Isaiah 5:25 - Tedim Bible

²⁵ Tua ahih ciangin, Topa’ hehna ama mite’ tungah hong khangin, a khut zanin amaute vat gawp a, mualte liing hi; amaute’ luang hawmte pen kongzing lampite ah nin bangin om hi. Hih bang teng hangin zong a hehna dam nai lo a, ama khut kizan lai hi.

Tedim Bible Revision 2017

²⁵ Tua ahih ciangin Topa’ hehna ama mite tungah hong khangin, a khut zanin amaute vat gawp a, mualte a kiliing hi. Amauteʼ luanghawmte kongzing lampite ah nin bangin a om hi. Hih bang teng hangin zong a hehna dam zo nai loin ama khut kizanlai hi.

Isaiah 5:25 Referans Kwoze

Isaiah 10:4

Thongkiate’ lakah tonbucip-a om ding leh a kithat mite’ lakah tuk ding bek a om hi. Hih thute khempeuh hangin ama hehna dam zo nai lo a, ama khut kizan lai hi.

Isaiah 9:21

Manasseh in Efraim, Efraim in Manasseh ne-in tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.

2 KUMPI NIHNATE 9:37

tua ciangin Jezebel’ luanghawm in Jezre-el gam sung gamlak maitang tungah eklei tawh kibang ding a, tua ahih manin kuamah in, ‘Hih in Jezebel ahi hi,’ cih thei lo ding hi,” a ci hi.

Daniel 9:16

Nang na diktat hi, tua ahih ciangin Jerusalem na mual siang tungpan na hehna na lakhia in. Tua in na khuapi hi a, na mual siangtho ahi hi. Kote leh ka pute ka pate uh khialhna leh gitlohna hangin ka kiim ka paam uh a mite khempeuh in Jerusalem leh na mite a hong simmawh uh hi.

Jeremiah 4:24

Mualte ka et leh kiliing damdam uh a, mualneute kileh kawikawi uh hi.

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!

Nahum 1:5

Ama mai-ah mualliante liing a, Mualneute tuisuak hi. Ama mai-ah leitang kicim a, leitung leh a tunga om khempeuh liing uh hi.

Jeremiah 16:4

Natna lian tawh si ding uh a, kuamah in kah loin kuamah in lah a vui kei ding uh hi. Lei laka ek kitha bang ahi lel ding uh hi. Namsau kial tawh a si ding uh a, a siluangte uh huih laka leeng vasate leh lei laka ganhingte in a ne ding uh hi.

Late 18:7

Ama hehna hangin leitung kipumpei in, kiveei a, mual bulpite zong lingin kising damdam hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Zefaniah 1:17

Topa in hih bangin thu gen a, “Mihingte tungah lungkhamna lianpi ka tungsak ding a, amaute in mittaw bangin khua zawt ding uh hi. Keima tungah amaute hong khial uh ahih manin, tui bangin a sisan uh kithehthang ding a, a luanghawm uh, leilakah muatcip ding hi,” ci hi.

Habakkuk 3:10

Mualliante in nang hong muh ciangin liing uh a, van panin guah tampi hong zu hi. Lei nuai-a om tuite ging zuazua a, a tuihualte in sangpipi banto hi.

Micah 1:4

Meikhuk sunga khuainun kikoih bangin, ama khe nuai-ah mual liante tuisuak ding a, mual tung panin tui a luan’sak bangin, guam sungah tua mualte luang suk ding hi.

Hosea 14:4

Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.

Kah la 5:22

Kote hong nial tawntung takpi ding na hi hiam? Na hehna in ciangtan hun nei thei lo ding ahi hiam?

Jeremiah 15:3

“Amaute’ sih nadingin gimna nam li ka tungsak ding hi. A kithah nading uh namsau, a keizan gawp dingin ui, a valhtum ding leh a susia gawp dingin huih lak-a vasate leh lei lak-a ganhingte ka koih ding hi.

Jeremiah 9:22

“Topa in, ‘Gamlaka kitha ek bangin misiluang a kipaaithang ding a, buhlom atsa kinusia bangin kuamah in a khawm kei ding hi,’ ci-in a gen hi, va ci in,’ hong ci hi.

Jeremiah 8:2

amaute in a it uh, a na a sepsak uh, a delh uh, a zon’ uh leh a biak uh ahi ni leh kha leh van-a om nate khempeuh’ mai-ah a kipho khia ding hi. Tua guhte kikhawm nawn loin a kiphum nawn kei ding a, lei laka ek kinusia bang ahi lel ding hi.

Jeremiah 4:8

Tua ahih manin ippi puan silh un la, tau-in kap un; bang hang hiam cih leh Topa’ hehna lauhuaipi eite’ kiang pan kiheikhia nai lo hi.

Late 114:7

Leitung aw, suangpi bualtui khuk suak sak a, meisuang pen ciktui a suak sak, Jakob Pasian’ omna, Topa’ omna-ah kiliing in!

Late 106:40

Tua ciangin ama mite tungah Topa’ hehna hong kikuantawh a, amah in ama luah minamte a kih hi;

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.

Late 77:18

Na vanging lianpi pingpei sungah om-in, khuaphialepte in leitung taan’ a, leitang liingin kising hi.

Late 68:8

nangmah Pasian na om manin lei lingin, vantungte in guah zusak hi; Pasian ahi, Israelte’ Pasian’ omna-ah Sinai mual nangawn ling hi.

2 KUMPI NIHNATE 13:3

Tua ciangin Israelte tungah Topa heh a, amah in Siria kumpipa Hazael khut sung leh Hazael’ tapa Benhadad khut sungah amaute pia tawntung hi.

