Isaiah 51:10 - Tedim Bible

¹⁰ Tuipi, tui thukpite a keusak; a kitankhia mite’ kantan dingin tuipi thukte lampi-in a bawlpa nangmah hilo na hi hiam?

Tedim Bible Revision 2017

¹⁰ Tuipi, tui thukpite a keusak, a kihon khia miteʼ kantan dingin tui thukpite lampi-in a bawlpa nangmah hi lo na hi hiam?

Isaiah 51:10 Referans Kwoze

Isaiah 43:16

Tuipi sungah lampi bawlin, tui lianpi sungah pai nading sul bawl a, leeng leh sakolte, kaikhia in, galkapte leh galhangte a paikhiatpih; amaute a tho thei nawn lo dingin a lum sak, amaute pen meivak khau kisumit bangin a mitsak Topa in hih bangin ci hi:

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Paikhiatna 15:13

“Nangmah in na ciamsa zui-in na tatkhiatsa mite na paipih hi, nangmah in na hatna tawh a siangtho na omna-ah amaute lam na lak hi.

Isaiah 42:15

Mual liante leh mual neute ka susia ding a, a po kungte khempeuh ka keusak ding hi; gunte pen tuikulh ka suaksak ding a, bualtuite ka kangsak ding hi.

Late 74:13

Nangma vangliatna tawh tuipi na khenkham a, tuite tunga gulpite’ lutangte na sukham hi.

Late 77:19

Nangma lamlian in tuipi tung hi a, nangma lamneu in tui liante tung ahi hi; ahi zongin na khekhapte kimu lo hi.

Late 106:9

Amah in San Tuipi thuhilh a, tua tuipi kang hi; amah in gamlak kantan bangin tuithuk kantanin amaute paipih hi.

Late 106:10

Tua ahih ciangin amah in, galte khut sung panin amaute hon a, a langpangte’ vangliatna panin amaute khahkhia hi.

Isaiah 11:15

Topa in ama huihsa nungsakin Nail gunpi leh Eufrates gunpi tuite tungah a khut zanin kangsak ding a, mi khempeuh in nuam takin khedap tawh a kantan zawh ding luineu sagih bek siit lai ding hi.

Isaiah 11:16

Izipt gam panin Israel mite hong paitoh ciangin amau’ ading lam lianpi khat a om mah bangin, ama mi a om laite’ adingin zong Assiria gam panin lam lianpi khat om ding hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Isaiah 35:9

Tua lai-ah humpinelkai om lo ding a, sasialne ganhing khat peuhpeuh hong pai lo ding hi; tua lai-ah ganhing lauhuaite kimu lo ding hi. Topa’ tatkhiatsa mite in tua lampi tawnin hong ciah ding uh hi.

Isaiah 62:12

Amaute pen A siangtho mi, Topa’ tatkhiat mite kici ding a, nang pen a Kizongkhia, a kinusia lo khuapi hong kici ding hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Zekhariah 10:11

Amaute in, lungkhamna tuipi a phutkhak uh ciangin, keimah in tuipi hualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Izipt in a vangliatna taan ding hi.

Paikhiatna 14:29

Ahih hangin tuipi kantanin leikeu tungah Israel mite pai uh a, amau' taklam leh veilam-ah kawm bangin tuite om hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Micah 7:15

Izipt gam pan na paikhiat hun lai uh mah bangin, amau’ adingin a lamdang nate ka bawl ding hi.