Isaiah 5:18 - Tedim Bible

^18-19 Amaute in, “I muh theih nadingin amah manlang sakin, ama nasep kinawh sak ni; Israelte’ Siangtho Pa’ deihna i theihtheih nadingin nai sakin, tung sak ni!” ci-in ganhing kaih bangin khauzen tawh mawhna kai-in, khauhualpi tawh khialhna kai uh ahih manin gimna ngah ta uh hen.

Tedim Bible Revision 2017

^18-19 Amaute in, “I muh theih nadingin amah manlang sakin, ama nasep khawlsak ni. Israel-teʼ Siangtho Paʼ deihna i theihtheih nadingin naisakin tungsak ni!” ci-in ganhing kaih bangin khauzen tawh mawhna kai-in, khauhual pi tawh khialhna kai uh ahih manin gimna ngah ta uh hen.

Isaiah 5:18 Referans Kwoze

Jeremiah 23:14

Ahih hangin Jerusalem khua-a kamsangte sungah a mulkimhuai zaw na khat ka mu hi. Angkawmin zuauthu a gen uh a, mite a gitlohna uh pan a kikhel loh nadingin mi hoihlote a hanthawn zawlai uh hi. A vekpiun kei’ muhna-ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Jeremiah 23:10

Bang hang hiam cih leh mun khempeuh ah angkawmte dim hi. Topa’ haamsiatna hangin gamsung tengah kahna dim a, gamlak lonona munte a keumang hi. Amaute gitlohna lamah pai uh a, a thuneih theihnate uh a man lopi-in a zang uh hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Late 36:2

Bang hang hiam cih leh ama mawhna kidawk khia lo, muhdahna thuak lo ahih manin amah kimawk phat tawm hi.

Sawltak 26:9

“Nazareth khua mi Zeisu’ min langpanin ahi thei zahzaha sep ding mah hi ci-in ka kizo khin a,

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.

Late 14:1

Mihai mi in a lungsim sungah, “Pasian om lo hi,” ci-in ngaihsun hi. Amaute sia uh a, kihhuai gamtatin, ahoih-a gamta kuamah om lo hi.

Late 10:11

Ama lungsim sungah, “Hih pen, Pasian in mangngilh hi, a mai seel hi, en lo ding hi,” ci-in ngaihsun hi.

Thukhente 17:13

Tua ciangin Mikah in, “Topa in ka dau hong pai sak ding hi, ci-in tu-in ka thei hi; bang hang hiam cih leh siampi-in Levi mite khat ka nei hi,” a ci hi.

Thukhente 17:5

Tua mipa Mikah in biakna phual khat nei a, amah in siampi puan khat leh innsung pasiante bawlin siampi suak dingin a tapate khat koih hi.

Jeremiah 36:23

Jehudi in khawk thum khawk li bang a sim khit ciangin kumpipa in temta neu khat tawh aat khia-a, meikhuk sungah a khul hi. Tua bangin laizial buppi a kattum dong meikhuk sungah a paaipaai hi.

Paunak 4:17

Gitlohna, annek bangin nuamsa uh a, ngongtatna, tuidawn bangin ngaihsun uh hi.