Isaiah 59:8 - Tedim Bible

⁸ Note’ Omna peuhah Kuamah lungmuang thei lo a, note’ sepna khempeuh ah thuman khat beek om lo hi. Na lungsim uh lampi kawite bang a, hong zui khate in thunuam mu ngei lo uh hi.

Tedim Bible Revision 2017

⁸ Noteʼ omna peuh ah kuamah lungmuang thei lo a, noteʼ sepna khempeuh ah thuman khat beek om lo hi. Na lungsim uh kawi mahmah a, hong zui kha mite in thunuam mu ngei lo uh hi.

Isaiah 59:8 Referans Kwoze

ROM (Romans) 3:17

Nopna lampi amau in a thei kei uh hi.

Luka 1:79

A tung panin ni suakin eite kiangah hong tang ding hi,” ci-in a gen hi.

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Mattiu 23:23

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, leengmasel, anis leh, kummin, sehsawm suah sehkhat na piak uh hangin, thuman thukhenna, midangte hehpihna, gamtatna phate ahi Thukham sungah a lianpen thute na tang kei uh hi. Adangte sangin, hihte na tan’ ding uh a kilawm zaw hi.

Jeremiah 5:1

Jerusalem khua sungah kileh kawikawi un. Khuadak un la, en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khua a mawhna ka maisak ding hi.

Isaiah 48:22

“Tua ahih ciangin mi gilote’ adingin nopna om lo hi,” Topa in ci hi.

Paunak 28:18

Thuman-a gamta mite lung muangin om ding uh a, a zuautat mite ahih leh puk ding uh hi.

Paunak 3:17

Pilna in nuntakna hong nuamsak a, lungmuang takin hong omsak den hi.

Paunak 2:15

mi lungsim kawi, muan’ theih loh ding mite panin nang hong kem ding hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Isaiah 59:9

Tua ahih ciangin, thutang eite tawh kigamla-a, eite hong gimsakte kiang panin Pasian in hong hotkhiat lohna thu i thei hi. Eite in khuavak i lamen a, ahi zongin khuamial bekbek i tuak hi.

Isaiah 59:11

Eite khempeuh vom bangin i humham a, vakhu bangin i thuumthuum hi; eite in thutang i zong a, ahih hangin khat zong i mu kei hi; hong hotkhiat ding i ngen a, ahih hangin bangmah hong piang lo hi.

Paunak 2:13

nuntakna manin a nungta lo, mawhna khuamial sungah a gamta,

Paunak 21:8

Mimawhte thukawi-in gamta uh a, midikte a man-in gamta uh hi.

Isaiah 65:2

A hoih loin gamta-in, amau’ ngaihsutna bang a zui teitei a genhak mite lam nga-in, sun ni tawntungin ka khut ka zak hi.