Isaiah 5:9 - Tedim Bible

⁹ Vanglianpen Topa in ka zakna-ah hih bangin kiciam hi: “Aman takin, inn tampi tak hawmsuak ding a, a lian a hoih innte ah a teeng om lo ding hi.

Tedim Bible Revision 2017

⁹ Vanglian Topa in ka zakna ah hih bangin kiciam a, “A mantakin inn tampi tak hawmsuak dinga, a lian a hoih innte ah a teeng om lo ding hi.

Isaiah 5:9 Referans Kwoze

Mattiu 23:38

En un, na inn uh mi omlo gam simthamin kinusia ding hi.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Amos 3:7

Topa Pasian in ama nasem kamsangte tungah, ama geelna theisak lopi-in bangmah hih het lo hi.

Isaiah 22:14

Vanglianpen Topa in kazakna ah thu hong gen a, “Na sih matengun hih mawhna hong kimaisak lo taktak ding hi,” Vanglianpen Topa Pasian in hong ci hi.

Mattiu 22:7

Kumpipa in a zak ciangin, heh mahmah a, a galkapte kuan sakin tua mi thatte khempeuh thatin a khua uh mei-in a halsak hi.

Amos 6:11

Topa in thu a piak ciangin, inn liante kisatzanin, inn neute kisatnen ding hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, mite’ teen’na mun pen kitaisan-in kinusia hi; tua lai-ah bawngno gamta-in, lum a, a hiangte kheuh hi.

Isaiah 5:6

Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

2 KHANG TANGTHU NIHNATE 36:21

Tua sungin Israel leitang in a sabbathte a kicingin na tang hi. Kamsang Jeremiah tung tawnin Topa’ thugen a tun’ nadingin kum sawmsagih a cin’ nadingin leitang a kinusiat sung khempeuh leitang in sabbath tawlngakna a tang ahi hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

JOB (Job) 15:28

ama teen’na khuapi sia-in, ama inn kisusia ding a, a sawt loin nin bulomtang suak ding hi.

JOB (Job) 20:21

Amah in a nek ciangin a khamval om nawn lo a, tu-in a hauhna teng bei ta hi.

Paunak 15:27

A man lo-a sum ngahna in innsung lungkham sak a, sumgolh a deih lote a nuntak sauvei nuam hi.