Isaiah 53:3 - Tedim Bible

³ Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Tedim Bible Revision 2017

³ Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Isaiah 53:3 Referans Kwoze

Mattiu 26:67

Tua lai takin amau in Zeisu’ maitang cil tawh phih uh a, khut tumin a tum uh hi. Kimkhat in khutpeek-in a beeng uh hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Marka 14:34

Amah in, “Si dek takin ka dah hi; hih san takah ngakin na om un,” ci-in thu a pia hi.

Isaiah 53:4

Amah in eite’ natna teng thuakin, eite’ gimna teng pua khin taktak hi; ahi zongin eite in amah pen, Pasian in a gimsak, a vuak, gimna a thuakpa-in i ngaihsun hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Luka 9:22

“Mihing Tapa in gimna tampi thuak ding a, upate, siampi liante leh laitheite in nial ding uh a, amah in thahna zong thuak ding a, ni thum khit ciangin a thokik ding hi,” a ci hi.

Luka 16:14

Dangka a deihgawh Farisaite in hih thu khempeuh a zak uh ciangin Zeisu a zahko uh hi.

Luka 8:53

Amah a si kei hi, a ihmu hi,” a cih ciangin, numeino a si cih amau thei uh ahih ciangin, Zeisu zahpihin a nuihsan uh hi.

Marka 15:19

Pumpeeng tawh ama lutang sat uh a, cil tawh phihin, a mai-ah khukdin’in a bia uh hi.

Marka 9:12

Zeisu in, “Elijah hong pai masa takpi ding a, na khempeuh a bawl kik ding hi. Mihing Tapa in zong gimna tampi leh nialna a thuak ding ci-in Lai Siangtho sungah kigelh zo hilo ahi hiam?

Johan 11:35

Zeisu a kap hi.

Johan 8:48

Judah mite in, “Nang Samaria mi na hi a, dawilawm nei na hi kong cihna uh man hilo ahi hiam?” a ci kik uh hi.

Mattiu 27:63

“Topa aw, tua mi khempa in, ‘Ni thum ni-in ka thokik ding hi,’ ci-in a nun’tak lai-in a cih tu-in ka phawk uh hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makaipa’ biang ciang tawh sat ding uh hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Luka 19:41

Zeisu in a naih ciangin khuapi mu-in kap a,

Late 69:29

Ahih hangin kei in gimna thuakin na ka sa hi; Pasian aw, na hotkhiatna in keimah a sangna munah hong koih ta hen!

Marka 10:33

Tua lai takin Zeisu in sawm-le-nihte sam kik a, “En un, eite Jerusalem khuapi ah i pai ding hi. Mihing Tapa in siampi liante leh laitheite’ khut tungah a kipia ding hi. Amaute in ama sih nadingin thu a khen khit uh ciangin, Gentailte’ khut tungah a pia ding uh hi.

Marka 10:34

Tua mite in zong amah zahkoin, cil tawh phihin, satin, a that ding uh hi. Ni thum khit ciangin a thokik ding hi,” ci-in ama tungah a tung ding thute a nungzuite kiangah a gen hi.

Isaiah 52:14

Mi tampite in amah lamdang sa uh hi— mihing a bang nawn lo zah dongin nakpi takin a mai sia a, mihing a sun nawn lo zah dongin a meel sia hi—

Late 88:4

Kei pen, a si dektak mi tawh ka kibang a, ka thahatna khempeuh bei khinta hi.