Isaiah 59:10 - Tedim Bible

¹⁰ Mittaw bangin kawm i zawt a, mit nei lote bangin i mai hi; suntang laipi-in khuamial sung bangin i tuk a, a hat mite lakah mi si tawh i kibang hi.

Tedim Bible Revision 2017

¹⁰ Mittaw bangin kawm i zawt a, mit nei lote bangin i mai hi. Sun tang laipi mahin khuamial lak bangin i tuk a, a hat mite lakah misi tawh i kibang hi.

Isaiah 59:10 Referans Kwoze

Thu-hilhkikna 28:29

mittaw in khuamial lakah khua a zawt bangin sun-in khua na zawt ding uh a, na hihnate uhah na mavang kei ding uh hi; note hong kinengniamin na nate uh hong kisut niloh ding a, note hong huh ding kuamah om lo ding hi.

JOB (Job) 5:14

Suntangpi-in amaute khuamial sung kiden’na a, suntangpi-in zan bangin mialzawt uh hi.

Kah la 3:6

Amah in sihna khuamial uih sungah a teeng dingin aana tawh thu a hong pia hi.

1 JOHAN MASA 2:11

A u a nau a mudah mi in khuamial sungah om a, khuamial sungah zong lam pai-in a gamta hi. Khuamial in ama mit khua musak thei lo a, a paina mun a thei kei hi.

Johan 12:40

“A mit uh tawsakin, a lungsim uh a khauhsak hi. Tua bang hih kei leh, a mit uh tawh mu-in, A lungsim uh tawh thei ding uh a; Amau cinatna ka damsak ding hi,” a cihna thu hangin amaute in a um kei uh hi.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Amos 8:9

Tua ni ciangin sun kim laipi mahin ni ka tumsak ding a, sunkim laipi mahin leitungah khua ka mialsak ding hi. Topa Pasian ahi keimah in hih thu kong gen khin hi.

Kah la 4:14

Amaute mittaw bangin kongzing lakah vak uh a, kuama lawn’ngam loh dingin si-le-nai tawh a dim uh hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Isaiah 8:15

Mi tampi tak tuk ding uh hi; amaute tukin kitamzan gawp ding uh hi; amaute awk-in kiman ding hi,” hong ci hi.

Paunak 4:19

Migilote’ lampi ahih leh zan khuamial bangin mial a, amaute a tuksak, a suihkhak nate nangawn mu thei lo uh hi.

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Isaiah 28:13

Tua ahih ciangin Topa in note tungah, malkhat khit malkhat, gualkhat khit gualkhat, thukhat khit thukhat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thang-ah awk-in, sal-in hong kipaipih ding hi.

Ezekiel 21:15

Tua namsau in ka mite meidawi sakin puk sak hi. Khuaphia bangin a tee zalzal, mi that dinga a kithawi ka namsau tawh a khuapi uh ka ngim hi.

Micah 3:6

“Ka mite lam khialsak na hih manun, mailam thugen theihna maang na mu nawn kei ding uh a, bangmah na genkhol thei nawn kei ding uh hi. Kamsangte aw, note’ hun bei ta ding a, ni in hong tumsan ta ding hi,” ci hi.