Isaiah 55:4 - Tedim Bible

⁴ En un, amah pen mite tungah teci ding, mite a makai ding leh a ukpa dingin ka koih hi.

Tedim Bible Revision 2017

⁴ David pen mite tungah teci ding, mite a makai ding le a ukpa dingin ka koih hi.

Isaiah 55:4 Referans Kwoze

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Hebru 2:10

Bang hang hiam na cih uh leh, ta tampite vanglian nopsakna-ah a khak nadingin, tua mite’ gupna a piangsakpa in gimna a thuakna hangin kicin’na a tun’ nadingin na khempeuh bawl a, a uk Pasian in a kilawm hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Jeremiah 30:9

Topa, amau’ Pasian’ na ahi zongin, amaute’ kumpi-a ka koih ding David’ na ahi zongin a sem zaw ding uh hi.

Late 18:43

Mite tawh kidona panin nangmah in kei nong honkhia a, minamte’ lutang-in kei nong bawl a, ka theih ngei loh mite in keima na hong sem uh hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Mangmuhna 3:14

“Laodikia khua-ah a om pawlpi’ vantungmi kiangah hih bangin gelh in. ‘Amen ahi mi, a dik a man teci a pang, Pasian’ piancilna kipatna bulpi ahi pa’ thupiakna in:

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

1 TIMOTI MASA 6:13

Topa Zeisu Khazih hong kilat dongin nang in a nin baang loin mawhsak nading om loin, thupiakna na zuih nadingin na khempeuh a nungta sak Pasian mai-ah ahi zongin Pontias Pilat maiah pha takpi-a thuman teci a pang Khazih Zeisu mai-ah ahi zongin, keimah in nangma tungah thu kong pia hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Mattiu 2:6

‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Efesa 5:24

Ahih hangin pawlpi in Khazih’ ukna a man’ mah bangin zite in zong a pasalte uh ukna khempeuh mang ta uh hen.

Johan 13:13

Note in keimah ‘Sia’ leh ‘Topa’ nong ci uh hi. Tua thu aman hi, nong cih uh bangin ka hi hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Johan 10:3

Kongcingpa in ama ading hon’ thei a, a tuute in ama kam a ngai uh hi. Amah in tuute a minin sam a, pua lamah a paipih hi.

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin, thu a khen mipa pen David’ buk sunga tua tokhom tungah thuman tawh tu ding hi.”

Ezekiel 37:24

Ka nasempa David in amaute’ kumpi hi ding a, mi khat ukna nuai-ah amaute kigawmin, ka thukhamte hoih takin zui ding uh hi.

Ezekiel 37:25

A pu a pate uh a ten’ nasa ahi ka nasempa Jakob tungah ka piak leitangah amaute teeng ding uh a, amaute bek hi loin a suan a khak dongun teeng suak ding uh hi. Ka nasempa David in amaute uk tawntung ding hi.

2 SAMUEL NIHNA 22:44

“Mite tawh kidona panin nangmah in kei nong honkhia hi; minamte’ lutangin kei nong bawl hi, ka theih ngei loh mite in keima na hong sem uh hi.

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

Isaiah 43:12

Note lakah pasian dang a om ma-in honkhia-in, pulak-in, ka gen khol hi; tua ahih ciangin note in keima tecite na hi uh hi,” Topa in ci hi.