Isaiah 50:2 - Tedim Bible

² Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Tedim Bible Revision 2017

² “Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khah khiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Isaiah 50:2 Referans Kwoze

Isaiah 59:1

En un, a honkhia zo lo dingin Topa a ban tom lo a, khua a za thei lo dingin a bil ngong lo hi;

Gamlak-vakna 11:23

Topa in Moses kiangah, “Topa’ hih theih ding zah kiciangtan sa na hi hiam? Ka thugen a manin hong tun’ leh hong tun’ loh tu-in na mu ding hi,” a ci hi.

Isaiah 66:4

Tua ahih ciangin amaute tungah gimna ka tungsak ding a, amau’ kihtak thute mah amau tungah ka tungsak ding hi. Bang hang hiam cih leh ka sap ciangin kuamah in hong dawng lo a, thu ka gen ciangin kuamah in hong ngai lo uh hi; keima thu man’ loh ding mah ut zaw uh a, a sia-in gamta uh hi, a ci hi.

Joshua 3:16

a sak lam panin hong luangsuk tuite khawlin khangto a, a gamlapi, Zerethan gei-a khuapi Adam-ah a lomin kikhol a, Ci Tuipi a kici Arabah tuipi-ah a luang sukte kikhen tat siang hi; tua ciangin Jerikho galah mite galkah uh hi.

Piancilna 18:14

Na khatpeuh peuh Topa’ adingin haksa lua ahi hiam? A kisehsa kumkik ciangin nang' kiangah kong pai kik ding a, Sarah in tapa khat nei ding hi,” ci hi.

Hosea 11:7

Ka mite in kei kiang panin pial ding ngaihsun tawntung ahih manin amaute in kol bulhna thuak ding uh a, kuamah in a kol sutsak lo ding hi.

Paunak 1:24

Keimah in note hong sam napi-in nong ngai nuam kei uh a, ka khut hong vaan napi-in kuamah in nong thudon kei uh a,

Johan 1:11

Amah in ama mite kiangah hong pai-in, ama mite in amah a sang kei uh hi.

Nahum 1:4

Amah in tuipi a taii ciangin tuipi kangcip pah a, gunpite zong kangcip sak hi. Bashan gam keu gawpin, Karmel Mual kausan a, Lebanon Mual-a pakpalhte vul hi.

Hosea 11:2

Ahi zongin tapa bangin limbawl semsem leng, kei kiang panin gamla pai semsem hi. Ka mite in Baal tungah biakna pia uh a, milim biakna-in paknamtui hal uh hi.

Daniel 3:29

Tu-in minam kimte, minam tuamtuamte, paunam tuamtuamte mi khat peuhpeuh in Shadrak,’ Meshak,’ Abednego-te’ Pasian gensiatna kam pau a om leh kibalnen gawp ding a, a inn uh a kisuksiat sak ding hi ci-in thukhamna ka bawl hi. Bang hang hiam cih leh hi banga hon thei pasian dang peuhmah om lo hi,” a ci hi.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Isaiah 65:12

namsau tawh a si dingin kong seh ding a, hong that dingte’ mai-ah na ngawng uh na dawh ding uh hi; bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu, man’ loh ding mah na utzaw uh a, a sia na gamta uh hi.

Isaiah 59:16

Amah in kuamah mu lo-a, nenniamna a thuak mite a huh ding mi khat beek a om lohna mu hi. Tua ahih ciangin amaute a honkhia ding, leh a dikna a kip nadingin ama khut a zang ding hi.

Isaiah 43:16

Tuipi sungah lampi bawlin, tui lianpi sungah pai nading sul bawl a, leeng leh sakolte, kaikhia in, galkapte leh galhangte a paikhiatpih; amaute a tho thei nawn lo dingin a lum sak, amaute pen meivak khau kisumit bangin a mitsak Topa in hih bangin ci hi:

Isaiah 42:15

Mual liante leh mual neute ka susia ding a, a po kungte khempeuh ka keusak ding hi; gunte pen tuikulh ka suaksak ding a, bualtuite ka kangsak ding hi.

Paikhiatna 14:21

Tua ciangin Moses in tuipi tungah a khut zan hi; Topa in zan tawntung nisuahna huihpi hat tawh tuipi leh luan’sakin, tuipi pen leikeu-in bawl a, tuite kikhen hi.

Paikhiatna 7:21

Nail gun sunga ngasate si hi; Nail gun uih a, Izipt mite in Nail gun panin tui dawn thei lo uh hi; Izipt gamsung khempeuhah sisan om hi.

Paikhiatna 7:18

Nail gun sunga ngasa si-in, Nail gun uih ding a, Izipt mite in Nail gun panin tui dawn ding kih ding uh hi,’ ci hi, ci-in gen in,” ci hi.

Johan 3:19

Thukhenna thu in leitungah khuavakin hong tunga; mite in khuavak sangin khuamial a deihzaw uh hi. Bang hang hiam i cih leh, amaute’ gamtatna man lo ahih hang hi.

Marka 4:39

Zeisu thoin huihpi taai a, “Dai in,” ci-in thu a piak ciangin huihnung tawpa a dai pah hi.

