Isaiah 5:7 - Tedim Bible

⁷ Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Tedim Bible Revision 2017

⁷ Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Isaiah 5:7 Referans Kwoze

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

Mattiu 23:23

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, leengmasel, anis leh, kummin, sehsawm suah sehkhat na piak uh hangin, thuman thukhenna, midangte hehpihna, gamtatna phate ahi Thukham sungah a lianpen thute na tang kei uh hi. Adangte sangin, hihte na tan’ ding uh a kilawm zaw hi.

Zefaniah 3:17

Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Jeremiah 12:10

Tuucing dang tampi in ka lenggah lo hong suksiat sak uh a, kei aa teng hong tuatcilsak uh hi. A hoih mahmah ka lenggah lo pawn lak, gamlak suaksak uh hi.

Isaiah 62:5

Bang hang hiam cih leh tangval khat in nungak khat a ten’pih mah bangin nang hong lamkippa in nang hong tenpih ding a, zipipa mothak nu tungah a lungdam mah bangin na Pasian nang tungah lungdam ding hi.

Isaiah 5:2

Amah in lei to-in suangte paikhia a, leenggui hoihte a suan hi; amah in a laizangah tausang khat lam a, tua sungah leenggah sukna khuk khat a to hi; amah in leenggah hoih hong gah ding lamen a, ahih hangin gam leenggah hong gah mawk hi.

Isaiah 3:17

Topa in Jerusalem numeite lutang meima sakin, Topa in amau’ lutang kolhsak ding hi.

Isaiah 3:14

Topa in, upate leh ama mite’ uliante tawh thukhen dingin kipan a; “Leenggui lo a ne tumte pen note na hi uh a, mizawngte’ na a kisutte note’ inn sungah om hi.

Isaiah 1:6

Khe nuai-a kipan lutang dong nangawnin a cidamna om lo a, satnim gawpnate leh meimapite leh si luang liammate om hi; tuate pen a nai kisaal lo, kitun lo, sathau tawh kinomsak lo hi.

Solomon la 7:6

It luat aw, na ngaih baang a, na meel muh, nuam zungzung hi.

Paunak 21:13

Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Late 147:11

Topa in amah a zahtak mite leh ama itna kip a muangte tungah lungkim hi.

JOB (Job) 34:28

Amaute in mizawngte kapsak gawp uh a, mizawngte’ huhngetna awging Pasian in za hi.

Thu-hilhkikna 15:9

Na lungsim ah ngaihsutna hoih lo hong omin, ‘Kum sagihna, maisakna kum hong nai hi,’ ci-in na sanggampa gal mi etin amah bangmah na piak loh ciangin na lang khatah Topa tungah amah kiko-in, nang tungah khialhna a suah khak ding kingaihsun in.

Paikhiatna 3:7

Tua ciangin Topa in, “Izipt-ah a om ka mihingte’ gimna mu khinin a uk nasem ukte hangin amau’ kikona ka za khin hi; amau’ thuaknate ka lunghimawh a,

Piancilna 4:10

Topa in, “Nang’ bang hih na hi hiam? Na sanggampa’ sisan, leilak panin keitungah hong kiko hi.

2 SAMUEL NIHNA 7:10

Keimah in ka mi Israelte adingin mun khat ka seh ding a, amaute in amau’ mun-ah teengin a kinawngkaisak nawn loh nadingin amaute ka phut ding hi; nidang bangin mi ngongtatte in,

Thuhilh-sia 4:1

Leitungah thuman lo-a a kigamtatnate khempeuh ka ngaihsun kik leuleu hi. Nenniamna a thuak mite kap uh a, ahi zongin kuamah in amaute hehnem lo hi. A nengniam mite thahat lua uh ahih manin kuamah in thuk ngam lo hi.

Isaiah 3:15

Ka mite sucip-in, mi zawngte na gawina uh, bang na cih nopna uh ahi hiam? Vanglianpen Topa Pasian in ci hi.

Isaiah 27:2

Tua ni ciangin: “A gahpha leenggah lo thu la-in sa un!

Isaiah 30:12

Tua ahih ciangin Israelte’ Siangtho Pa in, “Note in hih thu simmawh-in, zawhthawhna leh khemna suangin, tuate muang na hih manun;

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Isaiah 59:14

Thutang kihawlkhia a, thuman in hong naih thei lo hi. Mi honpite kikhopna munah thuman kizang lo a, thutang tum thei lo hi.

Jeremiah 24:2

Bawm khat sunga theigahte, a min masate tawh kibangin limci mahmah hi. Ahih hangin a bawm khat pen sunga theigahte limci het loin nek theih ding bang hi dek lo hi.

Jeremiah 50:46

A pukna uh gin’ ngaih lua ahih manin leitung a kiliing ding hi. A kahna aw uh, gam khempeuh ah a kiza ding hi,” a ci hi.

Ezekiel 22:29

Mi cithei-a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ut ut-un gamta uh hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Isaiah 1:21

A thutak khuapi, thutang tawh a kidim ngeisa, bang ci-a a paktat numei tawh kibang ta ahi hiam! Ama sungah thumanna om ngei a, ahih hangin tu-in mi thatte bek a om hi.

Isaiah 46:12

“Dikna tawh a kigamlate, a lungsim khauh mite aw, ka thu hong ngai un:

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

Habakkuk 1:3

Bang hangin hih bang siatnate leh lungkhamnate hong musak na hi hiam? Kisuksiatna leh kisukgawpna in hong umcih a, kitotna leh kiseelna, mun citeng ah om hi.