Isaiah 55:1 - Tedim Bible

¹ A dangtak mi peuhmah tui phualah hong pai un; an nei lote aw, hong pai-in lei un la, ne un! Hong pai un, sum leh a man ding pia loin leenggahzu leh bawngnawi lei un.

Tedim Bible Revision 2017

¹ A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Isaiah 55:1 Referans Kwoze

Mangmuhna 21:6

“Tua bangin a piang khin zo hi. Keimah in Alfa leh Omega, a kipatna leh a tawpna ka hi hi. Tuiduh mite nuntakna ciktui man nei loin ka pia ding hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Late 143:6

Thu ngenin nang lamah ka khut kong zan a, leikeu in tui a duh bangin nang kong duh hi.

Mangmuhna 22:1

Tua nung ciangin vantungmi in kei kiangah kristal suangmanpha tawh kibangin tangin, Pasian leh Tuuno’ tokhom pan pusuakin, khuapi lampi laizang tawntungah a luang nuntakna gun hong lak hi.

Mattiu 13:44

“Vantung Gam in lo lai-ah a kiseel sum tawh kibang hi. Tua sum a mupa in khatvei seel kik a, lungdam mahmahin pai a, a neih khempeuh zuakin tua lo a va lei hi.”

Mattiu 10:8

Cinate na damsak un, misite na hing kiksak un. Miphakte na dam sak un. Dawite na hawlkhia un. Man piak lohin na ngah uh bangin, man sang loin na pia un.

Joel 3:18

Tua hun ciangin mual tung gam khempeuh leenggui lo hi ding a, mual neute khempeuh tungah bawng nawi luang ding a, Judah gam sung khempeuhah tui tampi om ding hi. Topa’ biakinn panin lui tui khat hong luang khia ding a, Shittim kuam khempeuh kawtsak ding hi.

Late 63:1

Pasian aw, nangmah in keima Pasian na hi hi, nangmah kong zong hi, ka lungsim khempeuh tawh nang kong deih hi; tui om lohna gamkeu bangin ka pumpi in nang hong deih hi.

Isaiah 52:3

Bang hang hiam cih leh Topa in: “Man nei loin note hong kizuak a, sum pia loin note hong kitankhia ding hi.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.

ROM (Romans) 3:24

Ahih hangin Zeisu Khazih in hong tan ahih maninah, a man pia loin Pasian’ hehpihna hangin dikkisakna i ngah hi.

Hosea 14:4

Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.

Solomon la 5:1

It luat, ka lawmnu aw, ka huan sung hong tung zo ing, Ka paknamtuite ka kaikhawm hi. Ka khuaizu leh ka khuailuzu ka ne a, ka leenggahzu leh ka bawngnawite ka dawn hi. Nungak dangte: Nungak leh tangval aw, na lungkim piikpeek dongun, ne-in dawnin nuam sa un. Kikhen Man-a Lunggimna Nungak:

Paunak 8:4

“Mi khempeuh tungah kong thuum a, leitunga om mi khempeuh kong sam hi.

Mattiu 26:29

Ke’n kong cih-inah, leenggahtui ka Pa’ Gam sungah no tawh ka dawn thak ni matengin, tu-a kipan ka dawn nawn kei ding hi,” a ci hi.

Zekhariah 9:15

Vanglianpen Topa in ama mite hu ding a, ama mite in a galte uh susia ding hi. Galdona sungah, zukham bangin awng gawp ding uh a, a galte uh’ sisan luangsak gawp ding uh hi. Biakna site, biakna tau tungah, hai-a sun tawh kibangin luangsak ding uh hi.

Solomon la 1:4

Hong kai in la, paikhawm ni. Ka kumpi hong hi in la, na innah hong ciahpih in. Nang tawh om leeng i lung dam a, leenggahzu ne-in nuam sa ni. Nang kong ngaih khak tuahpha ing.

1 KORIN MASA 3:2

Note in an haizan zo nai lo na hih uh ciangin sa tawh kong vaak nai kei hi, nawizu bek kong tulh hi. Tu-in na haizan zo kei uh hi.

Zekhariah 10:7

Israel mite’ galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topa’ bawlna hangin kipak ding uh hi.

Zekhariah 2:6

Topa in ama mite kiangah, “Mun khempeuhah note kong thehthang khin hi. “Hong pai un! Hong pai un! Saklam gam panin taikhia un.”

Ruth 4:1

Tua ciangin kulh kongpi-ah Boaz paito-in tua mun-ah tusuk hi; en in, tanaute, Boaz’ genpa hong pai hi. Tua ahih ciangin Boaz in, “Hong pai dih in, lawm aw; hih lai-ah tu dih in,” a ci hi; tua ciangin amah hong kihei-in hong tusuk hi.

Solomon la 1:2

Na muk tawh nong tawptawp a, nong itna in leenggahzu sangin khumzaw hi.

Kah la 5:4

Ka tuidawn ding uh lei ding kul a, ka sing cih ding uh lei ding a kul hi.

Mattiu 5:6

“Gilkial a, an duh banga lungsiangtho a deihte in thupha a ngah ding uh hi. Bang hang hiam na cih uh leh, amau in vaakna a ngah ding uh hi.”

Sawltak 8:20

Piter in, “Pasian’ hehpihna dangka tawh kilei thei hi cih ngaihsun na hih ciangin nang tawh na dangka siakhawm ta hen.

Paunak 9:5

“Hong pai un la, ka huansa ka an ne-in, ka bawlsa leenggahzu hong dawn un.

Ezekiel 47:1

Tua ciangin biakinn lutna kongkhak-ah hong paipih kik hi. Biakinn kongkhak sangkil nuai panin tui luang a, biakinn ngatna nisuahna lamah luang sukin, biaknatau leitaw lam pang tawnsuk hi.

Ezekiel 47:9

Hih tui a luan’na mun peuhpeuh ah ganhing namkim leh ngasa tampi om hi. Hih tui in Si Tuipi tui siangsak kikin, a luan’na peuhpeuh ah nuntakna omsak kik ding hi.

Paunak 9:1

Pilna in a inn lam a, a inn ding khuampi sagih phut hi.

Isaiah 1:19

Note in utna lungsim nei-in thu na man’ nak uh leh lei pan-a piang a gah hoihte na ne ding uh hi;