong pia nai lo hi.

Thu-hilhkikna 31:20

Bang hang hiam cih leh a pu a pate’ uh tungah piak dinga ka kiciamna, bawngnawi leh khuaizu a luan’na gamah amaute tunpih khinin, amaute in ne-in khamin a thau khit uh ciangin, pasian dangte lamah amaute kihei-in a na semin, kei hong simmawhin ka thuciamna siasak ding uh hi.

Late 69:23

Khua a muh theih loh nadingun amau mit mialsak in la, amau kawngte uh linglingsak in.

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Kah la 3:65

Amaute phuisam in la, a cimawh dingin hawlkhia in.

Zekhariah 11:15

Tua ciangin Topa in kei kiangah, “Khat vei tuucing nasep semkik in la, tu tungin kiman’na a nei lo tuucing nasep sem in.

Thu-hilhkikna 29:3

note’ mit in a muhsa ze-etna lianpite, limte, tua nalamdang liante khempeuh na thei khin uh hi;

Paunak 16:30

A mit hong sitsante in thusia a ngaihsun hi a, a neh hong piksante in thusia geel ahi hi.

Thuhilh-sia 3:3

Gawh hun om a, khawi hun om hi. Phel hun om a, lam hun om hi.

Isaiah 28:13

Tua ahih ciangin Topa in note tungah, malkhat khit malkhat, gualkhat khit gualkhat, thukhat khit thukhat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thang-ah awk-in, sal-in hong kipaipih ding hi.

Isaiah 29:9

Lamdang kisa sak un la, lamdang a sa hi un, ki-mittawsak un la, a mittaw hi un! Leenggahzu dawn lopi-in a kham hi un; kham theih zu ne lopi-in hoi un!