Isaiah 5:8 - Tedim Bible

⁸ Leitang tungah amau guak a teeng zah dongin midang’ adingin mun khempeuh a bei matengin inn khat leh khat, lo khat leh khat, gawmin a la thuah tawntung mite in gimna ngah ta hen.

Tedim Bible Revision 2017

⁸ Leitang tungah amau guak a teeng ding dong zahin midangte adingin mun khempeuh a bei matengin inn khatlekhat, lo khatlekhat gawmin a la thuah tawntung mite in gimna ngah tahen.

Isaiah 5:8 Referans Kwoze

Micah 2:2

Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Ezekiel 33:24

“Ezekiel aw, Israel gam khuapi siate sunga teeng mite in, ‘Abraham, mi khat bek hi napi-in gambup kipia hi. Tu-in eite in tampi i hih ciangin hih gamin eima aa hi taktak hi,’ ci uh hi.

Ezekiel 11:15

“Ezekiel aw, Jerusalem khua sunga teeng mite in nang leh sal-a om na Israel mipihte’ thu gen uh a, ‘Sal-a om mite pen Topa tawh kigamla om lua khin ta uh hi. Amah in eima luah dingin hih gam hong pia khin ta hi,’ ci uh hi.

JOB (Job) 15:28

ama teen’na khuapi sia-in, ama inn kisusia ding a, a sawt loin nin bulomtang suak ding hi.

Amos 1:13

Topa in hih bangin ci hi: Ammon mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, huaihamin gam a deih thuah manun, Gileah gamsung simgawp uh hi.

JOB (Job) 20:21

Amah in a nek ciangin a khamval om nawn lo a, tu-in a hauhna teng bei ta hi.

Paunak 15:27

A man lo-a sum ngahna in innsung lungkham sak a, sumgolh a deih lote a nuntak sauvei nuam hi.

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

Habakkuk 2:6

A zawhna gam mite in amau a zo mite simmawh bawlin, “No aa a hilopi kim lai no’ aa dingin na la uh hi; ahi zongin tu-in gimna na thuak ding uh hi. Note tungah lei hong bate khem bawlin bang tan vei na hauhna uh behlap nuam lai na hi uh hiam?” ci ding uh hi.