Isaiah 57:16 - Tedim Bible

¹⁶ Ka mite tungah nuntakna hu ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Tedim Bible Revision 2017

¹⁶ Ka mite tungah nuntakna ka pia hi. Amaute ka mawhsak paisuak kei dinga, amaute tungah ka heh tawntung kei ding hi.

Isaiah 57:16 Referans Kwoze

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Late 85:5

Kote tungah hong heh paisuak ding na hi hiam? Khang tawntungin heh paisuak ding na hi hiam?

Hebru 12:9

Lam khat panin, pumpi tawh kipawl pate’ khut tungah eite in hilhna i thuak ciangin, amau i zahtak hi. Tua tham loin, khalam-a i Pa’ ukna thuakin nungta zaw ding hilo i hi hiam?

Jeremiah 10:24

Topa aw, a hoih bek tak-in, heh loin kei hong hilh in; hong heh lecin kei ka si ding hi.

Gamlak-vakna 16:22

Amaute boksuk uh a, “Pasian, mi khempeuhte tungah nuntakna a pia Pasian aw, mi khat khial ding a, mihon khempeuhte tungah nang heh ding na hi hiam?” a ci uh hi.

Jeremiah 38:16

Tua ciangin kumpipa Zedekiah in Jeremiah’ kiangah, “Eite nuntakna a hong pia Topa a nuntak bangin kong si sak kei ding a, nang a hong that nuam hih mite’ khut sungah zong kong pia kei ding hi,” ci-in kiciamna a pia sim hi.

Isaiah 42:5

Vantungte piangsakin a zal, leitung phah-in a tung pan-a hong paikhia nate a piangsak, leitung a, om mite tungah husan’na pia-in, leitung a, a paite khempeuh husan’na a guan Topa Pasian in hih bangin ci hi;

Piancilna 6:3

Tua ciangin Topa in, “Ka Kha inmi tawh buai paisuak lo ding hi, bang hang hiam cih leh mihing pumpi in a si thei ci-le-sa hi a, a khan’ in kum za leh kum sawmnih hi ding hi,” ci hi.

Zekhariah 12:1

Vanpi zalin, leitung piangsak a, mihingte tungah nuntakna a pia Topa in Israel mite tawh kisai-in thu gen a,

Thuhilh-sia 12:7

I pumpi, lei suak kik ding a, i nuntakna a hong pia Pasian’ kiangah, i kha ciahkik ta ding hi.

Jeremiah 3:5

nang heh tawntung ding na hi hiam, a tawp dongin lungham den ding na hi hiam?’ nong ci hi. En in, tua bang na cih hangin, na hih theih siatna khempeuh na hih khin zo hi,” a ci hi.

Ezekiel 18:4

Mi khempeuh in keima aa hi a, pate ahi a, tate ahi zongin keima aa ahi hi. A mawh mipa bek si ding hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

2 SAMUEL NIHNA 24:16

Vantungmi in Jerusalem khua a susia dingin kithawi-in a khut a zan ciangin tua tatsiatna panin Topa kisik a, mite lakah suksiatna a sem vantungmi kiangah, “Pha zo hi; tu-in na khut khawlsak in,” a ci hi. Topa’ vantungmi in Jebus mi Araunah’ ancilna gei-ah om hi.

JOB (Job) 12:10

Ama pian’saksate’ nuntakna a ukpa in Pasian ahi hi; mihing khempeuhte’ nuntakna ama khut sungah om hi.

Isaiah 27:8

A kithukkim dingin amah in amaute sal suahsakna tawh daan pia hi; nisuahna huihpi a nun’ ni-in amah in a kihtak huai a ging pha tawh amaute khinkhia hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Isaiah 64:8

Ahi zongin, Topa aw, nangmah in kote’ Pa na hi hi; kote tungman bang hi-in, nang in beel seekpa bang na hi hi; kote khempeuh nangma bawl mite ka hi uh hi.