Isaiah 53:5 - Tedim Bible

⁵ Ahih hangin eite’ khialhna hangin amah kiliamsak a, eite’ mawhna hangin amah kisatnim hi; Ama gimthuakna hangin nopna i ngah a, ama liamna hangin damna i ngah hi.

Tedim Bible Revision 2017

⁵ Ahih hangin eiteʼ khialhna hangin amah kiliamsak a, eiteʼ mawhna hangin amah kisatnim hi. Ama gim thuakna hangin nopna i ngah a, ama liamna hangin damna i ngah hi.

Isaiah 53:5 Referans Kwoze

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Hebru 10:14

Bang hang hiam na cih uh leh, siangthona a ngah mite, khatvei biakna tawh kicin’ tawntungna a ngahsak hi.

ROM (Romans) 4:25

Tua Topa in eite khialhna hangin kipia a, eite in dikkisakna i ngah nadingin a kithosak kik hi.

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

1 KORIN MASA 15:3

Ka ngah bangin note kiangah ka hong gen masak thu in: Lai Siangtho sungah a kigelh mah bangin Khazih in eite mawhna taang ding sihna a thuak hi.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Hebru 5:8

Ta taktak ahi napi-in gimna tawlna a thuakna tawh thuman’na a sin hi.

Thu-hilhkikna 11:2

Tu ni-in ngaihsun un (a thei nai lo, a mu nai lo na tate uh tungah a gen hilo ka hih ciangin) Topa note’ Pasian’ hong thuhilhna, ama liatna, a vangliatna leh a thahatna,

Late 30:2

Topa ka Pasian aw, huhna ngenin na tung kong awng a, kei nong damsak khin hi.

Paunak 20:30

Nakpi tak-a satna in misia kimlai a pha hong suah a, nakpi tak-a vuakna in i sung tawng hoih lohna teng siangsak hi.

Isaiah 6:7

Amah in ka kam hong bi a, “En in, hih in na muk su-kha zo hi; na mawhna beita a, na khialhna kimaisak zo hi,” hong ci hi.

Isaiah 40:2

Dam takin Jerusalem hopih un. Ama gimna hun bei ta a, ama mawhna kimaisakin, ama khialhnate khempeuh hangin Topa in a zah nih in daantat khin zo hi, ci-in ama tungah gen un.

Isaiah 57:18

Amau’ mawh gamtatnate ka mu khin a, ahih hangin amaute ka damsak ding hi; amaute makaih-in hehnepna ka pia ding a, a dah a kapte muk panin phatna ka piangsak ding hi.

JOB (Job) 33:24

Vantungmi in amah a hehpihna hangin, ‘Amah suaktasak in! Misite' gamah amah pai sak kei in. Amah tatkhiat nading hih lai-ah om hi,’ a ci ding hi.