Isaiah 5:26 - Tedim Bible

²⁶ Amah in, gamlapi-a om minam khat a sapna-in lim khat lak a, lei mong panin hong pai nadingin a sam hi; manlang takin hong paipah hi.

Tedim Bible Revision 2017

²⁶ Amah in a gamlapi-a om minam khat a sapna-in lim khat lak a, leimong panin hong pai nadingin a sam hi. Manlang takin tua mite hong pai pah hi.

Isaiah 5:26 Referans Kwoze

Zekhariah 10:8

Amaute samin, ka kaikhawm ding a, amaute honkhia-in, ni danga zahin mi tampi ka phasak ding hi.

Isaiah 7:18

Tua ni ciangin Izipt luite’ nak-a a om Izipt mite, thopi hon bangin hong pai nading leh Assiria mite, a gam panun khuaipi hon bangin hong pai nadingun Topa in sam ding hi.

Isaiah 18:3

Leitunga teeng mi khempeuh, leitang tunga om mi khempeuhte aw, mualte tungah lan khat hong kilah ciangin, en un! Peengkul hong kimut ciangin, ngai un!

Thu-hilhkikna 28:49

-

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Habakkuk 1:8

A sakolte uh, kamkei sangin tai hatzaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei-ah a khe phut uh hi. Muvanlai in sa a bawh bangin, a galte len’lak uh hi.

Joel 2:7

Galhangte bangin hong sim uh a, galkapte bangin kulh tungah hong kah uh hi. A vekpi un tang takin mai hong nawt uh a, hong heem pai kuamah om lo hi.

Kah la 4:19

Mu ak bawh sanga manlang zawin, amaute in a hong delh uh hi. Amaute in mualtung panin hong nawhsuk uh a, theihkholh lohin a hong man khin uh hi.

Jeremiah 51:27

“Leitungbup galsim dingin thu pia un; gamdangte kiangah peengkul mut un. Amah sim dingin kithawi sak in; Ararat, Minni leh Ashkenaz gamte sim sak un. Makai khat teel un la, kauphe honpi bangin sakolte va la un.

Jeremiah 5:15

En un, Israel minamte aw, Topa in kong cih-inah, gamlapi panin note hong sim dingin gam khat kong kuansak ding hi. Tua gam in tanglai peka a om sa, a hat mahmah, amaute’ pau na theih loh uh gam khat ahi hi.

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Isaiah 39:3

Tua ciangin Kumpipa Hezekiah kiangah kamsangpa Isaiah hong pai-in, “Hih mite in bang gen ahi hiam? Koi lai panin nang kiangah hong pai ahi hiam?” a ci hi. Hezekiah in, “Amaute, a gamlapi, Babilon gam panin kei kiangah hong pai uh ahi hi,” a ci hi.

Isaiah 30:16

“Hi lo! Sakol tungah manlang takin i tai ding hi,” ci na hih uh ciangin note na taikhia ding uh a; “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

Isaiah 13:5

Leitung buppi susia dingin Topa leh ama hehna galhiamte gamlapi van mong panin hong pai hi.

Isaiah 13:2

Mual kolh tungah lan khat khai to un la, galkapte tungah nakpi takin kiko un; mi liante’ kongpi-ah a lut nadingun amaute khut vaan un.

Late 72:8

Ama ukna in tuipi khat pan tuipi khat, Gunpi panin leimong dongin om ta hen!

Late 60:4

Thalte panin kihem-in a kikaihkhop dingun nangmah hong zahtakte’ adingin dial khat na koih khin hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Isaiah 13:3

Keimah mah in ka tuamkoihsa mite thu pia khinin, ka hehna thu a sem khia dingin, ka gualzawhna ah a lungdam ka mi thahatte ka sam khin hi.

Isaiah 13:4

Ngai un, mihonpi gamlum bangin mual tungte ah gamlumna! Ngai un, minamte’ kumpi gamte kikhawmin a gamlumna! Vanglianpen Topa in galdo dingin mihon khat kaikhawm hi.

Isaiah 31:9

Amau’ belh a mun muanhuai uh, launa hangin tai ding a, buaina hangin a uliante in a lim uh taisan ding hi,” ama meikuang Zion ah a om, ama meikhuk Jerusalem khua ah a om Topa in ci hi.

Ezekiel 38:17

Ni khat ni ciangin Israel mite a sim dingin mi khat ka sawl ding hi, ci-in keima nasemte ahi, Israel kamsangte tung tawnin, sawt pek lai-in ka gengen niloh mipa in nang na hi hi. Hih thu Topa Pasian in gen khin zo hi.