Isaiah 59:13 - Tedim Bible

¹³ Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Tedim Bible Revision 2017

¹³ Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Isaiah 59:13 Referans Kwoze

Jeim 3:6

Leii in mei a hi hi. A gilo na, leitung na ahi eite’ pumpi sungah om a, pumpi khempeuh ninsak a, pumpi hih theihna khempeuh zong hal a, amahmah in hel khua ah halna a thuak hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Jeim 1:15

Tua nung ciangin lunggulhna in gai-in mawhna a suak hi; mawhna in zong a kicin’ ciangin sihna a suak hi.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Mattiu 10:33

Mite mai-ah hong nial peuhmah, vantungah ka Pa mai-ah ke’n zong ka nial ding hi.”

Hosea 11:12

Topa in hih bangin ci hi. Israel mite in zuauna leh khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Hosea 7:13

Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Hosea 6:7

Ahi zongin ka ciamna gam a tun’ uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Hosea 1:2

Topa in Hosea tung tawnin Israelte tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tulpih lo ding numei paktat khat ten’pih in la, tua nu tawh ta nei in,” a ci hi.

Ezekiel 18:25

“Ahi zongin note in, ‘Topa’ hihna zia man lo hi,’ na ci uh hi. Israel mite aw, ka thugen hong ngai un. Keima hihna zia a man loin ngaihsun na hi uh hiam? A man lo pen nomau’ ngaihsutna zia hi zaw hi.

Ezekiel 6:9

salin om ding uh hi. Tua bangin sal-a a omna uh mun panin, amau’ lungsim cihtak lohna hangin kei hong nusiatna uh leh keimah sangin milim a deih zawkna uh hangin a maizum nadingun a daantat ka hih lamtak thei-in kei hong phawk ding uh hi. Amau’ gitlohna leh a haitatnasate uh hangin amau mahmah kimudah tawm ding uh hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh’ kiangah, kei nong paisak uh a, ‘Ko adingin Topa i Pasian kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ nong ci uh hi.

Jeremiah 32:40

Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Jeremiah 5:23

Ahih hangin hih mite lungsim khauhin hong langpan’ zen uh hi; hong kihei san uh a, hong paisan uh hi.

Jeremiah 3:20

Ahih hangin thuman lo zi in a pasal a nusiat bangin Israel mite aw, Topa in kong cih in ah, no zong kei’ tungah nong thuman kei uh hi,’ ci-in va tangko in,” hong ci hi.

Jeremiah 3:10

Hih bang teng hi napi a sanggamnu, numei gina lo Judah, a lungsim khempeuh tawh hong kilehkik loin, a kilehkik hong kineih bek hi, Topa in kong ci hi,” hong ci hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Isaiah 48:8

Note pen a lehheek thei na hih lam uh ka thei a, na suah tung uh akipan mi lehdo thei na hihna uh ka thei hi. Tua ahih manin tanglai akipan na bil uh kihong ngei lo a, zong na thei ngei kei uh hi.

Isaiah 32:6

Bang hang hiam cih leh mi hai in haina thu gen a, a lungsim ah gitlohna om a, a hoihin gamtat loh ding, Topa’ thu a hilopi-in gen ding, a gilkialte’ an duhna a phat lohna ding leh dangtakte in tui dawn ding a neih theih loh nadingin, ama lungsim in mawhna bawl ding sawm hi.

Isaiah 31:6

Israel mite aw, nakpi tak-a na dopa uh’ lamah kihei kik un.

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Paunak 30:9

Hau lua leng, nang hong nialin, “Topa i cih kua hiam?” kong ci kha ding a, zawng lua leuleu leng, mi’ na guk sakin, ka Pasian’ min kong daisak kha zel ding hi.

Late 78:36

Ahih hangin amaute in a kam uh tawh amah phat khem uh a, a lei uh tawh ama tungah zuau gen uh hi.

Late 18:21

Bang hang hiam cih leh Topa’ lampite ka tawn khin a, ka Pasian kiang panin gitlohna tawh ka paikhia kei hi.

Joshua 24:27

Tua ciangin Joshua in mite khempeuh kiangah, “En un, hih suangtum in eite’ langkhatah teci hi ding hi; bang hang hiam cih leh Topa in eite tungah hong thugen khempeuh za khin hi; tua ahih ciangin note in na Pasian uh tungah a man loin na gamtat loh nadingun tua suangtum in note langkhatah teci hi ding hi,” a ci hi.

JOB (Job) 31:28

Tua bang mawhna in sihna daan a thuak ding hi a, tua bang mawhna in Vanglian Pasian nialna ahi hi.

Isaiah 10:1

A cimawh ka mite thutang heikhiat sakin, keima mite sungah a zawngte’ thuneihna sutkhia-in, meigong numeite’ neihsate amau’ aa suaksakin, pa nei lote’ neihsa a sut a man lo thukhensatna pia a, nenniamna thu lai-a, a gelhte in gimna ngah ta hen!

Isaiah 30:12

Tua ahih ciangin Israelte’ Siangtho Pa in, “Note in hih thu simmawh-in, zawhthawhna leh khemna suangin, tuate muang na hih manun;

Isaiah 58:2

Amaute pen, thuman-a a gamta, amaute’ Pasian’ biakna ngeina kipte a nusia lo minam bang keekin, ni simin amaute in kei hong zong uh a, keima lampite thei nuam uh hi; amaute in keima kiang panin a maan thukhenna hong ngen uh a, Pasian kiangah nai nuam uh hi.

Isaiah 58:9

Tua ciangin thu nong nget uh ciangin kong pia ding a, nong sap uh ciangin kong dawng ding hi. Mi bawlsiatnate khawlin, mi simmawhna khutme tawh kawk in kam gilo na paunate uh na khawl uh a,

Isaiah 58:13

“Note in sabbath siangthosakin, keima ni siangtho ni-in na nasepna panun khawlin, sabbath ni pen deihhuai sa-in, Topa’ ni siangtho pen pahtawi-huai na cih uh a, note in pahtawi-in, note’ deihna bang zui loin, note’ ut bang hih loin mot pau loin na om uh leh,

Jeremiah 12:8

Ka luah ding a ka teelsa mite in gamlak-a humpinelkai bangin kei’ lang khatah pangin hong hawksan uh a, tua ahih manin ka mudah hi.

Amos 6:12

Sakolte, suangken tungah tai thei ngei a, bawngtalte tawh tuipi tung kikho thei ngei ahi hiam? Tua hi napi-in note in, thutang pen, gu na suaksak uh a, thuman zong, a khial na suaksak uh hi.

Jeremiah 2:16

Tham loin, Memfis leh Tahpanhes mite in zong a luguh a suktap sak zo hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Hosea 7:1

Israelte a ci uh damsak kik ning, ci-in ka ngaihsut ciangin, amau’ mawhna leh amau’ siatna bekbek kimu thei hi. Amaute in mi khemin, inn luhin na gu uh a, konglak nangawn-ah mi’ na sut uh hi.