Isaiah 59:12 - Tedim Bible

¹² Bang hang hiam cih leh nangma tungah kote’ thu-palsatnate tampi pha a, ka mawhnate uh in kote’ langah teci hong pang hi; kote’ thu-palsatnate, ka mawhnate uh ka thei uh hi.

Tedim Bible Revision 2017

¹² Bang hang hiam cih leh nangma tungah koteʼ thupalsatna tampi tak pha a, ka mawhnate un koteʼ langah teci hong pang hi. Koteʼ thupalsatnate, ka mawhnate uh ka thei uh hi.

Isaiah 59:12 Referans Kwoze

Ezra 9:6

“Ka Pasian aw, ka mawhnate un ka lu dawn uh hong vuknelhin vantung dong banto ahih manin nangma lam kong et ding maizumin ka mai san hi, ka Pasian aw.

Hosea 5:5

Israelte’ kiphatsakna in amau mah’ siat nading ahi hi. Amau’ mawhna in amaute puksak ding a, Judah mite in zong pukpih ding uh hi.

Hosea 4:2

Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Ezekiel 5:6

Ahi zongin Jerusalem in ka thupiakna lehdo-in, minam dangte sangin a gilo zaw hong suak a, a kiim-a om gamdangte sangin a thumang lo zaw hong suak hi. Jerusalem in ka thupiakte nialin ka thukhamte zui nuam lo hi.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Isaiah 1:4

Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

Hosea 7:10

Israel mite’ kiphatsakna in amau’ langkhat ah teci pang hi. Ahi zongin hih thu khempeuhah zong, amau’ Topa Pasian ahi kei lamah hong kihei lo uh a, kei hong zong lo uh hi.

Ezekiel 7:23

“Na khuttum uh zial un. Bang hang hiam cih leh gam sungah mi kithahna dim a, khua sungah ngongtatna dim hi.

Jeremiah 3:2

Khuadak in la, mualsang dawnte en dih in! Hong kilup khoppih lohna mun koi lai takah om ahi hiam? Arab mite in a suam dingun gamlakah mi a ngak uh bangin nang in lam geiah tu-in luppih ding mi na ngak hi. Na paktatna leh na gitlohna tawh hih gam na ninsak zo hi.

Isaiah 3:9

Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Nehemiah 9:33

Kote tungah hong tungsa thu khempeuh ah nangmah a thutang na hi a, nang citakin a om na hi a, ko a khial gamtat kha ka hi uh hi.

Ezra 9:13

Tu-in, kote’gamtatsiate leh a lian ka mawhnate uh hangin hih bang gimna lian ka thuak uh hi; ahi zongin nangmah in kote’ tuah dinga kilawm zah dan hong tuaksak loin, tu-a banga a nungta lai-in nong omsak zaw hi;

Gamlak-vakna 32:23

Ahih hangin note tua bangin na gamtat kei uh leh, en un, Topa’ tungah a khial khin na hi uh hi; na khialhna un note hong sulzuih ding thei tel ta un.

Late 51:3

Bang hang hiam cih leh ka thu palsatnate ka thei a, ka mawhna ka mai-ah om ngitnget hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Habakkuk 1:4

Thukham in thu nei zo loin a mawkna suak a, thu a manin kisem ngei lo hi. Thutang thute kileh hei-in, migilote in thuman mite zo zawsop hi.

Isaiah 64:4

Amah in a ngakte’ ading na a sempa’ thu tanglai pek panin kuamah in thei ngei lo, kuama bil in za ngei lo, kuama mit in nang sim loh Pasian dang mu ngei lo hi.

Ezekiel 7:16

Mi pawl khatte in vakhu lau bangin mualtung tuh ding uh a, ahi zongin amau’ mawhna hangin si veve ding uh hi.