Isaiah 5:21 - Tedim Bible

²¹ Amau’ mit-ah pil kisa a, amau’ muhna-ah siam a kisate in gimna ngah ta hen!

Tedim Bible Revision 2017

²¹ Amauʼ mitah pil kisa a, amauʼ muhna ah siam a kisate in gimna ngah tahen!

Isaiah 5:21 Referans Kwoze

ROM (Romans) 12:16

Khat leh khat na lungsim uh na kituaksak un. Min san’na na lunggulh kei un. Lung kiniamsakna deih un. Kei mipil mi ka hi ci-in kingaihsun kei un.

Paunak 3:7

Nangmah mah a pilin kingaihsun tawm kei in la, Topa zahtakin, a sia pel in.

Paunak 26:12

A pil lo kimlai pil a kisapa sangin, mihaite’ adingin lametna om zaw lai hi.

ROM (Romans) 1:22

“Lungpil mi ka hi uh hi,” a cih uh hangin mihai suak uh a,

Johan 9:41

Zeisu in, “Note mittaw na hih uh leh, mawhna na nei kei ding uh hi. Ahih hangin ‘Khua ka mu uh hi,’ ci na hih uh ciangin na mawhna uh a om lai hi,” ci-in a gen hi.

Paunak 26:16

A kilawm-a thu a dawng thei mihing sagih sangin, mi thadahpa ama ngaihsutna-ah pil kisa zaw hi.

ROM (Romans) 11:25

Ute naute aw, na kisaktheih loh nadingun Gentailte khempeuh hong lut khit matengin, Israel mite tungah khuamialna tawm a tung hi ci-in hih thuthuk thei loin na om ding uh ka ut kei hi.

JOB (Job) 11:12

Gam sung late mihing suak ngei ding a mihaite pil ngei ding ahi hiam?

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Isaiah 40:23

uliante a mawkna suaksakin, leitung ukte pen bangmah lo a suaksakpa in amah ahi hi.

Isaiah 47:10

Na gitlohna ah nang na lung muang a, “Kuamah in kei hong mu lo hi,” na ci hi; na pilna lehna theihnate in lam hong pialsak a, na lungsim sungah, “Keimah hi’ng, kei sim loh midang om kei,” na ci hi.

Isaiah 10:13

Bang hang hiam cih leh amah in: “Keimah in thu theihtelna nei ka hih manin keima thahatna leh keima pilna tawh ka hih khin hi; mihingte’ gamgite lakhia-in amau’ sumte ka sut khin hi; keimah in a vanglianpa bangin amau kumpite ka sugawp hi.