Isaiah 6:1 - Tedim Bible

¹ Uzziah Kumpipa a sih kumin, a sang mahmah, a lian kumpi tokhom tungah Topa a tu ka mu hi; ama kumpi puanpi pen biakinn sung teng dim hi.

Tedim Bible Revision 2017

¹ Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Isaiah 6:1 Referans Kwoze

Johan 12:41

Isaiah in Zeisu’ minthan’na mu khol ahih ciangin tua bangin ama thu a genkhol hi.

Mangmuhna 15:8

Tua lai takin biakinnpi in Pasian’ vangliatna hangin meikhu tawh dimin, tua vantungmi sagihte’ gimna sagih a bei matengin biakinnpi sungah kuamah a lut thei kei ding hi.

Daniel 7:9

Ka et lai takin kumpi tokhomte a hong kikoih hi. A nungta tawntung mi Pa khat in tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom in meikuang lengpei tungah kinga-in meikuang zuazua a;

Late 113:5

A sangna mun-a a tu, vantung leh leitung a hong ensuk Topa, eite’ Pasian pen kua tawh kibang ahi hiam?

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Late 108:5

Pasian aw, vantungte’ tungah sangto lai in! Leitung khempeuhah na minthan’na om sak in!

Mangmuhna 4:2

thakhatin Kha Siangtho sungah ka om a, vantungah kikoih tokhom khat ahi zongin, tua tokhom tungah tu-a a om mi khat ahi zongin ka mu hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Late 46:10

“Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

Mangmuhna 5:1

Tokhom tungah tu-in a om mi’ khut taklamah, ciamtehna sagih tawh kip taka kiciamteh a, a sung leh a pua a kigelhsa laibu khat ka mu hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 1:1

Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

Gamlak-vakna 12:8

Amah tawh kam leh kam kiho-in a kitel lo kampaute tawh hi loin, a kitel takin thu ka gen uh hi; amah in Topa’ mel mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.

Mangmuhna 4:10

tokhom tungah tu-in a om mi mai-ah upa sawmnih leh lite in bokin, a tawntungin a nungta mi bia-in, tokhom mai-ah amaute kumpilukhu a khiatsuk khit uh ciangin:

Ezekiel 10:1

Tua ciangin kherubte’ lu tung sanah a om a kuum ka et leh, sapfeiros suangmanpha tawh a kibawl kumpi tokhom bang pian khat, tua a kuum tungah om hi.

Ezekiel 1:1

Kum sawm thum ka phak kum, a kha lina, a ninga ni-in Babilon gam-a om Khebar Gun gei-ah sal-a om Judah midangte tawh ka om lai takin maang ka mu hi. Tua ka maang muhna-ah van hong kihong a, Pasian ka mu hi

Isaiah 12:4

Ni khat ni ciangin mite in, “Topa’ tungah lungdamna ko un la, a min lo-in, ama hong huh ding ngen un; minamte khempeuh lakah ama septe kitheisak un la, ama min kiliansak hi, ci-in gen un.

Mangmuhna 6:16

“Ko tungah hong cim in; tokhom tungah tu-in a om mi maitang pan ahi zongin, Tuuno’ hehna pan ahi zongin, hong liah in.

2 KUMPI NIHNATE 15:7

Tua ciangin Uzziah a pate tawh ihmu a, amaute in David khuapi sungah a pate tawh amah vui uh a, tua ciangin ama tangin a tapa Jotham in uk hi.

Mangmuhna 5:7

Tua Tuuno in hong pai-in tokhom tungah tu-a om mi khut taklam pan laibu a la hi.

Mangmuhna 4:3

Tua mi a meel in jasper suangmanpha leh sardis suangmanpha meel tawh kibang hi. Tokhom kimkotah zong emerald suangmanpha meel tawh kibang sakhituihup a om hi.

Mangmuhna 4:9

Tua ganhingte in tua bangin a tawntung nungta-in tokhom tungah tu-a a om minthan’na, pahtawina leh vangliatna leh hehpih phatnate a phat lai takun,

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

2 KHANG TANGTHU NIHNATE 18:18

Tua ciangin Mikaiah in, “Tua ahih ciangin Topa’ thugen za in: Topa a kumpi tokhom tungah tu a, a taklam leh a veilam ah vantung mihon khempeuh a ding ka mu hi;

Ezekiel 10:4

Kherubte’ tung panin Topa’ minthan’na hong pai khia-in biakinn kongah va om hi. Tua ciangin biakinn sungah meiipi hong kai a, biakinntual ah Topa’ minthan’na taang zeizai hi.

Daniel 10:17

A Topa mai a ding sila khat tawh ka kibang hi. Bang ci banga thu hong gen thei ding ka hi hiam? Husan’ zawh nading thatang nangawn ka nei kei hi,” ka ci hi.

Paikhiatna 24:9

Tua ciangin Moses leh Aaron, Nadab, Abihu leh Israel upate' sung pan sawmsagih pai to uh a,

JOB (Job) 42:5

Ni dangin mi’ gensawn bekin nang kong thei a, tu-in keima mit mahmah tawh nang kong mu ta hi.