Daniel 6:20

Humpinelkai koihna khuk a tun’ dektak lai takin aw liing kawmin, “Daniel, a nungta Pasian nasempa! Thuman taka na biak tawntung na Pasian in humpinelkai’ kam sung panin a hong honkhia thei hiam?” ci-in a kiko hi.

Jeremiah 5:1

Jerusalem khua sungah kileh kawikawi un. Khuadak un la, en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khua a mawhna ka maisak ding hi.

Isaiah 63:13

Topa in tui thuk kantanin amaute a paipih ciangin leilak a, sakol pai bangin kip mahmah uh a, amaute puk lo uh hi.

Isaiah 51:10

Tuipi, tui thukpite a keusak; a kitankhia mite’ kantan dingin tuipi thukte lampi-in a bawlpa nangmah hilo na hi hiam?

Isaiah 41:28

Ahih hangin tua mun ka et ciangin kuamah om lo hi; thu ka dot ciangin hong dawng ding om lo a, thu lamlak amaute lakah om lo hi.

Isaiah 36:20

Topa in ka khut sung panin Jerusalem khua a hotkhiat nadingin, hih gamte khempeuh’ pasiante’ lakah kua in ka khut sung panin a gam uh honkhia zo ahi hiam?’ ci hi,” ci-in a gen hi.

Isaiah 19:5

Nail gun tuite keu ding a, gun pen kangcip-in keu ding hi;

Late 107:33

Amah in, a tung a teeng mihingte’ gitlohna hangin, gunte sehnel gam suak sakin, ciktuite leikeu suak sak a, an tampi a pian’na leitang pen ci lei suak sak hi.

2 KHANG TANGTHU NIHNATE 32:15

Tua ahih ciangin tu-in note, Hezekiah’ khemsa-in ta kei un la, hih bangin kimakai khial sak kei un, amah um kei un; bang hang hiam cih leh minam khatpeuh, kumpigam khatpeuh’ pasian in keima khut ahi a, ka pu ka pate’ khut pan ahi zongin a mite honkhia zo ngei nai lo hi. Keima khut sung pan na Pasian un note hong honkhia zo lo zawkan ding hi,’ ci un,” ci sak hi.

Paikhiatna 14:29

Ahih hangin tuipi kantanin leikeu tungah Israel mite pai uh a, amau' taklam leh veilam-ah kawm bangin tuite om hi.

Jeremiah 8:6

Amau’ thu gente ka ngaihsak a, kuamah in thuman gen lo uh hi. A gitlohna uh kuamah kisik lo a, ‘Bang hih ka hi hiam?’ ci lel uh hi. Sakol galsim ding a tai bangin amau’ tum ciat-in a pai uh hi.

Late 106:9

Amah in San Tuipi thuhilh a, tua tuipi kang hi; amah in gamlak kantan bangin tuithuk kantanin amaute paipih hi.

Daniel 6:27

Amah in gumkhiapa leh tankhiapa hi a, vantung leh leitungah, lim leh nalamdangte a bawl hi. Humpinelkaite’ thahatna panin, Daniel a suakta sak hi,” a ci hi.

Jeremiah 7:13

Tu-in zong, hih nate khempeuh na hih uh a, kong gengen hangin hong ngai tuan loin kong sap hangin hong dawng lo na hih manun, Topa in kong cih-inah,

Isaiah 11:15

Topa in ama huihsa nungsakin Nail gunpi leh Eufrates gunpi tuite tungah a khut zanin kangsak ding a, mi khempeuh in nuam takin khedap tawh a kantan zawh ding luineu sagih bek siit lai ding hi.

Isaiah 23:11

Topa in tuipi tungah a khut zan a, kumpi gamte kiliingsak gawp hi; Sum bawlna phualpite a kisuksiat nading Topa in thupia zo hi.

Isaiah 44:27

tui thukpi kiangah, ‘Keu in, na gunte ka keusak ding hi’;

Isaiah 54:6

Khangno lai-a zi neih a kima, kinusia-a a dah zi bangin Topa in nang hong samkik hi, na Pasian in ci hi.

Jeremiah 7:27

“Tua ahih manin Jeremiah aw, hih thute amau kiangah na va gen ding hi; ahih hangin amau in a hong ngai kei ding uh hi. Amaute na sap hangin a hong dawng kei ding uh hi.

Jeremiah 14:9

Bang hangin mi lungkia gawp bangin omin, a honkhia thei lo galkappa bangin om na hi hiam? Ahih hangin Topa aw, kote’ laizangah nangmah na om-a, nangma’ min-in kote hong kisam hi; hong nusia kei ta in,’ hong ci uh hi.”

Jeremiah 35:14

Rekhab’ tapa Jonadab in a tate’ tunga leenggahzu a dawn loh nading uh a thupiakna a zui uh a, tuni ciang dong bangmah a dawn kei uh hi. Bang hang hiam cih leh amaute in a pa uh’ thupiakna a mang uh hi. Keimah in note kong hopih tawntung hangin ka thu nong mang kei uh hi.

Habakkuk 3:8

Topa aw, na sakolte tungah nang hong tuangin, na gualzawhna leengte tawh nong pai nadingin, gunpite tungah na hehsuak a, tuipi tungah na thangpai ahi hiam?

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.