Isaiah 57:13 - Tedim Bible

¹³ Nang cimawh-in na kiko ciangin na milim kaihkhopte kihonsak in! Huih in amaute mutkhia-in, husan’na in amaute seem khia ding hi. Ahih hangin kei hong beel mi in leitang ngah ding a, ka mual siangtho luah ding hi.

Tedim Bible Revision 2017

¹³ Nang cimawhin na kiko ciangin na milim kaihkhopte kihonsak in! Huih in amaute mut khia-in, husanna in amaute seem khia ding hi. Ahih hangin kei hong beel mi in leitang ngah dinga, ka mual siangtho a luah ding hi.

Isaiah 57:13 Referans Kwoze

Late 37:9

Bang hang hiam cih leh migilote kipuaseh ding a, ahih hangin Topa a ngakte in leitung luah ding uh hi.

Late 37:3

Topa muang in la gamtat hoih in; gam nuamah teeng in la thumanin om in.

Isaiah 65:25

Keivom leh tuuno in an ne khawm ding uh a, humpinelkai in bawngtal bangin buhkung ne ding hi; leivui pen gulpi’ an hi ding hi. Keima mual siangtho tung tengah amaute kiliamsak lo, kisusia lo ding uh hi, Topa in ci hi, a ci hi.

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Topa in ci hi.

Joel 3:17

Tua ciangin Israelte aw, ka mual siangtho Zion tungah a teeng keimah in, Topa, note’ Pasian ka hihna na thei ding uh hi. Jerusalem in a siangtho biakna khuapi hi ding a, gamdang mite in zo kik ngei nawn lo ding uh hi.

Ezekiel 20:40

Topa Pasian in, “Ka mual siangtho, Israel mual sang tungah Israel mite khempeuh in kei nong bia ding uh hi. Note tungah kong lungdam ta ding a, biak piaknate, a limcipen piaknate, leh na letsong siangthote uh kong lamen ta ding hi.

Isaiah 66:20

Israel mite in an tawh amau biakpiakna beel siangtho sungah tawi-in Topa’ innah hong paipih uh mah bangin, amaute in minam khempeuhte lak panin Topa’ tungah piak dingin na sanggamte khempeuh uh, sakolte, leengte, taalte, late, kalaoh hatte tungah hong pua-in ka mual siangtho Jerusalem ah hong paipih ding uh hi; Topa in ci hi.

Isaiah 65:9

Jakob sung panin Judah minamte thupha ka pia ding a, amau’ suan leh khakte in mualtung gam a luah ding uh hi. Keima na hong sem, keima teel mite, tua gamah teeng ding uh hi.

Isaiah 11:9

Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Late 125:1

Topa a muang mite pen, ling loin a om tawntung Zion Mual tawh kibang hi.

Thukhente 10:14

Pai un la note’ teel pasiante tungah ko un;’ na lungkham hun-un amaute kihonkhia sak un,” a ci hi.

Hosea 13:3

Tua ahih ciangin amaute pen zingsanga kai meiilum, a maimang pak daitui, ancilna panin huih in a let khiat ansi, meikhu suahna-a a pai meikhu bangin maimang ding uh hi.

Jeremiah 22:22

Na makaite uh huih in hong mut mangsak ding a, na pawlte uh sal-in kiman ding uh hi; tua ciangin na gitlohna uh hangin maizum-in na lunggam ding uh hi.

Jeremiah 22:20

Jerusalem khua mite aw, Lebanon Mual tungah kahto un la, awng un; Bashan gamah va kiko un. Abarim mual tungah va kiko un, bang hang hiam cih leh na pawlte un gal a lel khin uh hi.

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;

Isaiah 41:16

amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israelte’ Siangtho Pa’ hangin na minthang ding uh hi.

Isaiah 40:24

Amaute pen a gina-in kisuan lo, a gina-in kivawh lo, amau’ kungte in a gina-in lei sungah zung kha lo uh a, amah in amaute a mut ciangin amaute vul a, huihpi in nahpa keu bangin amaute a len’ khiatpih hi.

Paunak 28:25

A huaiham mi in kitotna piang sak a, Topa a muang mi in mihau hi ding hi.

Late 84:12

Mi honte Topa aw, nangmah hong muang mi in thupha ngah mi ahi hi!

Late 58:9

Na beelte in lingkung kuang pen sa a sak ma-in, a hing a keu-in amah in tuate phiatkhia mang hen!

Late 1:4

Migilote ahih leh tua bang hi lo a, huih letkhiat ansi tawh kibang uh hi.

JOB (Job) 21:18

Huih in a letkhiat buhkungte bang, huihpi in a mutkhiat buhsi bangin bawl ngei ahi hiam?

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam?” Na nu’ kamsangte leh na pa’ kamsangte kiangah pai in,” a ci hi. Ahih hangin Israel kumpipa in ama kiangah, “Hilo hi; Moab khut sungah a piak dingin hih kumpi thumte a sampa in Topa ahi hi,” a ci hi.

Late 118:8

Mi i muan’ sangin Topa belh ding hoihzaw hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Isaiah 49:8

Topa in ama mite kiangah, “Note hotkhiat ding hun a tun ciangin maipha kong pia ding a, huhna nong ngetna uh kong pia ding hi. Note hong kemin kong hu ding a, note tung tawnin mi khempeuh tawh thuciamna ka bawl ding hi. A kinusia na gam puahpha in a sung uhah, note a luah dingin kong teengsak kik ding hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Jeremiah 30:14

Na lawm ngaihte un hong mangngilh khin uh a, hong don nawn lo uh hi. Bang hang hiam cih leh na khialhnate uh lian lua-in, na mawhnate uh nasia lua ahih manin, galte bangin note kong bawl-a, nasia takin daan kong thuaksak hi.

Late 37:11

Ahih hangin lungnemte in leitang luahin, gen zawh lohin amaute in nuamsa ding uh hi.

Late 37:22

Bang hang hiam cih leh Topa’ thupha piakte in leitang luah dinga, ahih hangin ama samsiatte kipuaseh ding hi.

Late 37:29

Thuman mi in leitang luah ding a, tua tungah teeng suak ding hi.

Late 37:34

Topa ngak in la ama lampi zui in, leitang luah dingin nang hong liansak ding hi; migilote’ siatna na en ding hi.

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Jeremiah 2:28

No ading-a na bawl uh na pasiante uh koiah om ahi hiam? Haksatna na tuah uh ciangin, a hong hot theih leh kihon sak ta ve un; bang hang hiam cih leh Judah gam aw, na khuapi zahzah-ah pasian na nei tazen uh hi.