Isaiah 53:10 - Tedim Bible

¹⁰ Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Tedim Bible Revision 2017

¹⁰ Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu dinga, ama khan a sau ding hi. Topa’ deihna ama khut sungah pung ding hi.

Isaiah 53:10 Referans Kwoze

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Efesa 1:5

Tua Pasian in a it a Tapa hanga eite hong hehpihna vangliatna a phate phat dinginah

ROM (Romans) 6:9

sihna in a nung ciangin amah a uk loh nading i thei ahih ciangin, eite in Khazih tawh i sih khawm leh, amah tawh i nungta khawm ding hi, ci-in i um hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

ROM (Romans) 8:8

Ci leh sa sungah a omte in Pasian a lungdamsak zo kei uh hi.

Johan 12:24

Ke’n aman takpi kong cih-inah, buhhum khat in lei tungah kia-a a sih kei leh, amah bek a om ding hi. Ahih hangin a sih leh, tampi a gah thei ding hi.

Mattiu 3:17

“Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Hebru 7:27

Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

Hebru 2:13

Mun khat panin, “Pasian ka muang ding hi,” a ci hi. Khatvei leuleu: “Kei-a kipan Pasian hong piak tate a om uh hi,” ci-in a kigen hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Efesa 1:9

Pasian in a ngimsa bangin hih a, Khazih hanga a sepsawm a sehsa thuthuk eite hong thei sak hi.

Luka 1:33

amah in Jakob’ suante a tawntungin uk ding a, ama gam in a bei ngei kei ding hi,” a ci hi.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Zefaniah 3:17

Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Ezekiel 37:25

A pu a pate uh a ten’ nasa ahi ka nasempa Jakob tungah ka piak leitangah amaute teeng ding uh a, amaute bek hi loin a suan a khak dongun teeng suak ding uh hi. Ka nasempa David in amaute uk tawntung ding hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Jeremiah 32:41

Amaute’ tungah hoihna ka bawl manin ka lungdam ding a, ka lungsim khempeuh leh ka kha khempeuh tawh thuman takin hih gamah amaute ka phut ding hi.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Late 147:11

Topa in amah a zahtak mite leh ama itna kip a muangte tungah lungkim hi.

Late 89:29

Ama suan-le-khakte, kumpi ka hisak ngitnget ding a, a kumpigam, vantung bangin ka kipsak ding hi.

Late 72:17

Ama min kip tawntung hen la, ni a om lai teng a minthan’na kip suak hen! Ama hangin mite in thupha ngah hen la, minam khempeuh in amah pen thupha ngahpa, ci ta uh hen!

Late 22:30

Suan-le-khakte in ama na sem ding uh hi; mite in hong piang ding mihonte tungah Topa’ thu gen ding uh a,

2 THESALONIKA NIHNA 1:11

Tua ahih ciangin i Pasian leh Topa Zeisu Khazih’ hehpihna thupha tawh kizui-in tua i Topa Zeisu’ min in note hangin vangliatna a ngah nading ahi zongin, note in zong tua Topa hangin vangliatna na ngah nading uh ahi zongin note in hong sapna thupha a ngah ding a kilawm mi ci-in eite Pasian in hong ciamtehin,

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Late 89:36

Ama suan-le-khakte kizom paisuak ding a, van-a ni a taan’lai teng, a kumpigam ka kip sak ding hi.

Late 72:7

Ama hun sungin thumanna pung hen la, khapi a bei mateng nopna om ta hen!

Late 69:26

Bang hang hiam cih leh nangmah in na satgawp mi amaute in bawlsia uh a, nangmah in na liamsaksa mi amaute in gimsak sawnsawn uh hi.

Late 21:4

Nangma tung panin amah in nuntakna hong ngen a, ama tungah sau veipi nuntakna na pia hi.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Isaiah 54:3

Bang hang hiam cih leh taklam leh veilamah nangmah kizeelin, na suan leh khakte in minamte luah ding uh a, a kinusia khuapite mi tawh dim sak ding uh hi.

Isaiah 61:9

Amau suan leh khakte pen minamte lakah kithei ding a, amau tu-le-tate pen mite laizang ah kithei ding hi; amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Isaiah 66:22

Ka bawl ding vantung thak leh leitung thak pen ahih leh keima mai-ah kip ding hi; tua mah bangin na suan na khakte uh leh na min uh kip ding hi, Topa in ci hi.

Gamlak-vakna 7:15

meihal biak nadingin bawngtalno khat, tuutal khat, kum khat a pha tuuno a pa khat;

Late 22:31

a suak nai lo mite tungah ama sepsa, hotkhiatna gen ding uh hi.

Isaiah 49:4

Ahih hangin keimah in, “Na ka sem a, ahi zongin a kiman’na om lo hi; Ka thatang khempeuh ka beisak a, ahi zongin bangmah ka tangtun kei hi. Ahi zongin ka ngah ding na, Topa’ khut sungah om a, ka sepna thaman Pasian kiangah om hi.

Johan 13:32

Ama sungah Pasian a kiminthan’sak leh, Pasian in Tapa a minthangsak ding a, thakhatin a min a thangsak ding hi.