Isaiah 5:5 - Tedim Bible

⁵ Tu-in, ka leenggui lo tungah ka hih ding note tungah kong gen ding hi. A daai ka lakhia ding a, kinemang ding hi; a gawl ka susia ding a, kituancil ding hi.

Tedim Bible Revision 2017

⁵ Tu-in, ka leenggui lo tungah ka hih ding thu note tungah kong gen ding hi. A daai ka la khia dinga, kine mang ding hi. A gawl ka susia dinga, kituancil ding hi.

Isaiah 5:5 Referans Kwoze

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Kah la 1:15

Topa in ka galkap thahatpente nuihsan lel a, Amah in kei do ding leh ka khangnote susia dingin, galkap honpi a hong kuansak hi. Amah in ka mi thahatpente lenggah gawi zan bangin a hong gawizan sak hi.

Isaiah 28:18

Tua ciangin sihna tawh na thuciamna uh kiphiat ding a, Leinuai tawh na thukimna uh kip lo ding hi; a tuumcip ding tuiciin in hong nawk ciangin note hong sugawp ding hi.

Mangmuhna 11:2

Biakinnpi pua lamah a om gawl sung teh kei in, siit in. Bang hang hiam na cih leh, tua gawl sung mun Gentailte ading a kipia zo hi. Amaute in Khuapi Siangtho zong kha sawmli leh kha nih tawntung a sik gawp ding uh hi.

Isaiah 28:3

Efraim zukhamte’ kisaktheihpih ahi tua kumpi lukhu kituancil ding hi. Leihoih zangkuam’ lutung a, a kisuang a vulgawp paak ahi a vanglian ama hoihna in anlak hun ma-a a min theithekgah tawh kibangin, mi khatpeuh in a muhphetin lo in, a khut sungah tawi-in, a valh bangin maimang ding hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Piancilna 11:7

Hong pai un, amaute khat leh khat’ thugen a kitheih loh nadingun eite paisukin amau’ kampau va kitukalhsak ni,” ci hi.

Piancilna 11:4

Tua ciangin amaute in, “Hong pai un, leitung buppi maitang-ah eite i kithehthang gawp loh nadingin ei’ adingin khuapi khat bawlin, a dawn in vantung a ban ding tausangpi khat lamin, eite’ min ding khat bawl ni,” ci uh hi.

Daniel 8:13

Vantungmi khat in a dang vantung mi khat kiangah thu a dot ka za a, “Hih mangmuhna a tangtun’ nading bang tan vei sawt ding a, a muhdah huai mawhna in nisim biakna piakna bang tan vei khak ding hiam? Vantung galkapte leh biakinnpi bang tan vei kituancil ding ahi hiam?” a ci hi.

Kah la 4:12

Namdangte’ gam ukte leh mi khempeuh in, Jerusalem sim zo ding kuamah om lo ding hi ci-a up lai takun;

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahih leh ninkholna dum sungah buhkungte a kisikcip bangin kisikcip gawp ding hi.

Nehemiah 2:3

kumpipa ka dawng a, “Kumpipa nungta tawntung in. Ka pute ka pate a kivuina khuapi sia gawp a, a kongpite kangtum ahih ciangin maikhing loin bangci om theih ding ka hi hiam?” ka ci hi.

Late 89:40

Nangmah in ama kulhte khempeuh na sukham khin a, ama gal panmunkipte a sia na suah khin hi.

Paunak 24:31

ka et ciangin a locing bup-ah kiak dim a, a leitang khempeuh lopa in khuh a, a umna a phungcian’ suangte kicim khin hi.

Isaiah 32:10

Nomau thu tum tak-a a lungkim numeite aw, kumkhat val zek khit ciangin na liinglawng ding uh hi; bang hang hiam cih leh leenggah kum hong sia ding a, singgah lawhna hun hong tung lo ding hi.

Jeremiah 18:11

Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Jeremiah 21:4

‘Topa, Israel mite’ Pasian in a gen-inah, En un, khua kulhpi pua lam-a a hong umcih Babilon kumpipa leh Khaldea mite na dona uh ahi, na khut sung-ua na kep na galhiamte uh bangmah a, kimang lo ka suaksak ding a, amaute khempeuh hih khuapi laizangah kong paipih ding hi.

Jeremiah 28:8

Nang leh kei’ ma-a a om, tang lai-a kamsangte in gam tampi leh gam liante tungah gal ahi zongin, kial ahi zongin, pulnatna ahi zongin hong tung ding hi, ci-in a gen khol zo uh hi.

Jeremiah 45:4

Topa in nang’ tungah hih bang a gen dingin hong sawl hi: En in, keimah in ka lam sate ka phel kik a, ka phuh sate ka bot khia kik hi. Keimah in leitung buppi tua bangin ka hih ding hi.

Hosea 2:12

Ka pasal it dangte in thaman-a hong piak hi, ci-a a gen leengguite leh a theikungte ka susia ding a, gamsate in tuate suksiatsakin gamlakpi suak ding hi.

Late 89:41

A pai khempeuh in ama nate sutgawp uh a, amah pen a vengte’ nuihsat a suak hi.

Thuhilh-sia 3:3

Gawh hun om a, khawi hun om hi. Phel hun om a, lam hun om hi.

Kah la 2:6

Amah i biakna Biakinnpi a zan gawpsak hi. Amah in ni siangtho nite leh sabbath nite a beisak hi. Kumpite leh siampite in a nasia Ama hehna a thuak khawm uh hi.

Hosea 2:14

Tua ahih ciangin gamlakah amah ka paipih kik ding a, itna kam tawh amah hopihin ka zol kik ding hi.