Isaiah 51:9 - Tedim Bible

⁹ Khanglo in, Khanglo in, thakhauh in, Topa’ khut aw; khang sawtpi, hun lui lai-a bangin na vangliatna zangin hong huh in. Rahab a satzan gawppa, gulpi a sunpa nangmah hilo na hi hiam?

Tedim Bible Revision 2017

⁹ Khanglo in, khanglo in; thakhauh in, Topa aw. Khang sawtpi, hun lui lai-a bangin na vangliatna zangin hong huh in. Rahab a satzan gawp pa, gulpi a sun pa, nangmah hi lo na hi hiam?

Isaiah 51:9 Referans Kwoze

Isaiah 52:1

Zion aw, khanglo in, khanglo in la, na tha khauhsak in; khuapi siangtho Jerusalem aw, na puan hoihte silh in; bang hang hiam cih leh vun ki-at lo mite leh a nin mite nang sungah hong pai nawn lo ding hi.

Isaiah 27:1

Tua ni ciangin Topa in, a sak, a lian, a to namsau tawh a taikhia gulpi ahi tuipi ganhing, a kikual vial gulpi ahi tuipi ganhing daantat ding a, amah in tuipi sunga om tua gulpi that ding hi.

Late 89:10

Nangmah in a kithatsa luanghawm khat bangin ganhing golpi Rahab na sugawp a, na thahatna tawh na galte na zogawp hi.

Isaiah 30:7

Bang hang hiam cih leh Izipt’ huhna bangmah man loin a hawmpi hi a, tua ahih manin, “Tang lo a, a tu hithiat Rahab” ci-in min ka phuah hi.

Ezekiel 29:3

Topa Pasian in hih bangin gen hi, ci-in Izipt kumpipa Faro kiangah gen in: Gun sungah a om, awle lianpi ahi, nang Izipt kumpipa aw, keimah in nangma lang ka hi hi. Nail Gunpi, nangma aa in na gen a, nangma bawlsa-in na ngaihsun hi.

Isaiah 51:17

Topa’ khut sung panin ama hehna hai a dawn khin, hoina haipi a tawdat dongin a dawn khin Jerusalem aw, nangmah khanglo in nangmah khanglo in la, dingto in.

Late 44:1

Pasian aw, ka pu ka pate uh hun lai-a na hihna sate, amaute in kote tungah hong gen uh a, kote in ka bil uh tawh ka za khin uh hi.

JOB (Job) 26:12

Ama thahatna tawh tuipi zo a, ama siamna tawh tuipi ganhing golpi Rahab thatlum hi.

Late 7:6

Tho in, Topa, hehsa-in thasaan in la, ka galte’ hehna hong dal in; khanglo in, ka Pasian aw, thukhen nading khat na seh khin zo hi.

Habakkuk 3:13

Na mihingte a honkhia dingin na paikhia a, na teel kumpipa, a honkhia dingin na kuankhia hi. Mi gilote a makaipa na sugawp a, a nungzui khempeuh tawh zong na sumai hi.

Isaiah 62:8

Topa in lim takin thuciamna bawl khin zo a, a vangliatna tawh tungsak ding hi: “Na galte’ an dingin na ante ka piakik nawn kei ding a, nangma sepsa leenggahzu gamdang mite in dawn nawn lo ding hi;

Late 93:1

Topa maang hi; liatna tawh kumpipuan kisilhsak hi; Topa, kumpipuan kisilhsak a, thahatna tawh kidim hi. Hi hi, leitung kikip sak a, kiling ngei lo ding hi;

Late 87:4

Kei hong theite lakah Izipt leh Babilon ka hel hi; Filistia, Tai-ar leh Ethiopia-te zong—“Hihte pen hua lai mah pan-a piang ahi hi,” amaute in ci ding uh hi.

Late 44:23

Topa aw, bang hangin ihmu na hi hiam? Nangmah hong thotawm in! Khanglo in! Kote hong nilkhia suak kei in!

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Mangmuhna 11:17

“Tu lai takin a om, a om ngeizo, Vanglianpen Topa Pasian aw, nang in a lian bel vangliatna la-in na uk ciangin na hehpihna ka phat uh hi.

