Isaiah 59:6 - Tedim Bible

⁶ Na maimom khau puante uh kizang thei lo ding a, kuamah in silh lo ding uh hi. Gitlohna gamta uh a, ngongtatna a khut sung uhah om hi.

Tedim Bible Revision 2017

⁶ Na maimom khau puante uh kizang thei lo dinga, kuamah in silh lo ding uh hi. Na vaihawmnate uh tua maimom khau puan bangin a mawkna suak lel ding hi.

Isaiah 59:6 Referans Kwoze

Jeremiah 6:7

Tuikhuk panin tui siang hong phul bangin, Jerusalem khua panin siatna phul hi. Khua sungah ngongtatna leh kisuksiatna ka za ngitnget a, cinatna leh liamnate ngentang ka mu hi.

Isaiah 57:12

Na gamtatna a manin na ngaihsun hi. Ahih hangin na gamtatnate ka pholak ding a, na milimte in nang hong huh zo lo ding hi.

Zefaniah 1:9

Midangte’ sangkil kanin zawhthawh bawl a, khemna leh thahna tawh a ngah uh vante tawh, a Topa uh inn a dimsakte khempeuh, tua ni mahin daan ka pia ding hi,” ci hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Micah 2:8

Ahi zongin Topa in hih bangin hong ci hi: Note in ka mite’ gal na suak uh a, gal sung panin a hong ciahkik, lungmuanga a om mite’ puantualpi ngahte na sut uh hi.

Amos 6:3

Note tungah siatna hong tun’ ni ding, a kipelh theih nading na hanciam uh a, ahi zongin tua bang na hihnate un, siatna khangsak semsem zawsop hi.

Amos 3:10

Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.

Ezekiel 7:23

“Na khuttum uh zial un. Bang hang hiam cih leh gam sungah mi kithahna dim a, khua sungah ngongtatna dim hi.

Ezekiel 7:11

Mi gilote’ hauhna leh lungmuan’ nate haksa loin beimang ding hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

Isaiah 58:4

En un, note in a kitawng ding leh a kilai ding leh giloin khuttum tawh a kitum ding bekin an na tang uh hi. Tu ni-a hih bang lel-a antangin na thungetna uh hong kingai ding ahi hiam?

Isaiah 30:1

Topa in, kei’ ngimna hi lopi-in thu vaihawmna a sem khia, kei’ kha tawh lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a beel ding leh Izipt’ liahna bukna a zong dingin Izipt gamah paisuk ding a, a kuankhia a genhak naupangte in gimna ngah ta hen!” a ci hi.

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Late 58:2

Hi peuhmah lo hi, na lungsim uh ah aman lo na ngaihsun uh a, gam sungah ngongtatna na gamta uh hi.

Piancilna 6:11

Tu-in Pasian’ muhna-ah leitung sia a, leitung in ngongtatna tawh kidim hi.

JOB (Job) 16:17

Ahi zongin ngongtatna themkhat zong ka zang kei a, Pasian’ tungah ka thungetna in lungsim takpi tawh ahi hi.

Ezekiel 18:12

Mizawng mi cimmawhte khem-in, mi’ na sut a, sum leitawi a lapa in khapna-a a piak nate pia kik loin kem suak hi. Milim bia-in a zumhuai-in gamta hi.

Malakhi 2:16

Vanglianpen Topa in hih bangin ci hi: “Zi makna ka deih kei a, mi khatpeuh in a khangno lai-a a teen’pih a zi tungah tua bang gitlohna a gamtatna ka mudah hi. Tua ahih ciangin hoih takin kidawm un la, a citak dingin na zite uh tungah na thuciamna uh palsat kei un,” ci hi, a ci hi.

Late 55:11

a lakah siatna om hi; sumzuak sumleina mun panin kisukcipna leh khemna veng lo hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Zefaniah 3:1

Ama mite mah nengniamin, thumang loin a tatsia, Jerusalem khuapi in gimna ngah ding hi.