Isaiah 57:2 - Tedim Bible

² nopsakna sungah amah tum hi, thutang-a gamta mite in a sihna uhah nopna ngahin tawlnga uh hi.

Tedim Bible Revision 2017

² Thutangin a gamta mite in a sihna uh ah nopna ngahin tawlnga uh hi.

Isaiah 57:2 Referans Kwoze

Mangmuhna 14:13

Tua lai takin, “Tu-a kipan Topa sungah a si mite in thupha ngahte ahi uh hi ci-in gelh in,” ci-in vantung pan hong gen aw ka za hi. Kha Siangtho in zong, “Tua thu a man hi. Tua mite in tua bang ciangin nasepna bei-in khawlna tawlngakna thu a ngah ding uh hi. Bang hang hiam na cih uh leh, amaute nasepna un zong amaute a zui ding uh hi,” ci-in a gen hi.

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.

Luka 2:29

“Topa aw, na genkholh mah bangin, Na sal in nopsakna tawh a pai nadingin thu hong pia in.

JOB (Job) 3:17

Tua lai-ah a migilote in siatna sukha nawn lo ding a, a gimte tawlnga hithiat ding hi.

2 KORIN NIHNA 5:8

Pum leh tak tawh kikhenin Topa tawh innah omkhawm tawntung dingin ut zaw-in lau lohna lungsim ka nei uh hi.

Luka 7:50

Zeisu in,”Na upna in nang hong gum zo hi. Nuam in la, pai in,” ci-in numei thu a pia hi.

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

Thuhilh-sia 12:7

I pumpi, lei suak kik ding a, i nuntakna a hong pia Pasian’ kiangah, i kha ciahkik ta ding hi.

2 KHANG TANGTHU NIHNATE 16:14

David khuapi sungah amahmah in a khuak han sungah amaute in vui uh hi. Paknamtui bawl siamte in a bawl a namtui a nam tuamtuamte tawh a kidim hankuang sungah amah sial uh hi; tua ciangin amah zahtakna-in amaute in meiphual lian mahmah khat cih uh hi.

Luka 16:22

Tua nung ciangin mizawngpa si a, vantungmite in Abraham’ ang ah a pua uh hi.

Ezekiel 32:25

Gal sunga a site lak mah-ah Elam lum a, ama kimkot-ah a galkapte’ han om hi. Amaute in Pasian a thei loin, gal sungah si uh hi. A hin’ lai-un mite a lausak ngeite hi uh a, ahi zongin tu-in amaute si-in mindai-in om uh a, gal sunga site mah tawh kibangin gimna thuak uh hi.

Filippi 1:23

Thu nih kikal ah cih nading meel thei loin ka om hi. Pai-in Khazih tawh ka om ding ka lunggulh hi. Bang hang hiam cih leh, keima adingin a phazaw mahmah ding hi.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Isaiah 26:7

Midikpa’ lampi tamkim a, nangmah in midikpa’ lampi na neel sak hi.

Isaiah 14:18

Minamte’ kumpite khempeuh pen amau’ hankhuk sung ciat uhah minthangin lum uh hi;

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Late 37:37

Paubaang lo mi ciamteh in la, thutang mi en in, bang hang hiam cih leh gal phuang lo mi’ adingin nopna om hi.

Daniel 12:13

Nang, Daniel na hih leh a tawp dong muanhuai takin om in. Tua ciangin na si ding a, ahih hangin hun a bei ciangin thaman sang dingin na thokik ding hi,” hong ci hi.

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.