Isaiah 50:1 - Tedim Bible

¹ Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Tedim Bible Revision 2017

¹ Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.

Isaiah 50:1 Referans Kwoze

Thu-hilhkikna 32:30

Amau a Honkhiapa in amaute zuakin, Topa in amaute a piak khiat kei buang leh bangci-in mi khat in mi tulkhat delh mangin, mi nih in mi tulsawm do zo ding ahi hiam?

Jeremiah 3:8

A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Mattiu 18:25

Tua pa in a leiba loh nading nei lo ahih ciangin, ‘Amah a kipan, a zite, a tate, a sum khempeuh zuakin a leiba hong loh ta hen,’ a topa in a ci hi.

Nehemiah 5:5

Amaute in, “Kote in ka behte uh mah bangin si-le-sa kibang hi-in, ka naupangte uh zong amau’ naupangte mah bangin a hoih hi napi-in, ka tanute uh leh ka tapate uh sal suak dingin ka phum uh hi. Ka tanute uh pawlkhat zong sal suak khin a, ka lote uh leh ka leenggui lote uh midangte’ aa suak khin ahih manin amaute tat nadingin ka hih zawh uh bangmah om lo hi,” hong ci uh hi.

2 KUMPI NIHNATE 4:1

Tu-in kamsang honte sung pan khat’ zi Elisha tungah kiko-in “Na nasem ka pasal si hi; na nasempa in Topa a zahtakna na thei hi, ahih hangin ka tate nih sila dingin a la dingin a leibatna-pa hong pai hi,” a ci hi.

Isaiah 52:3

Bang hang hiam cih leh Topa in: “Man nei loin note hong kizuak a, sum pia loin note hong kitankhia ding hi.

Jeremiah 4:18

Na lungsim leh na gamtatnate hangin hih thu nang’ tungah hong tung hi. Hih in nangma’ gitlohna hang hi a, kha-in na lungtang hong vut hi.”

Jeremiah 3:1

“Mi khat in a zi ma hen la, tua nu in zong amah nusia-in, pasal dang khat’ zi suak leh, a pasal masa in tua nu la kik thei ding ahi hiam? Tua gam teng a nin suaksak khin ding hilo ahi hiam? Nang in numei paktat suak-in mi tampi tawh kingai khin zo napi cin tu’n kei’ kiang hong zuankik ding na hi hiam? Topa in kong ci hi.

Late 44:12

Na mite a man tawmno khatin na zuak a, a man ding na sang nget kei hi.

2 KUMPI NIHNATE 17:17

Amaute in biakna-in a tanute uh leh a tapate uh halin vankahna leh aisanna zang uh a, Topa muhna ah a sia gamta dingin amau kizuak tawmin amah hehsak uh hi.

Esther 7:4

Bang hang hiam cih leh kei leh ka mite suksiat ding, thah ding, beisak mang dingin hong kizuak hi. Kote, numei pasal a kibangin sal dingin hong kizuak hi leh bangmah ka pau kei ding hi; tua bang lel tawh kumpipa nawngkaisak taak lo hi,” a ci hi.

1 KUMPI MASATE 21:25

Ama zi Jezebel in a hanthot Ahab bangin Topa’ muhna ah a sia gamta dingin amahmah a kipia tawm mi kuamah om lo hi.

Paikhiatna 21:7

“Mi khat in a tanu sila-in a zuak ciangin, tua nu in pasal-silate bangin paikhia lo ding hi.

Siampi Laibu 25:39

“Na gei-a na sanggampa zawngin, nangma tungah amahmah hong kizuak leh, sila bangin na na sem sak kei ding hi:

Isaiah 1:28

Ahih hangin a lehdo mite leh a khial mite pen kisusia khawmin Topa a nusiate pen kibeimangsak ding hi.

Isaiah 27:8

A kithukkim dingin amah in amaute sal suahsakna tawh daan pia hi; nisuahna huihpi a nun’ ni-in amah in a kihtak huai a ging pha tawh amaute khinkhia hi.

Isaiah 43:27

Na pu na pa masate khial a, na makaite uh zong kei tungah hong khial hi.

Isaiah 46:8

“Thu a palsat mite aw, hih thu phawkin ngaihsun un la, lungngai pha un.

Isaiah 54:6

Khangno lai-a zi neih a kima, kinusia-a a dah zi bangin Topa in nang hong samkik hi, na Pasian in ci hi.

Isaiah 54:7

Tomno sung nang kong nusia pak a, ahih hangin hehpihna lianpi tawh nang kong lakik ding hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

Hosea 4:5

Na nasepnate uh a sun a zan cih om loin, a kiman’na mel om lo hi; kamsangte zong note bangmah hi lel hi. Na nu uh Israel ka susia ding hi.