Isaiah 57:11 - Tedim Bible

¹¹ Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Tedim Bible Revision 2017

¹¹ Nang zuautatin kei na hong phawk kei hi. Kei na hong ngaihsut loh nading a piangsak zah dingin hih pasian-te bang hi leltak ahi hiam? Sau veipi sung pau loin ka om hithiat manin kei hong zahtak lo na hi hiam?

Isaiah 57:11 Referans Kwoze

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Late 50:21

Hihte khempeuh na gamta khin uh a, bangmah ka pau kei hi; kei pen no tawh a kibangin nong ngaihsun uh hi. Ahih hangin tu in note kong tai a, na mawhna uh na mai uh-ah ka koih hi.

Jeremiah 3:21

Mual tung pan awging khat kiza hi, Israel mite’ kahna leh tauna aw ahi hi. Lam a pialna hang uh leh Topa a Pasian uh a mangngilhna hang uh ahi hi.

Jeremiah 2:32

Nungak khat in a kizepnate a mangngilh thei hiam? A kipi mothak nu in a mothak puante a mangngilh thei hiam? Ahih hangin ka mite in sim zawh loh ni tampi a hong mangngilh uh hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

2 THESALONIKA NIHNA 2:9

Tua a kiseel Gilo a hong pian’na thu in, Satan bawlna bangin zuauna tawh kipawl vangliatna, nalamdang leh dipkuat huaina apawl pawlte tawh ahi zongin,

Sawltak 5:3

Piter in, “Ananias aw, nang in Kha Siangtho kheem a, lei na zuak a man kimkhat na seel nadingin Satan in nang lungsim bang tawh hong dimsak hiam?

Hosea 11:12

Topa in hih bangin ci hi. Israel mite in zuauna leh khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh’ kiangah, kei nong paisak uh a, ‘Ko adingin Topa i Pasian kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ nong ci uh hi.

Isaiah 30:9

Bang hang hiam cih leh amaute pen, a lehdo mite, a zuau thei tapate, Topa’ hilhna thu a ngai nuam lo mite ahi uh hi;

Isaiah 26:10

Mi gilote tungah na migit hangin a maanin gamtat ding thei thei tuan lo uh a, lungsim thutang mite’ gam sungah khialhna bawl lai veve uh hi. Amaute in Topa’ min liatna hong phawk nuam lo uh hi.

Thuhilh-sia 8:11

A mawhte kidaantat pahpah lo ahih manin, mihingte in khialh ding haksa sa lo uh hi.

Late 78:36

Ahih hangin amaute in a kam uh tawh amah phat khem uh a, a lei uh tawh ama tungah zuau gen uh hi.

Isaiah 42:14

Pasian in hih bangin ci hi: Sau veipi sung ka dai om a, keimah leh keimah kikhamcip-in ka hi hit-hiat hi; tu-in numei nau suak ding bangin ka kiko khia ding a, ka kam ka-in ka tung-nak ding hi.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Isaiah 47:7

Nangmah in, “Kei pen, tonu ka hi tawntung ding hi,” ci na hih manin hih thute na lungsim ah koih loin, bang thu piang thei cih zong na ngaihsun kha kei hi.

Jeremiah 38:19

Kumpipa Zedekiah in Jeremiah kiangah, “Khaldea mite’ kianga a tai Judah mite ka kihta hi. Amaute’ khut sungah kei hong kipia leh amaute in kei hong bawlsia ding uh hi,” a ci hi.

Jeremiah 41:18

Bang hang hiam cih leh Khaldea mite a kihta uh hi. Babilon kumpipa in gam uk dinga a koih Ahikam’ tapa Gedaliah, Nethaniah’ tapa Ishmael in suamlum ahih manin a kihta uh ahi hi.

Mattiu 25:25

kong kihta a, mun dangah pai-in na talen khat lei sungah ka seel hi. Tu-in na sum na la in,’ a ci hi.