Isaiah 57:1 - Tedim Bible

¹ Thuman mipa si a, kuamah in a lungsim sungah tua thu ngaihsutin nei lo hi, kuamah in a theih loh kalin thuman mite si uh hi. Bang hang hiam cih leh tuahsiatna panin thuman mipa kilakhia a;

Tedim Bible Revision 2017

¹ Thuman mipa si a, kuamah in tua thu ngaihsutin nei nawn lo hi. Kuamah in a theih loh kalin thutak mite si uh hi. Bang hang hiam cih leh tuahsiatna panin thuman mipa kila khia a, nopsakna sungah amah tum hi.

Isaiah 57:1 Referans Kwoze

2 KUMPI NIHNATE 22:20

Tua ahih ciangin, en in, na pate kiang nang kong zuansak ding a, nangmah in nuam takin na han na zuan ding a, hih mun tungah ka tun’sak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah thu puakkik uh hi.

Late 12:1

Topa aw, hong huh in, bang hang hiam cih leh mihing’ tate lak panin mi thumante mangthang a, mipha khat beek om nawn lo hi.

2 KHANG TANGTHU NIHNATE 34:28

En in, na pate kiang kong zuan sak ding a, nuam takin na han na zuan ding a, hih mun leh a tunga teengte tungah ka tun’sak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah thu puak kik uh hi.

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.

Isaiah 42:25

Tua ahih ciangin amah in, ama hehna-so leh gal kidonate eite tungah hong tungsak hi. Israel mi khempeuh lakah mei bangin ama hehna hong kuang a, ahih hangin eite in bangmah i thei kei hi. Tua i thuakna hangin bangmah i phawk khia thei tuan kei hi.

Isaiah 47:7

Nangmah in, “Kei pen, tonu ka hi tawntung ding hi,” ci na hih manin hih thute na lungsim ah koih loin, bang thu piang thei cih zong na ngaihsun kha kei hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.

2 KHANG TANGTHU NIHNATE 35:24

Tua ahih ciangin a nasemte in leeng sung panin amah la khia-in ama leeng nihna sungah amah pua-in Jerusalem ah paipih uh hi. Tua ciangin amah si a, a pate’ han sungah kivui hi. Judah gam leh Jerusalem khuami khempeuh Josiah’ hangin kap uh hi.

2 KHANG TANGTHU NIHNATE 32:33

Tua ciangin Hezekiah a pate tawh ihmu a, amaute in David’ suante’ han paina mual pangah amah vui uh hi; Judah khempeuh leh Jerusalem a, teengte in a sihin amah zahtakna bawl uh hi. Tua ciangin ama tapa Manasseh in ama tangin uk hi.

1 KUMPI MASATE 14:13

Tua ciangin Israel khempeuh ama hangin kapin vui ding uh hi; bang hang hiam cih leh Israel Pasian, Topa tungah a lungkimhuai na khat Jeroboam innkuan sung panin ama tungah kimu ahih manin Jeroboam sung panin amah bek hanah pai ding hi.

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Gamlak-vakna 23:10

Kua in Leivui banga a tam Jakob mite a mal sim zo ding a, Israel sehli suah sehkhat a mal sim zo ding ahi hiam? Mi thumanpa’ sihna bangin hong si sak in la, ka mailam thu ama’ aa bang hi sak in!” a ci hi.

Late 37:37

Paubaang lo mi ciamteh in la, thutang mi en in, bang hang hiam cih leh gal phuang lo mi’ adingin nopna om hi.

Isaiah 47:11

Ahih hangin nangmah in na beisak theih loh tuahsiatna na tungah hong tung ding hi; nangmah in maisakna na ngah theih loh gimna nang tungah hong tung ding hi; nang in a thu na theih hetloh siatna na tungah thakhatin hong tung ding hi.

Jeremiah 18:11

Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Jeremiah 22:10

Judah mite aw, misipa Josiah kah kei un la, khasiat kei un. A kipai khiatpih Shallum adingin nakpi takin kap zaw un, bang hang hiam cih leh a pian’na gam mu dingin amah hong kilehkik nawn lo ding hi.

Ezekiel 21:3

Israel gam mite tungah Topa ahi keima thugen, hih bangin gen in: ‘Note ka hong langpan’ hi. Ka namsau dokin, note a sia a pha a kibangin kong that mang khin ding hi.