Isaiah 59:11 - Tedim Bible

¹¹ Eite khempeuh vom bangin i humham a, vakhu bangin i thuumthuum hi; eite in thutang i zong a, ahih hangin khat zong i mu kei hi; hong hotkhiat ding i ngen a, ahih hangin bangmah hong piang lo hi.

Tedim Bible Revision 2017

¹¹ Eite khempeuh vompi bangin i humham a, vakhu bangin i thumthum hi. Eite in thutang i zong a, ahi zongin khat zong i mu kei hi. Hong hotkhiat ding i ngen a, ahi zongin bangmah hong piang lo hi.

Isaiah 59:11 Referans Kwoze

Isaiah 38:14

Phialphiah ahi a, gun vapi bangin ahi zongin ka haam a, vakhu bangin ka tau hi. Vantung lam kong et etna-in ka mitte gim hi. Topa aw, kei hong kinengniam hi; keimah huh dingin hong paita in!

Ezekiel 7:16

Mi pawl khatte in vakhu lau bangin mualtung tuh ding uh a, ahi zongin amau’ mawhna hangin si veve ding uh hi.

Hosea 7:14

Amaute in lungsim takpi tawh kei tungah huhna hong ngen lo uh a, a lupna tung panun phunphun bek uh hi. An leh leenggahzu hong ngen loin milimte a bia uh hi. Amaute in kei hong lehdo uh hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Jeremiah 8:15

Nopna i zonga nopna hong pai lo hi. Cidamna i lamen-a siatna bek i ngah hi.

Isaiah 59:9

Tua ahih ciangin, thutang eite tawh kigamla-a, eite hong gimsakte kiang panin Pasian in hong hotkhiat lohna thu i thei hi. Eite in khuavak i lamen a, ahi zongin khuamial bekbek i tuak hi.

Isaiah 51:20

Na mite gim khin a, ngenthang sunga sanang a awk bangin lamlian kiu khempeuh ah amaute lum uh hi; Topa’ hehna, na Pasian’ taiina amaute in thuak uh hi.

Late 119:155

Migilote, kihonkhia lo ding hi; bang hang hiam cih leh amaute in nangmah thukhamte zui lo uh hi.

Late 85:9

I gam sungah minthan’na a om theih nadingin amah a zahtakte’ adingin ama hotkhiatna hong om takpi hi.

Late 38:8

Ka tha bei khinin hong kinengcip hi; ka lungsim buaina hangin ka tau hi.

Late 55:2

Kei lam hong nga in la, hong dawng in; ka gimna in kei hong zo hi.

Isaiah 59:8

Note’ Omna peuhah Kuamah lungmuang thei lo a, note’ sepna khempeuh ah thuman khat beek om lo hi. Na lungsim uh lampi kawite bang a, hong zui khate in thunuam mu ngei lo uh hi.

Isaiah 59:14

Thutang kihawlkhia a, thuman in hong naih thei lo hi. Mi honpite kikhopna munah thuman kizang lo a, thutang tum thei lo hi.

Kah la 3:17

Lungnopna, cidamna, kipahna cihte bang ahi hiam cih mel ka thei nawn kei hi.

Nahum 2:7

Kumpinu kimanin kipua khia a, a nasemte thuumin kap uh a, dahin a dip uh hum uh hi.

Late 119:150

Gitloh ngimna tawh kei hong bawlsia amaute in kei hong neh ta uh hi; amaute in nangma thu ngaihsutin nei lo uh hi.

Nahum 2:8

Tuibeem kitam pan-a tui luang khia bangin, Nineveh khuapi panin mite taikhia uh hi. “Khawl un, khawl un,” a kicih hangin, khat beek nunghei lo uh hi.