Biblia Todo Logo
Bib sou entènèt

- Piblisite -




Isaiah 57:3 - Tedim Bible

3 No, aisan numeite’ tapate, numei tawh a mawh mite leh numei pangtatte’ tu-le-tate aw, hih lai-ah hong nai un.

Gade chapit la Kopi

Tedim Bible Revision 2017

3 No, ai san numeiteʼ tapate, numei tawh a mawh mite le numei pangtatteʼ tuletate aw, hih lai ah hong pai un.

Gade chapit la Kopi




Isaiah 57:3
23 Referans Kwoze  

Gilo a pangtat khang mite in lim a nget uh hangin, Pasian’ kamsangpa Jonah lim longal lim dang a kilak kei ding hi,” a cih khit ciangin tua mite’ omna pan a paikhia hi.


Tua bangin Pasian’ tate leh Dawimangpa’ tate a kikhen uh hi. Dikin gamta lo mi ahi zongin, a u a nau a it lo mi ahi zongin Pasian tawh a kipawl lo mi ahi hi.


Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.


Tua lai takin Johan in ama khut tungah kibaptaiz dingin hong pai mihonpite kiangah, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?


Mualtan’ suante aw, note in hel khua khiat ding thu tan’na bangci na suakta thei ding uh hiam?


No mualtan’ suante aw, no gilo na hih uh ciangin kam hoih bangci gen theih ding na hi uh hiam? Bang hang hiam na cih uh leh, lungsim dima om bangin kam in a gen thei hi.


Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?


Topa in Hosea tung tawnin Israelte tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tulpih lo ding numei paktat khat ten’pih in la, tua nu tawh ta nei in,” a ci hi.


“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.


A thutak khuapi, thutang tawh a kidim ngeisa, bang ci-a a paktat numei tawh kibang ta ahi hiam! Ama sungah thumanna om ngei a, ahih hangin tu-in mi thatte bek a om hi.


Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.


Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.


Kei kiangah hong nai un la, hih thu za un: a kipat cil-a kipanin a simthamin thu ka gen kei a, tua thu hong pian’ akipanin kei ka om hi. (Tu-in Topa Pasian in a Kha tawh kei hong sawl hi.)


A lian a sang mual tungah nu-le-pa mawhna na bawl uh a, tua munah biakna pia dingin na paito uh hi.


Amaute pen, thuman-a a gamta, amaute’ Pasian’ biakna ngeina kipte a nusia lo minam bang keekin, ni simin amaute in kei hong zong uh a, keima lampite thei nuam uh hi; amaute in keima kiang panin a maan thukhenna hong ngen uh a, Pasian kiangah nai nuam uh hi.


Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.


Kumpipa Josiah a maan’ laitakin Topa in kei hong hopih a, “A zulhzau Israel, mual sang tung khempeuh-ah pai a, sing liim nuai khempeuh ah numei paktat banga om kawikawina na mu khin zo hiam?


Tua bang hih ding amah in baih ngaihsut lel ahih manin suangtum leh singtawng peuh bia-in a khial a, gam a ninsak hi.


Ama tate, paktatna pana piang tate ahih manin, tua a tate zong ka hehpih kei ding hi.


Tua ahih ciangin amah a paikhiat zawh loh nadingin ling ka kaihnelh ding a, a kimkotah kulh ka ciang ding hi.


Swiv nou:

Piblisite


Piblisite