Isaiah 5:15 - Tedim Bible

¹⁵ Mite a niamin kikoih suak a, mite kiniamkhiat suk hi, a kiphasakte kiniamkhiat suk hi.

Tedim Bible Revision 2017

¹⁵ Mi khempeuh a niamin kikoih suk hi. A kiphasak mite kiniamkhiat suk hi.

Isaiah 5:15 Referans Kwoze

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 2:9

Tua ahih ciangin mite kiniamkhiat sukin, mite a niamin kikoih suk hi. Amaute’ mawhna maisak kei in:

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Jeremiah 5:9

Hih thute hangin amaute daantat lo ding ka hi hiam? Topa in ka gen-inah, hi ci bang minam’ tungah thukkik lo ding ka hi hiam?

Isaiah 37:29

Keima tungah nang hehin, na kiphatsakna thu kei tungah hong tung ahih manin, na nak-ah sikkawi bulhin, na kamah kamkaih hong bulhin, nong paina lampi lam mahah nang kong ciahkik sak ding hi,’ ci hi.

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Isaiah 10:33

En un, Topa, Vanglianpen Topa in a kihtak huai vangliatna tawh sing hiangte heuh ding hi; a kung sangte kiphuk ding a, a kisangsakte a niam-in kikoih ding hi.

Isaiah 10:12

Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Late 62:9

Mineute ahih leh husan’ bang bek hi a, miliante pen a hawmpi ahi hi; tawikhaina-ah amaute in lek lo uh hi; amaute a kigawmin husan’ khat sangin zangzaw uh hi.

Paikhiatna 9:17

Ka mihingte' tungah nang kiliansak lai-in amaute na paisak kei hi.

2 SAMUEL NIHNA 22:28

Nangmah in mi niamte na honkhia a, ahih hangin a kiphasakte na niamkhiat hi.

Late 131:1

Topa aw, ka lungsim kiliansak nawn lo a, kei ka kihisak nawn kei hi; kei adingin a lian lua leh a lamdang luate ngaihsutin ka nei kei hi.

Paunak 30:13

Mihoih pha mahmah-a a kingaihsun, a kiliansak mi pawlkhat om hi.

Zefaniah 3:11

Tua hun ciangin, ka mite in kei nong lehdona hangun, maizumna ding bangmah om nawn lo ding hi. Note’ lak panin a kiphasak a kihisak mite ka hawlkhia ding a, Jerusalem khua a, ka mual siangtho tungah kei nong lehdo nawn kei ding uh hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;