Isaiah 57:10 - Tedim Bible

¹⁰ A gamla na khualzinna tawh nang na gim a, ahih hangin nangmah in, “Lametna om kei,” na ci kei hi; nangmah in thahatna thak na ngah a, tua ahih manin na gim kei hi.

Tedim Bible Revision 2017

¹⁰ A gamla na khualzinna hangin nang na gim mahmah a, ahih hangin nangmah in, “Lametna om kei,” na ci kei hi.

Isaiah 57:10 Referans Kwoze

Jeremiah 2:25

Na khe guakin lam pai kei in la, na dang taksak kei in, kong cih hangin, nangmah in, ‘Bang phamawh hiam? Khual mite ka it a, amau’ nung ka zui ding hi,’ na ci hi.

Jeremiah 18:12

Amau in, ‘Tua bang gen kul lo hi. Ko’ ngimna bangin ka zui ding uh a, mi khempeuh in ama’ lungsim sia’ deihna bangin ka gamta ding uh hi,’ hong ci ding uh hi.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

ROM (Romans) 7:9

Nidang lai-inah thukham loin ka nungta hi. Ahih hangin thukham hong pian’ ciangin mawhna nungta kik a, kei ka si hi.

Habakkuk 2:13

Na zawh uh minamte’ nasepna sate a mawkna suakin, amau’ sepsa teng a khu-in leng mang hi. Hih thu in Vanglianpen Topa’ pian’sak ahi hi.

Ezekiel 24:12

Ahi zongin bang zahin hanciamin a kisep hangin, a kang-op in bun lua ahih manin siang zo lo ding hi.

Jeremiah 9:5

Mi khempeuh in a innvengte uh khem ciat uh a, thuman gen kuamah om lo hi; a leii uh zuauthu gen dingin kisinsak uh a, mawhna a bawl manun tawllua-in a kisikkik zo nawn kei uh hi.

Jeremiah 3:3

Tua hang mah-in guahtui kikang sak a, guah nunung hong zu lo hi; ahih hangin numei paktatte bang hi napi-in, na zum thei kei lailai hi.

Jeremiah 2:36

Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.

Isaiah 47:13

Nang tungah hong kilak thu tampite in nang hong gimsak hi; vantungte a seh-in khenin, aksite en a, khadet simin nang tunga thu piang ding hong genkhol mite ding sak in la, nangmah kihonsak in.