Isaiah 50:8 - Tedim Bible

⁸ ka thumanna a langsakpa Pasian a nai-ah hong om hi; kei langah kua’n hong mawhsak ding ahi hiam? Thukhen zumah kimaisak nung, Thukhen zumah kua’n hong khia nuam ahi hiam? Hong langpang dingin hong kuan ta hen.

Tedim Bible Revision 2017

⁸ Ka thumanna a langsak Pasian a nai ah hong om hi. Keima lang khat ah kua hong pang zo ding ahi hiam? Thukhen zumah kikhia nuʼng. Thukhen zumah kua in hong khia nuam ahi hiam? Kei hong langpang dingin hong kuan tahen.

Isaiah 50:8 Referans Kwoze

Mangmuhna 12:10

Vantung pan nakpi aw khat in: “Tu-in eite Pasian’ gupna-a kipan vangliatna, gam leh ama Khazih’ ukna aana a hong tung zo hi. Bang hang hiam i cih leh, i ute i naute, i Pasian mai-ah sun tawh zan tawh a mawhsak mi in khiatsukna a thuak zo hi.

Isaiah 41:1

Tuikulh gamte aw, gamdai takin ka thu ngai un; na mite a tha uh dimsak un la, amaute a mai-ah hong paisak un. Amaute thugen theihna ding hun ngah ding uh hi. Thukhen zumah kei tawh kisi nung.

Isaiah 43:26

Kei hong phawksak in la, thu kikum khawm ni; na dikna a kilat nadingin na thu hong sung khia in.

Isaiah 41:21

Na thu uh sung un, Topa in ci hi; na lahtel nopna teng uh gen un, Jakob’ Kumpipa in ci hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Mattiu 5:25

Na kitotpihpa tawh lam na tonkhawm lai takin na kilem mengmeng in. Tua ahih kei leh, amah in thukhen mangpa kiangah hong khia ding hi. Thukhen mangpa in palikte kiangah hong pia ding a, palikte in thong sungah hong khum ding hi.

Thu-hilhkikna 19:17

thu neite a lang nih tuakin, tua hun lai taka siampite leh thukhente mai, Topa mai-ah pai ding uh hi;

Paikhiatna 22:9

“Thu neihna khat peuhpeuh, bawngtal ahi a, la ahi a, tuu ahi a, puansilh ahi zongin, a mang na khat peuhpeuh, mi khat in, ‘Hih pen kei aa hi,’ a cihna thu-ah, a lang nihte’ thu pen thukhente’ mai-ah tung ding hi; thukhente in a mawhsak mipa in a vengpa' tungah a zah nih pia ding hi.

JOB (Job) 13:19

Pasian aw, kei hong mawhsak ding na hi hiam? Nong mawhsak leh, pau loin a si dingin ka kiging hi.

Late 119:151

Ahih hangin Topa aw, kei kiangah nang nong nai a, nangma thupiaknate khempeuh ahi taktak ahi hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Isaiah 45:25

Israel suan leh khakte khempeuh in Topa’ hangin midik tangin a kisial ding uh hi.”

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”