Isaiah 59:3 - Tedim Bible

³ Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Tedim Bible Revision 2017

³ Bang hang hiam cih leh na khutte uh mi thahna sisan tawh nin a, na khutmete uh mawhna tawh a nin hi. Na mukte un zuau thu gen a, na leiite un gitlohna thu a gen hi.

Isaiah 59:3 Referans Kwoze

Isaiah 1:15

Thu ngenin na khutte uh nong zaak uh ciangin note kiang pan ka mai ka seel ding a, thu tampi na nget uh hangin, ke’n ka ngai tuan kei ding hi; bang hang hiam cih leh note’ khut in sisan tawh kidim hi.

Ezekiel 13:8

Tua ahih ciangin Topa Pasian in amaute kiangah, “Na thugente uh zuaupi hi a, na maangmuhnate uh zuaupi ahi hi. Tua ahih manin note kong langpan’ hi.

Jeremiah 2:34

Mawhnei lo mizawngte’ sisan na puan tungah a baang hi; amaute in na inn hong luh ngei beek lo uh hi. Tua bang teng hi napi-in,

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Isaiah 1:21

A thutak khuapi, thutang tawh a kidim ngeisa, bang ci-a a paktat numei tawh kibang ta ahi hiam! Ama sungah thumanna om ngei a, ahih hangin tu-in mi thatte bek a om hi.

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Hosea 7:13

Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Hosea 4:2

Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Ezekiel 35:6

Tua ahih ciangin keimah in a nungta Topa Pasian ka hih takpi mah bangin, nangma sihna ding ka bawl ding a, na si takpi ding hi. Nangmah in mi sisak na hih manin nangma tungah sihna hong tung ding hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Ezekiel 7:23

“Na khuttum uh zial un. Bang hang hiam cih leh gam sungah mi kithahna dim a, khua sungah ngongtatna dim hi.

Jeremiah 7:8

“En un, phattuamna a om het lo zuauthu na um tazen uh hi.

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

Mattiu 27:4

“Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante nuam sak uh hi.

Ezekiel 22:2

“Ezekiel aw, mi thahna tawh a kidim khuapi tungah thukhen dingin na kiging nai hiam? A gamtat hoih lohna khempeuh tua khuapi kiangah gen in.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Isaiah 3:8

Bang hang hiam cih leh, amau kampaute leh amau gamtatnate in Topa langpangin, a minthang ama omna dem uh ahih manin, Jerusalem khua kipukin, Judah gam kia hi.

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Isaiah 9:15

Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.

Isaiah 30:9

Bang hang hiam cih leh amaute pen, a lehdo mite, a zuau thei tapate, Topa’ hilhna thu a ngai nuam lo mite ahi uh hi;

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Paunak 6:17

kihihsakna, zuauthu genna, mawhnei lo mi thahna,

Jeremiah 9:2

Sehnel gamlakah khawl nading bukno khat nei thei-in ka mite nusia-in taisan thei hi leng maw! A vekpi-un angkawm hat hi khin uh a, thuman lo kim uh hi.

Jeremiah 9:7

Tua ahih manin a vanglian Topa in a cih-inah: “En un, amaute a sian’tho nadingun ka suangtui dinga ka ze-et ding hi. Tua lo ka mite bang ka cih nawn ding hiam?

Micah 3:4

Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.