Isaiah 57:12 - Tedim Bible

¹² Na gamtatna a manin na ngaihsun hi. Ahih hangin na gamtatnate ka pholak ding a, na milimte in nang hong huh zo lo ding hi.

Tedim Bible Revision 2017

¹² Nangma gamtatna a manin na ngaihsun kha hi. Ahih hangin na gamtatnate ka pholak dinga, na milimte in nang hong huh zo lo ding hi.

Isaiah 57:12 Referans Kwoze

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. En in, kote tungah nang na heh a, ahih zongin kote ka khial lai veve uh hi; tanglai pek-a kipanin ka mawh ngitnget uh hi. Tua bangpi-in kote hong kihon ding ahi hiam?

Isaiah 29:15

Topa’ kiang panin ama’ thu vaihawmna a seel cip, khuamial sungah a gamta, “Kua in hong mu ding hiam? Kua in hong thei ding hiam?’ a cite in gimna ngah ta hen.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.

Isaiah 44:9

Milim a bawl mite khempeuh a mawkna hi a, amau’ deih milimte in phattuamna piangsak lo hi; milim a biate in khuamu thei lo, thu theithei lo a, amaute in maizumna thuak uh hi.

Jeremiah 10:11

Amaute tungah, “Vantungte leh leitung a bawl lo pasiante, leitung mun khempeuh panin a mangthang ding uh hi,” ci-in na gen ding hi.

Jeremiah 10:14

Mi khempeuh hai-in pilna nei lo hi khin uh a, kham sekte khempeuh in a milimte uh a maizum lawh uh hi. Bang hang hiam cih leh a milimte uh zuau hi lel a, naak thei lo uh hi.

Jeremiah 10:15

Kiman’na nei lo, a haihuaipi hi a, a kidaantah ni ciangin a kisia ding uh hi.

Jeremiah 51:18

Kiman’na nei lo, a haihuaipi hi a, a kidaantah ni ciangin a kisia ding uh hi.