1 KUMPI MASATE 21:24

Khuapi sungah Ahab’ innkuan a si peuhpeuh uite in ne ding uh hi; gamlakah a si ama innkuan peuhpeuh huih lak vasate in ne ding uh hi, ci hi,” a ci hi.

1 KUMPI MASATE 16:4

Baasha’ mi ahi khuapi sunga a si peuhpeuh uite in ne ding hi; ama mi gamlakah a si peuhpeuh huihlak vasate in ne ding hi,” a ci hi.

1 KUMPI MASATE 14:11

Tua ahih ciangin Jeroboam’ mi ahi khuapi sunga a si mi peuhpeuh uite in ne ding hi; gamlakah a si mi peuhpeuh huihlak vasate in ne ding hi; bang hang hiam cih leh Topa in gen khin hi,” ci hi,’ ci-in gen in.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Paikhiatna 7:19

Topa in Moses' kiangah, “Aaron' kiangah hih bangin gen in, ‘Na ciangkhut la in la, sisan a suah theih nadingin Izipt tuite, amau’ gunte, amau’ luite, amau’ bualte' tung leh amau’ tuili khempeuhte' tungah na khut zan in; Izipt gam sunga sing beel leh suang beel khempeuh sung nangawnah sisan om ding hi,’ ci in,” ci hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Isaiah 14:19

ahih hangin nang pen, namsau tawh a kithat misite tawh na kituam a, Suanghawmpi sunga a paisukte, khe tawh a kisikcip si luang hawmte bangin, na hankhuk pua lamah hong kilawnkhia hi.

Isaiah 23:11

Topa in tuipi tungah a khut zan a, kumpi gamte kiliingsak gawp hi; Sum bawlna phualpite a kisuksiat nading Topa in thupia zo hi.

Isaiah 25:11

Tuipeekpa in tuipeek dingin a khutte a van bangin amaute in a khut uh vanvan ding uh a, ahih hangin a khut uh a van simin a kiphatsaknate uh Pasian in niamsuk sak ding hi.

Isaiah 42:25

Tua ahih ciangin amah in, ama hehna-so leh gal kidonate eite tungah hong tungsak hi. Israel mi khempeuh lakah mei bangin ama hehna hong kuang a, ahih hangin eite in bangmah i thei kei hi. Tua i thuakna hangin bangmah i phawk khia thei tuan kei hi.

Isaiah 51:20

Na mite gim khin a, ngenthang sunga sanang a awk bangin lamlian kiu khempeuh ah amaute lum uh hi; Topa’ hehna, na Pasian’ taiina amaute in thuak uh hi.

Isaiah 64:3

Kote’ lamet lohpi-in nang hong pai-in a lauhuai nate na bawl ngei a, na mai-ah mualte a liing hi.

Isaiah 66:15

Bang hang hiam cih leh en un, heh mahmahna tawh ama sin sona leh meikuang tawh daan a pia dingin meikuang sungah Topa hong pai ding a, huihpi bangin a leengte hong pai ding hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi; bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding uh hi, a ci hi.

Jeremiah 17:4

Nang kong piak na gam zong na taan ding a, na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi.

Ezekiel 6:14

Keimah in ka khut zanin a gam khempeuh uh ka susia ding hi. Leitaw lam gamlak pana kipanin leilu lam Riblah khuapi dongin, Israel mite’ omna mun khempeuh, siit nei loin ka vatmai ding hi. Tua ciangin Topa ka hih lamtak mi khempeuh in thei ding uh hi,” hong ci hi.

Ezekiel 30:25

Amah ka thanemsak ding a, Babilon kumpipa ka thakhauhsak ding hi. Tua ciangin Topa ka hihna thu amaute in hong thei ding uh hi. Babilon kumpipa khut sungah ka namsau ka piak ciangin amah in Izipt lam ngat ding hi.

Amos 8:8

Tua ahih manin ziin hong liing ding a, leitunga om mi khempeuh kap ding uh hi. Nail Gunpi bangin leitung khempeuh khang toin kiamsuk ding hi.

Thu-hilhkikna 31:18

Amaute pasian dangte lamah kihei uh ahih manin amau’ gamtatnasa siatnate khempeuh hangin tua hun ciangin ka mai ka seel taktak ding hi.

JOB (Job) 9:13

“Pasian in ama hehna dokkik het lo mah ding hi; Rahab’ pawlte a khe nuai-ah kun uh hi.

Isaiah 9:11

Tua ahih ciangin Topa in, Rezen do dingin a langpang ding bawl a, amau’ galte hanthawn hi.

Isaiah 9:16

bang hang hiam cih leh hih minam a makaihte in lam khialsak a, amaute’ makaite in lampialsak uh hi.

Isaiah 9:20

Amaute in taklam-a omte ne uh a, ahih hangin gilkial lai uh hi, amaute in veilam-a omte ne uh a, ahih hangin kham nai lo uh hi; mite in amau’ vengte’ sa ne ciat uh hi,

Isaiah 29:2

Ahih hangin keimah in ‘Pasian’ biakna tau, a kici tungah gimna ka tungsak ding hi. Thuumna leh tauna om ding a, tua khuapi pen, biakna halna biakna tau suak ding hi.

Jeremiah 6:12

A innte uh midang in luah ding a, a lote leh a zite uh a taan ding uh hi. Bang hang hiam cih leh Topa in kong cih-inah, hih mite’ lang khatah ka khut zan-in daan ka tat ding hi.

Ezekiel 15:6

Tua ahih ciangin Topa Pasian in hih bangin ci hi: Tu laka om singte kiman’na nei hi. Ahi zongin leengguite kila-in a kihaltum mah bangin Jerusalem-a teeng mite, la khia-in,