Isaiah 57:6 - Tedim Bible

⁶ Kuam sunga suangmaite lakah milimte na la uh a, tua suangmaite na bia uh hi. Tuate tungah tui tawh biak piakna sungin, an tawh biak piakna na paipih uh hi. Hih thute’ hangin kei lungdam ding ka hi hiam?

Tedim Bible Revision 2017

⁶ Kuam sunga om suangmaite na la uh a, tua suangmaite na bia uh hi. Tuate tungah tui tawh biakpiakna sungin, an tawh biakpiakna na paipih uh hi. Hih thuteʼ hangin kei lungdam ding ka hi hiam?

Isaiah 57:6 Referans Kwoze

Jeremiah 3:9

Tua bang hih ding amah in baih ngaihsut lel ahih manin suangtum leh singtawng peuh bia-in a khial a, gam a ninsak hi.

Jeremiah 7:18

Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Habakkuk 2:19

Sing a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun, gimna na ngah ding uh hi. Hih bang milim in na hong hilh thei ding ahi hiam? Ngun leh kham tawh a kizut hangin, a sungah nuntakna om lo hi.

Ezekiel 20:39

Topa Pasian in, “Israel mite khempeuh aw, na milimte uh bia un! Ahih hangin tu-a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” hong ci hi.

Jeremiah 32:29

Hih khuapi a sim Khaldea mite hong pai-in khuapi mei tawh a hal ding uh a, ka heh nading-a inn khum tunga Baal milimte paknamtui halna tawh a biakna innte uh leh pasian dangte’ kianga tuidawn biakna a piakna uh innte zong a haltum ding uh hi.

Jeremiah 19:13

Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

Jeremiah 9:9

Hih thute hangin daantat lo ding ka hi hiam? Topa in kong ci hi. Hih bang minam khat tungah ka phu la lo ding ka hi hiam?

Jeremiah 5:29

Hih thute hangin amaute daantat lo ding ka hi hiam? Topa in ka ci hi. Hih bang minam’ tungah thukkik lo ding ka hi hiam?”

Jeremiah 5:9

Hih thute hangin amaute daantat lo ding ka hi hiam? Topa in ka gen-inah, hi ci bang minam’ tungah thukkik lo ding ka hi hiam?

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;