Luka 1:51

Ama ban tawh vangliatna a lak zo hi. Amau ngaihsutna lungsim uh a kiphasakte kikhenthang sak zo hi.

Habakkuk 2:19

Sing a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun, gimna na ngah ding uh hi. Hih bang milim in na hong hilh thei ding ahi hiam? Ngun leh kham tawh a kizut hangin, a sungah nuntakna om lo hi.

Isaiah 53:1

Tua ciangin mite in, “I zaksa thu kua in um thei ding ahi hiam? Hih bang thu-ah Topa’ vangliatna khut kua in bang ci muh theih ding ahi hiam?

Isaiah 51:5

Manlangin hong pai-in amaute ka honkhia ding hi. Ka gualzawh ding hun hong naita hi. Keimah in minamte ka uk ding hi. Tuipi gei-a gamte in kei hong muang uh a, amaute in keima hotkhiat ding hong ngak uh hi.

Late 78:65

Tua ciangin, Topa pen, zu kham-a awng mi thahatpa, a ihmu tho bangin khanglo hi.

Late 21:13

Topa aw, na hatna hangin nang hong kipahtawi ta hen! Nangma vangliatna la sa-in kong phat ding uh hi.

Thukhente 6:13

Gideon in ama kiangah, “Kong thuum hi, sia aw, Topa in kote tawh hong om ahih leh, bang hangin hih nate khempeuh ko tungah hong tung ahi hiam? Ka pate un kote tungah hong genin ‘Topa in Izipt panin eite hong paipih to hilo ahi hiam?’ a cih uh a lamdang ama sepnate khempeuh koi-ah om ahi hiam? Ahih hangin tu-in Topa in kote hong paaikhia-in, Midiante’ khut sungah hong pia khin hi,” a ci hi.

Thu-hilhkikna 4:34

Tua ahih kei leh, Topa na Pasian un Izipt gam sungah note adingin na muhna uhah a bawlte khempeuh tawh kibangin, ze-etna, lim, nalamgdang, gal, a vanglian leh a thahatna leh launa lianpi tawh pasian khat sung pan minam khat a va lak ding hanciam ngam ngei ahi hiam?

Johan 12:38

Bang hang hiam i cih leh, Pasian’ kamsangpa Isaiah hilhna thu a tun’ nading hi. Tua thu in: “Topa aw, ka genna thu uh kua in hong um ahi hiam? Pasian’ khut kua kiangah kilang ahi hiam?” a ci hi.

Late 59:4

kei’ khialhna hang hi lopi-in, amaute tai-in va kithawi uh hi. Nangmah in hong phawk tawm in, keimah huh dingin hong pai in la, en in!

Paikhiatna 6:6

Tua ahih ciangin Israel mite' tungah, ‘Keimah in Topa ka hi hi, Izipt mite’ na nasepna uh panin note kong paikhiatpih ding hi, amau’ sal hih na panin note kong khahkhia ding hi, a kizan khut leh thukhenna nasep lian tawh note kong tanh ding hi,

JOB (Job) 9:13

“Pasian in ama hehna dokkik het lo mah ding hi; Rahab’ pawlte a khe nuai-ah kun uh hi.

Late 77:5

Hunluite ka ngaihsun a, sawt pek lai-a kumte ka phawk hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Zekhariah 10:11

Amaute in, lungkhamna tuipi a phutkhak uh ciangin, keimah in tuipi hualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Izipt in a vangliatna taan ding hi.

Late 44:2

Na khut tawh minam dangte na hawlkhia a, ahih hangin amaute na phut hi; midangte na sugawp a, ahih hangin amaute na suakta sak hi;

Late 44:24

Bang hangin na maitang seel na hi hiam? Bang hangin ka thuakna uh leh hong kisukcipna mangngilh na hi hiam?

Late 89:11

Vantungte nangma’ aa hi a, leitung zong nangma’ aa ahi hi; leitung leh a sunga omte khempeuh nangma phuhsa ahi hi.

Micah 7:15

Izipt gam pan na paikhiat hun lai uh mah bangin, amau’ adingin a lamdang nate ka bawl ding hi.

Sawltak 7:7

Amaute sila-a a koihte tungah thu ka khen ding hi. A nung ciangin amaute paikhia-in hih gam sungah kei hong bia ding uh hi,’ ci-in thu a piakhol hi.