Isaiah 5:12 - Tedim Bible

¹² Amaute in a pawi sung uhah laiza la sakna leh harp la sakna, khuang, tamngai leh leenggahzu tampi nei uh hi; ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Tedim Bible Revision 2017

¹² Amaute in a pawi sung uh ah laiza lasakna le harp lasakna, khuang, tamngai le leenggahzu, tampi a nei uh hi. Ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Isaiah 5:12 Referans Kwoze

Late 28:5

Amaute in Topa’ nasepna, a khutte’ nasepna thupi ngaihsut lo ahih manin, amah in amaute susia-in a bawlkik nawn kei ding hi.

JOB (Job) 34:27

Bang hang hiam cih leh amaute in a thu mang nawn lo uh a, a thupiaknate khempeuh don nawn lo uh hi.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Luka 16:19

“Nidang lai-inah sumhaupa khat a om hi. Tua pa in puansan leh saihadial puan silhin ni simin nuamin an pha bel ne-in a om hi.

Isaiah 22:13

ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

Piancilna 31:27

Bang hangin tai simin kei hong khem a, hong gen lo na hi hiam? Tua ci kei lecin, lungdamna leh lasakna, khuang leh laiza tawh kong kha ding hi.

1 KORIN MASA 14:7

Tua mah bangin a aw a ging thei, hin’na a nei lo gawsem ahi zongin, tamngai ahi zongin, a aw a kilamdangin a gin’ kei leh, gawsem aw ahi zongin, tamngai aw ahi zongin bangci kitheih ding ahi hiam?

1 SAMUEL MASA 12:24

Topa zahtak bek un la, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsaksate ngaihsun un.

2 SAMUEL NIHNA 19:35

Tu ni-in kei kum sawmgiat ka pha hi; a nuam leh a nuam lo khentel thei nawn ka hi hiam? Na nasempa in a nek ahi a, a dawn ahi zongin a limna phawk thei nawn ahi hiam? Lasa numeite leh lasa pasalte’ aw za thei nawn ka hi hiam? Tua ahih ciangin bang hangin ka to kumpipa tungah na nasempa in vangik kibehlap hong hi ding ahi hiam?

Isaiah 24:8

Lungdamna khuang gingte daii-in, lungdam a, gamlumnate om nawn lo a, lungdam a, laiza tawh la saknate daii ta hi.

Isaiah 29:1

Pasian’ biakna tau ahi Jerusalem khuapi, David in a sat khuapi in gim ngah ta hen. Kumte, a ban banin paipai sak un la, pawite a ngeina bangin kot paipai sak un.

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

Ezekiel 26:13

Khuapi sungah lasakna awging ka beisak ding a, tum theih awgingte khempeuh zong kiza nawn lo ding hi.